«Ертегілер елінде қонақта»

Білім беру саласы: Қатынас, таным,шығармашылық.

Оқу  іс-әрекеті: Тіл дамыту, математика, мүсіндеу.

Тақырыбы: «Ертегілер елінде қонақта»

Мақсаты: Балалардың күз мезгілі туралы алған  білімдерін пысықтау.Күз туралы тақпақтар айта отырып баланың тілін дамыту.

Дидактикалық материалды пайдаланып, балалардың ойлау қабілеттерін, қиялын дамыту. Ермексаздан үйшік мүсіндеу.

Әдіс- тәсілдері: Әңгімелеу, сұрақ- жауап, тақпақ айту, мадақтау, корытынды.

-Балалар бүгін ерекше күн,  бізге көптеген конақтар келген, ал енді қонақтармен амандасайық.

Шаттық шеңбері:

Ал балалар қараңыз

Таңғажайып бар аңыз,

Ертегілер еліне

Қыдырып бірге барамыз.

Ну орманға енеміз

Әсем гүлдер тереміз,

Көңілді боп әрқашан

Тату болып келеміз.

Ал енді жолдарды қысқарту үшін сіздермен ойын ойнайық.

Д /қ ойын:«Ғажайып текше»

Шарты: мен текшені қазір лақтырамын, қай аңның бейнесі шықса сол аңның бейнесін салып жүреміз және ол аң қандай ертегіде кездесетінін айтуымыз керек.

Ойын ойнап келе жатып сиқырлы үйшікке кездеседі.

-Балалар қараңдаршы қандай әдемі үйшік. Ашып көрейік, ой мұнда есік ашылмайды гой.

-Енді оны қалай ашамыз.

-Балалар мына жерде жұмбақтар жазып қойыпты, қане жұмбақты шешіп көремізбе.

-Ия, жұмбақты шешіп көрейік.Мүмкін шешуін тапсақ сиқырлы есік ашылатын шығар.

Жұмбақтар:

Мұрны бейне ине

Үсті толы ине (кірпі)

Түрі көмірге ұқсайды.

Қалбалақтап ұшады. (қарға)
қыста ұйықтайды

Жазда ойнайды. (аю)

Қалқиып ұзын құлағы

Елеңдеп қорқып тұрады.(қоян)

Жұмбақтың шешуін тапқан соң сиқырлы үйшіктен қоян, қарға, аю, кірпі шығады.

-Балалар, бұл аңдар қай ертегінің кейіпкерлері.

-«Алма» ертегісі.(Сол кезде қарға балалармен амандасып, өз тапсырмасын айтады)

-Сәлеметсіздерме балалар! Сендер өте тапқыр балалар екенсіңдер. Сендер балабақшадан келдіңдерме, біз  сендердің білімдеріңді сынаймыз. Балалар мен сендерге тапсырма беремін.

-Қазір жылдың кай мезгілі?

-Күзде неше ай бар?

-Күзде қандай ерекшеліктер бар?

-Күз туралы тақпақтар айту.

Кірпінің тапсырмасы:

Ойын: «Жеміс- жидек жинау»

Қоянның тапсырмасы:

Сергіту сәті:

Ұзын құлақ сұр қоян

Естіп қалып сыбдырды

Ойлы-қырлы жерлерден

Ытқып – ытқып жүгірді

Қарап еді артына

Қиығын сап көзінің

Келе жатқан томпаңдап

Көжегі екен өзінің

Аюдың тапсырмасы:

-Балалар маған қыста мекендейтін үй жасап беріңдер.

Тәрбиеші: Балалар біз аюға үй жасап беремізбе?

-ия

-Олай болса біз алдымыздағы геометриялық пішіндерден  үй жасап берейік.Үйдің шатыры көк түс, ал қабырғасы қоңыр түсті болады. Ал есігі дөңгелек, шатыры үш бұрыш, қабырғасы төрт бұрыш болады.

Аю : Жарайсыңдар балалар жасаған үйіңіз маған ұнады.

Тәрбиеші: Жарайсыңдар балалар,біздің ертегі кейіпкерлерімен қоштасап, балабақшаға оралатын уақытымыз болды. Балалар біз балабақшаға қалай ораламыз. Ой, балалар ұмытып кетіппін менде сиқырлы таяқша  бар, сол таяқшамен топқа ораламыз.

Сұрақ- жауап арқылы сабақты қорытындылау:

-Балалар біз қайда серуенге бардық?

-Орманда не көрдік?

-Кейіпкерлердің аттарын атап өтейік?

Тәрбиеші балаларды мадақтап қорытынды ашық сабақты  аяқтайды.