Қызыл кітап туралы

Білім беру саласы:"Таным"Әлеумет.

Ұйымдастырылған оқу қызмет түрі:"Экология".

Тақырыбы:"Қызыл кітап құпиясы"

Мақсаты:Қызыл кітап туралы түсінік беру,оның маңызы туралы түсіндіру.

Міндеттері:Қазақстанда жойылып кету қаупі төніп тұрған жануарлар,құстарға,жәндіктерге тоқталып,"Қызыл кітап туралы түсінік беру.

Қызыл кітапқа енген,сирек кездесетін жануарларды қорғау шаралары арқылы есте сақтау қабілеттерін дамыту.Жануарларға деген сүйіспеншілік сезімін арттыруға қамқор болуға тәрбиелеу.

Сөздік жұмыс:Сирек кездесетін аңдар.

Билингвальды компонент:Қызыл кітап-Красная книга,Қоқиқаз-Фламинго,Қызыл қасқыр-Красный волк,Арқар-Архар,Үйрек-Утка,Қарлы барыс-Снежный барс.

Көрнекілік:Жануарлардың суреттері слайд,үнтаспа.

Қолданылатын әдістер:Әңгіме,баяндау,көрсету,сұрақ-жауап,ойын,өзіндік жұмыстар.Пуантилизм тәсілі.

Сабақ барысы:Ұйымдастыру кезеңі

Тәрбиеші:Балалар, бізде бүгін ерекше күн.Бізге қонақтар келіп отыр.Енді тұрып амандасайық.

Табиғат біздің -анамыз,

Жер-ана-біздің панамыз.

Таза болса табиғат,

Бізде аман боламыз.

Амансыңдарма достарым,

Қайырлы күн қонақтар!

Тәрбиеші:Міне алтын күн бізге шұғыласын шашып тұр,топ іші әдемі,әсем,жарық,бәріміз де бізді айнала қоршаған орта да сондай көңілді.

-Балалар айтыңдаршы бізді қоршаған ортаны біз қалай айтамыз?(Табиғат)

-Табиғат нешеге бөлінеді?(Өлі және тірі табиғат болып екіге бөлінеді)

-Не себепті тірі табиғат дейміз?"(Тірі табиғат өседі,көктейді,көбейеді)

-Не себепті өлі табиғат дейміз?(Өлі табиғат өспейді,көктемейді,көбеймейді)

-Тірі табиғатқа не жатады? (Адамдар,жан-жануарлар,өсімдіктер,құстар)

-Өлі табиғатқа не жатады?(Құм,тас,тау,су,күн,жер,ауа)

Тәрбиеші:Адам табиғатқа қамқорлықпен қарау керек.Табиғатта өзімізді қалай ұстайтынымызды және тыйым сөздерді еске түсірейік.

Ойын:"Сөйлемді аяқта"

Қоқысты ............кез-келген жерге тастама,арнайы жәшікке таста.

Жануарларға......зиян келтірме, қамқорлық жаса!

Құстарды...өлтірме, ұя жасап қамқорлық көрсет!

Суды... ластама

Орманды... өртеме.

Жалғыз ағашты... кеспе.

Гүлді... үзбе.

Құстың ұясын... бұзба!

Тәрбиеші:Рахмет,тиым сөздерді біледі екенсіңдер.

Осы кезде әуен ойналады.Қоян кіреді.

- Көмектесіңдер, көмектесіңдер!

Сәлем деймін мен саған,

Сәлем деймін апайға,

Қонақтарға баршаға

Міне мен, міне сен,

Сәлеметсіздерме

- Сәлеметсіз бе, қоянжан! Саған не болды?

- Ормандағы аңдарға қауіп төніп тұр. Неге екенін білмеймін ормандағы аңдар күн өткен сайын азайып бара жатыр.

(Ізінен аңшы кіреді, ол қоянның қайда кеткенін сұрап, асығады).

