| Мотивациялық қозғаушылық кезеңі | Жылулық шеңбері. Кел, балалар, күлейік, Күлкіменен түлейік. Күлкі көңіл ашады, Күліп өмір сүрейік! - Балалар, сендер дос дегенді қалай түсінесіңдер? - Сендердің достарың бар ма? Тақтадағы суреттермен жұмыс.
| Балалар шеңбер болып тұрып, бір-бірімен амандасады Достар бір-бірін алдамайды, ренжітпейді, бір-біріне көмектеседі. Балалар әңгіме құрап айтады.
|
| Ұйымдастырушылық ізденіс кезеңі | - Мен сендерге қазір «Үш дос» әңгімесін оқып беремін , мұқият тыңдаңдар Бір күні Серік далаға өзінің өрт сөндіретін машинасын алып шығады. Оны көрген Қанат, біз доспыз ғой, бірге ойнайық,-дейді. Серік бірге ойнауға келіседі. Қанат, машина келе жатыр, былай тұрыңдар, -деп айғайлай бастайды. Оны естіген балалар бізде бірге ойнайық деп жүгіреді. Ал, Қанат болса, мен Серіктің досымын, мен ғана ойнаймын, -деп, машинаны оларға бергісі келмейді. Балалар оған ренжіп қалады. Ал екінші күні Арман далаға вагоны бар паравоз алып шығады. Қанат тағы Арманға жүгіріп келіп, Арман мен сенің досыңмын ғой, бірге ойнайықшы, - дейді. Екеуі ойнап жүргенде Серік келіп, менде ойнаймын ,- дейді. Жоқ, сен ойнамайсың ,-дейді Қанат. Кеше сен менімен дос едің ғой, - дейді Серік. Қанат болса, ол кеше болатын, ал бүгін мен Арманмен доспын, өйткені ол паравоз әкелді, -дейді. Сергіту сәті. - Шеңбер құрып тұрайық.Біз шеңберге тұрғанды неліктен жақсы көреміз? Шеңбердің бұрышы болмайды, сондықтанда бақыт, қуаныш, достық адасып қалмайды. Өздерін күткен мейірімді адамға жолығады екен. Достар бірге жүреміз.
Бірге ойнаймыз күлеміз.
Бірге балық аулаймыз,
Міне біздер қандаймыз.
Орман, көлге шыңға біз
Саяхатқа шығамыз.
Бөлінбейді іргеміз,
Әрқашан да біргеміз. - Енді бәрің де отырып, қолдарыңа айнаны алыңдар. Айнаға қарап көңілсіз адамды көрсетеміз, енді күліп, қуанамыз. Жақсы енді достарыңды көргенде қандай көңіл-күйде болатындарыңды алдырыңдағы шарға бейнелейміз. Сұқ саусақтарыңды суға бір малып алып сұйық бояуға маласыңдар да, шарға басып саласыңдар. Шарды сол қолдарыңмен ұстап отырасыңдар. Енді жұмысқа кірісейік. Әр баланың қасына барып, бағыт беріп, қадағалау. |
Балалар зейін қойып, мұқият тыңдайды. Шеңберге тұрып, қимылмен көрсетіп орындайды. Балалар өз көңіл-күйлерін бейнелейді. Қимылмен көрсетіп орындайды. |
| Рефлекциялық-түзетушілік | «Достық неден басталады?» ойынымен қорытындылайық. Мен сендерге достық туралы сөздер айтамын, сендер оған «ия» немесе «жоқ» деп шапшаң жауап бересіңдер. (Татулықтан, сыйластықтан, алдағаннан, көмектесуден, төбелескеннен, өтірік айтқаннан, бірге ойнағаннан, шымшудан, ренжісуден, ойыншығы мен тәттілерінен бөліскеннен.) Жиналамыз сәтті күні бәріміз де,
Үлкен кіші жасымыз, кәріміз де.
Дендеріңіз сау болсын, қонақтарым,
Гүл-гүл жайнап жүріңіздер төрімізде. | Балалар шапшаң жауап береді. Балалар бірге қосылып айтады. |
