Білім беру саласы: Әлеуметтік орта, Шығармашылық, Қатынас,Таным,Денсаулық.
Ұйымдастырылған оқу-іс әрекетінің түрі: Қоршаған ортамен таныстыру, Тіл дамыту, Жапсыру, математика, дене тәрбиесі.
Тақырыбы: «Күз кереметі»
Мақсаты: Балаларға жылдың күз мезгілі туралы түсінік беру. Күздің ерекшеліктерімен таныстыру, күз туралы өлең-тақпақтар, жұмбақтар жаттату.
Методикалық әдіс: Түсіндіру, бақылау, сұрақ-жауап.
Көрнекіліктер: «Күзгі бақ» суреті, жемістер, көкөністер, автобус, қағазға салынған ағаш суреті, жапырақтар.
Ұйымдастыру және психологиялық сәт
Тәрбиеші: Қараңдаршы балалар, айналамыз қандай тамаша! Осы бөлмеге шуағын төгіп, нұр беріп тұрған күнге қарайықшы. Сол күннен жылу алып, алған жылуымызды бір-бірімізге береміз.
Әрқашан әдемі болайық!
Еліміз тыныш болсын!
Аспанымыз ашық болсын!
Деніміз сау болсын!
Достарымыз көп болсын.
Тәрбиеші: - Отанның болашғы сіздер аман болыңыздар.
Тәрбиеші, Ш.Ахметовтың «Бұл қай кезде болады?!» өлеңін оқиды.
Балалар:- Күзде!
Тәрбиеші: Күз айларын атаймыз?
Балалар: қыркүйек, қазан, қараша
Тәрбиеші:- Балалар күздің қандай ерекшеліктері болады?
Балалар: -Күзде күн салқын болады. Ағаштың жапырақтары сарғайып жерге түседі. Құстар жылы жаққа ұшып кетеді.
Тәрбиеші:- Күзді неліктен «Жомарт Күз»- деп атаймыз?
Балалар: -Себебі күзде көкөністер мен жемістер піседі, егін жинау болады.
Тәрбиеші: -Балалар біздер күздің осы ерекшеліктерін көзімізбен көру үшін табиғатқа саяхат жасаймыз. Орман алыс, сондықтан автобуспен барамыз. Автобус билеттерін аламыз қыздар қызыл дөңгелек пішінді, ұлдар көк үшбұрыш пішіндерді алыңдар. Орманға дейін «Жапырақтар» әнін айтамыз.
Тәрбиеші: -Міне орманға да келдік. Қараңдаршы, балалар қандай керемет, сап-сары алтындай. Жоғарыда құстар ұшып барады. Төменде кірпі жүгіріп жүр. Кірпі үстіне қанша алма қадаған, қане санаймыз!
Балалар: 1 – 2 – 3
Тәрбиеші: - Балалар мен жұмбақ жасырайын, сендер шешіп шешуін табыңдар.
(Жұмбақ шешу арқылы жеміс және көкөністермен танысу)
Түсі қызыл,
Тамсандырар бал дәмі!
Домалақ пішіні,
Қызықтырар кісіні. (алма)
Аласа тауда, алуан алма,
Қып-қызыл болмай, аузыңа салма! (қызанақ)
Қабат-қабат тоны бар,
Түймелекге жетпейді. (қырыққабат)
Тәрбиеші: -Балалар алмада басқа қандай жемістерді білесіңдер
Балалар: -алма, алмұрт, жүзім, шие, анар, алша, құлпынай.
Тәрбиеші: -Қандай көкөністерді білесіңдер?
Балалар: - Сәбіз, қияр, қызанақ, картоп, қырыққабат, қауын, қарбыз, жуа, т.б.
Тәрбиеші: -Жемістер қайда өседі?
Балалар: -Ағаштың басында
Тәрбиеші: -Көкөністер қайда өседі?
Балалар:- Жерде өседі.
Ғажайып сәт. Осы кезде «Күз патшайымы» келеді.
Күз хатшайымы:- Сәлеметсіздер ме, балалар? Қош келдіңіздер! Мен сіздерге ойын ала келдім, кім шапшаң екенін көрейін.
қ/қ ойыны: «Кім көп жинайды»
Ойын мазмұны: шашылған алтын сары жапырақтарды себетке жинау. Жапырақтарды көп жинаған бала жеңімпаз болады.
«Не жоқ» ойыны» (жемісермен көкөністерді тақтаға іледі,көздерін жұмып тұрады,тәрбиеші бір жемісті алып тастайды. Балалардан сұрайды не жоқ деп)
Тәрбиеші: -Балалар күз ханшайымына сүйікті ағаштарын жапырақпен безендіріп берейік.
Ұжымдық жұмыс: «Ағашқа жапырақтарды жапсырайық»
Балалардың суреті тақтаға ілініп, жақсы жапсырғандары мадақталады.
Күз ханшайымы:- Рахмет, балалар сендер менің ағашымды жапырақпен әдемі, таза, алтын түске айналдырдыңдар.Күз қоштасып кетеді.
Тәрбиеші: - Біз де бақшамызға қайтамыз.(балалар автобусдарына отырып балабақшаға оралады.)
Қорытынды: - Балалар біз қайда бардық?Немен бардық.сендерге бүгінгі ойынымыз ұнадыма? Несімен ұнады.Бізге кім келді.Ол бізге не әкелді?Қандай ойын ойнадық.Жарайсыңдар сендер бүгінгі сабаққа жақсы қатыстыңдар.барлықтарыңа мадақтау символы ретінде «Алтын жапырақ» естелікке беріп таратамын.Келген қонақтармен қоштасайық.
Алтын, сары, қызыл, көк
Алуан-алуан жапырақ.
Күзгі бақта күлімдеп
Көз тартады атырап.
Қош сау болыңыздар!
