Ұйымдастырылған оқу іс-әрекетінің технологиялық картасы
1-ші кіші топ 3-4жас
Тәрбиеші:Хамитова Ж.А.
Білім беру саласы: Әлеуметтік. Қатынас
Бөлім: Экология негіздері.
Тақырыбы : Орман тұрғындары
Мақсаты : 1.Жабайы жануарлар туралы түсініктерін байыту.
2.Жабайы жануарлардың (аю, қоян, түлкі, қасқыр) сипаттық белгілерін байқай білуге үйрету арқылы зейіндерін дамыту.
3.Табиғатты сүюге және оған қамқор болуға тәрбиелеу.
Қолданылатын көрнекі құралдар: жабайы жануарлар бейнеленген суреттер, үй және жабайы жануарлар сұлбасы, орман қорушысы, үлестірмелі материалдар.
Сөздік жұмыс: орманда тіршілік етіндер.
Билингвильды компонент: жабайы жануарлар-дикие животные.
Іс-әрекетінің кезеңі
Тәрбиешінің іс-әрекеті
Балалардың іс-әрекеті
Мотивациялық кезең
1.Шаттық шеңбері.
-Балалар, мен сендерді көргеніме өте қуаныштымын. Сендер күлкілеріңмен, мейірімділіктеріңмен менің шеңбер жүрегімді жылытасыңдар. Қазір шеңбер бойымен жүріп, бізді қоршаған ортамен амандасайық.
2.Ғажайып сәт.
-Бізге қонаққа орманшы аға келді. Ол бізге өзінің орманда тіршілік ететін жануарлары туралы айтқысы келеді.
Жабайы жануарлар- өз беттерімен тіршілік ететін жануарлар.
3.Билингвильды компонент: жабайы жануарлар –дикие животные.
Шаттық шеңберге тұрады.
Армысың, ашық Күн!
Армысың, көк аспан!
Армысың, еркін жел!
Армысың, достарым!
Сендерді көргенде қуанамын» Қайталайды.
Ұйымдастырушы кезең
1.Білімді өзектендіру.
Фланеграфта қоян, түлкі, аю, қасқырдың суреттері ілінеді.
-Орманшы аға бізге жұмбақтар алып келіпті.Жұмбақтардың жауабын шешейік.
Педагог жұмбақ жасырады. Балалар жауабын тапқаннан кейін жұмбақтардың шешулері болған аңдардың суреттерін тақтаға іледі.
Қалқиып ұзын құлағы,
Елеңдеп қорқып тұрады. (Қоян)
Өзі қу, қызғылт сары түсті,
Құйрығы үлпілдек жүнді. (Түлкі)
Орманнан, жалпақ даладан
Бал іздеп бір аң жортады.
Кіп-кішкене арадан
Үп-үлкен боп қорқады.
-Бұлар-жабайы жануарлар, олар орманда, далада, тауда тіршілік етеді және өз қорегін өзі тауып жейді.
-Аюды сипаттайық, ол қандай? (Үлкен қалың жүнді, құлақтары кішкентай ғана, түсі қоныр).
Осылайша қасқыр мен түлкіні, қоянды сипаттайды.
-Осы аңдардың ішінде қай жануар үлкен? Ал ең кішкентайы қайсысы?
(Аю –ең үлкен жануар. Түлкі аюдан кіші. Қоян-ең кішкентай аң).
2. «Жабайы жануарлар» психологиялық жаттығуы.
-Қорбаңдап жүретін маймақ аюды бейнелейік.
-Тұлкінің жүрісін салайық.
-Қорқақ қоянды бейнелейік.
3.Динамикалық үзіліс.
Ұзын құлақ, сұр қоян
Естіп қалып сыбырды.
Ойлы-қарлы жерлерден
Ытқып-ытқып жүгірді.
4.Үлестірмелі материалдармен жұмыс.
Тапсырманы түсіндіреді, балалардың дұрыс орындауын қадағалайды.
5.Жеке жұмыс өткізеді.
Суретке қарап, аттарын атайды.
Жұмбақтардың шешуін табады.
Қоян, аю, түлкінің суреттеріне қарайды.
Аюдың суретіне қарап, оны сипаттайды.
Түлкіні сипаттайды.
Қоянды сипаттайды.
Аюдың жүрісін салады.ъ
Түлкінің жүрісін салады.
Қорқақ қоянды бейнелейді.
Қоянды бейнелеп, қоянша секіреді.
Тапсырманы орындайды.
Рефлексифтік- қорытындылау
Сұрақ-жауап әдісі арқылы оқу іс-әрекетінде
алған білімдері қорытындылайды.
Сұрақтарға жауап береді. Бір-бірінің жауаптарын тыңдайды.
Күтілетін нәтиже:
Орындайды: жабайы жануарлардың сипаттық белгілерін байқап, оларды сипаттап айтуға арналған тапсырмаларды.
Түсінеді: жабайы жануарлар туралы берілген мәліметтерді.
Қолданады: жабайы жануарлардың жүріс-тұрысын қимылмен келтіре білу дағдыларын.
