К?ктем. Сондай керемет!

Ұстазыма

Балапандай тәрбиелеп ұшырасыз,

Бірі құлап, бірі сүрінсе қысыласыз.

Биіктерден көрінсе шәкірттерің,

Қуаныштан сіз күлімдеп құлпырасыз.

Балалардың болады балалығы,

Ұстазымның еңбегі даналығы.

Тәрбиесін түсінген әрбір шәкірт,

Бұл өмірдің бүгінгі дала гүлі.

Султанова Арайлым

Манашы орта мектебінің 4 «В» сынып оқушысы

Маңғыстау облысы Бейнеу ауданы

Біз - бақытты баламыз

Біз бақытты баламыз,

Өсіп-өнер дарамыз.

Биік-биік шыңдарға

Әлі-ақ жетіп барамыз.

Біз азамат боламыз,

Өсіп-өніп толамыз.

Егеменді елімнің

Тірегі біз боламыз.

Агжигитова Балауса

Манашы орта мектебінің 4 «В» сынып оқушысы

Маңғыстау облысы Бейнеу ауданы

Менің ұстазым

Мен қазір төртінші сыныппын. Менің алғашқы ұстазым Борашова Жамила. Ол бізді ең алғаш көргенде қуанышпен күлімсіреп қарсы алды. Ол бізге қалам ұстатуды, партаға қалай отыруды, кітап оқуды, үлкендермен қалай сөйлесуді үйретті. Менің осындай ұстазым болғанына мақтанамын. Біз биыл ұстазымызбен қоштасамыз. Мен ең алғашқы ұстазымды ұмытпаймын. Әркімнің ең алғашқы ұстазы өзіне қымбат.

Абдыхалықова Фарида

Манашы орта мектебінің 4 «В» сынып оқушысы

Маңғыстау облысы Бейнеу ауданы

Көктем

Күн нұры шашырап.

Даланы жайнатты.

Ақ гүлдер шайқалып,

Бақтарды жайнатты.

Дала сондай керемет

Көктем келді күлімдеп,

«Міне саған гүлім деп!»

Сондай керемет!

Күн жылынды,

Құстар келді

Дала сондай керемет!

Бақтар толды,

Ақ гүлдерге

Көктем сондай керемет!

Құстар сайрап,

Гүлдер жайнап

Бақтар сондай керемет!

Уринбаева Асел

Манашы орта мектебінің 4 «В» сынып оқушысы

Маңғыстау облысы Бейнеу ауданы