Аңшы келеді:

- Амансыз ба? Сіз аптықпаңыз, кішкене аялдаңыз. Бүгінгі күніңізді бізбен бірге өткізіңіз, мүмкін біздің сабағымыздан жақсы пікір алып кетерсіз. Тыңдаңыз.

-Балалар, бүгін біз Қызыл кітаппен танысамыз.

-Балалар, сендер білесіңдерме, қызыл түсті белгі тағы да қай жерде кездеседі?

- Демек, балалар, қызыл түс қауіп төніп тұр, көмек керек деген мағынаны білдіреді.

Әңгіме: «Қызыл кітап».

- Қызыл кітаптың маңызы зор. Ол жойылып бара жатқан аң-құстарды, өсімдіктерді қорғауға алады, оларды бейберекет атуға, аулауға тиым салады

- Бұл кітапта саны азайып кеткен жануарлар мен өсімдіктер туралы анықтамалар, қызықты әңгімелер және олардың түрлі-түсті суреттері бар.

- Мұқият қарап отырыңдар! Енді сендерді сол аңдармен, құстармен, өсімдіктермен таныстырамын.

Слайд:"Қызыл кітап"

Тәрбиеші:Ал енді балалар орнымыздан тұрып,аңшы мен қоянды қасымызға қосып кішкене сергіп алайық.

Сергіту сәті:"Поезд"

Тәрбиеші:Жан-жануарлардың саны неліктен сиреп азайды деп ойлайсыңдар

-Өйткені оны аңшы, броконерлер тері еті және дәрі жасау үшін атып алады.

Ормандағы ағаштарды кесіп,өсімдіктерді жұлады.

Тәрбиеші:Балалар мен сендермен ойын ойнағым келіп тұр.

Ойын:1."Не қайда мекендейді"Балаларға суреттерді көрсету арқылы Қызыл кітапқа енген жан-жануарлар мен аңдарды,құстардың қайда мекендейтінін тауып көрсету.

2."Жақсы -жама

Мақсаты: Суреттерге қарап,олардың қасына жақсы нәрсеге жасыл дөңгелек,жаман нәрсеге қызыл дөңгелек қоямыз.(табиғатқа қамқорлық және қастандық жасап жатқан әртүрлі сутеттер ілінеді)

Тәрбиеші:Ал енді аңшы атай біз сізге көптеген "Қызыл кітап" туралы мағұлыматтар бердік,ойын ойнадық,слайд көрсетік.Жан-жануар мен құстарды атуға немесе көзін жоюға болмайтынын білдіңіз.Ал енді бізден сіз не қалайсыз,қандай бұйымтайыңыз бар.

Аңшы: Мен сіздердің берген мағұлыматтарыңызды алып,өзім істеген әрекетіме ұялып тұрмын.Сол себепті сіздер маған естелікке қызыл кітапқа енген жан-жануарлар мен құстар туралы суреттер салып берсеңіздер екен.Өйткені мен бұл суреттерді басқа адамдарға көрсету арқылы қызыл кітапқа енген жан-жануарлар мен құстарға тиісуге болмайтыны туралы айтып ескертер едім.

Тәрбиеші:Олай болса балалар аңшы атайға пунтилизм тәсілі арқылы Қызыл кітапқа енген жан-жануарлар мен құстардың суреттерін салып тарту етейік.

Суретті салады.

Аңшы:Жарайсыңдар балалар рахмет сендерге ал енді менің де сендерге дайындаған тосын сыйым бар.Балаларға чупа-чупс береді.

Аңшы,қоянды қасына алып ал енді апайлар мен балалар сау мен енді бүгіннен бастап қоянға да жалпы аң атауына тиіспеймін деп уәде беремін.

ЖШС "Бес-ТауXXI" №40"Балдәурен"

"Ақкөгершін"ересек тобы

Тақырыбы: "Қызыл кітап" құпиясы

Білім беру саласы:"Таным","Әлеумет","Денсаулық",

Шығармашылық","Қатынас"

Бөлімі:"Экология"

Тәрбиешілер:Курманбаева.Ж.С

Жанкулова.К.А

Ақтөбе қаласы 2021ж