Білім беру саласы: Шығармашылық.
Бөлімі: Сурет салу.
Тақырыбы: Анама арналған моншақтар.
Мақсаты: Балаларға дөңгелек болып сызылған жіпке бояумен бірдей көлемде дөңгелек моншақтардың суретін салуды үйрету. Моншақтардың сәндік бұйым екендігін түсіндіру арқылы эстетикалық талғамын дамыту, талғампаздыққа тәрбиелеу. Қажетті құрал –жабдықтар: сурет дәптері, түрлі түсті қарындаштар, қыл-қалам.
Сөздік жұмыс: моншақ.
Іс-әрекеттің кезеңдері
Педагогтің іс-әрекеті
Балалардың іс-әрекеті
Мотивациялық -қозғаушылық
Педагог балаларды шаттық шеңберіне тұрғызып, бір –біріне қолдарын созып,ыстық лебіздерін білдіреді, жақсы көңіл –күймен амандасады.
Педагог балаларға қуыршақ Інжудің қонаққа келгендігін айтады.
-Қуыршақ Інжудің көйлегі қандай әдемі. Шашы ұзын, көйлегі қандай әдемі. Інжу өзіне әдемі моншақ сатып алыпты, енді анасына да осындай әдемі моншақтар сыйлағысы келеді.Анасына сыйлыққа моншақ таңдау үшін, сендерден көмек сұрап келіпті. Педагог балаларға моншақ түрлері, түстері, пішіні қандай болатынын түсіндіреді.
-Қайырлы таң, балалар! -Қайырлы таң жаңа күн!
Балалар қуыршақ Інжумен амандасады.
Балалардың қуыршақ Інжудің киімімен моншақтарының әдемі екендігін айтады, қуыршақтың анасына моншақ таңдауға көмектесетінін айтады.
Ұйымдастыру-шылық-ізденістік
Педагог балаларға демонстрациялық материалдағы моншақтардың суретін көрсетіп,ондағы моншақтардың рет-ретімен біркелкі қашықтықта орналасып тізілгенін көрсетеді.
Сергіту сәті:
Сыңғыр-сыңғыр моншақтар,
Неткен ғажап әдемі.
Тағып алсаң әп-сәтте,
Жарасып-ақ кетеді.
Педагог балаларға оң қолдарына қылқаламды ұстатып, ауада шеңбер салу тәсілін орындатып жаттықтырады. Сосын дәптерлеріне қарындашпен біркелкі дөңгелектерді салып алады. Содан соң қылқаламды қызыл бояуға батырып алып, сыртына шығармай бояйды.
Д/ойын: «Түстеріне қарай ажырат»
Ойынның мақсаты: балаларды ұсақ қолдарымен бармақтарын,әрекет ету арқылы жаттықтыру, түр-түстерді ажыратуды дамыту.
Ойынға қажетті заттар: әртүрлі моншақтар.
Мазмұны: Балаларды топқа бөлу арқылы, ыдыстағы үш түрлі моншақтарды өз тобының түсіне қарай ажыратады.
Рефлексиялық- түзетушілік
Педагог балалардың салған моншақтарына қарап шығады. Қуыршақ Інжуге балалардың салған суреттерінің ұнағандығын, және де анасына моншақ таңдап бергеніне қуанып рахметін айтып қайтады.
Балалар педагогпен бірге қандай моншақтар салғанын, оны қандай түспен бояғандарын айтуға тырысады.Қуыршақпен қоштасып, жұмыс орнын жинастырады.
Күтілетін нәтиже:
Біледі: моншақтардың түрлерін.
Игереді: дөңгелек пішіндерді сыза білуді.
Меңгереді: шеңбердің шетіне шығармай, ұқыпты бояуды.
