Білім беру салалары: Денсаулық
Тақырыбы: Допты домалату
Мақсаты: 1. Жан-жаққа шашырап жүру және жүгіру түрлерін үйрету.
2.Допты бір-біріне домалату дағдыларын бекіту.
- Ептілік тәрізді дене сапасын дамыту.
Құрал-жабдықтар: балалардың санына қарай доптар, бағдар алу үшін жіптер мен таяқшалар.
Іс-әрекет кезеңдері
Нұсқаушының іс-әрекеті
Балалардың іс-әрекеті
Мотивациялық-қозғаушылық
- Жан-жаққа шашырап жүру және жүгіру.
Балалар бір қатарға тұрады, педагог тапсырманы түсіндіреді. Барлығы бір сапта бір-бірден шамамен залдың төрттен бір бөлігі жүріп келеді, одан кейін Нұсқаушының «серуендеп келейік» деген белгісіне қарай доптың арасымен бүкіл зал ішімен жүреді (доптар алдын ала қойылған). Доп арасымен жан-жаққа шашырап жүру және жүгіру екі рет өткізіледі.
Жалпы дамытатын жаттығуларды орындау үшін доптардың жанына шашырап тізіліп тұру.
Ұйымдастырушылық-ізденістік
1. ЖДЖ: (доппен орындау).
Б.қ.: аяқтарды қосып тұру, доп төменде екі қолында. Допты жоғары қарай көтеру, жоғары қарау, төмен түсіру, бастапқы қалыпқа келу.
Б.қ.: аяқтары иық деңгейінде, доп екі қолында кеуде тұсында. Еңкею, допты еденге тигізу, тік тұру, бастапқы қалыпқа келу.
Б.қ.: аяқтарды қосып тұру, доп төменде екі қолында. Отыру, допты алға созу. Тұру, бастапқы қалыпқа келу.
Б.қ.: өкшемен отыру, допты алдында ұстау. Допты өз айналасында оңға (солға) қарай домалату.
Б.қ.: аяқтары сәл ғана ашылған, қолдары белінде, доп еденде. Доп айналасында орнында тұрып кезекпен жүріп, секіру.
Педагог балаларды екі шағын топқа бөледі. Бір топ допты орнына қояды, ал екінші топта доп балалардың қолында қалады.
- Допты бір-бірінің қақпасына домалату (балалар арасы 1.5 -2 м қашықтық).
- Доға астына жорғалап кіру (биіктігі 50 см).
- Қимыл-қозғалыс ойын «Торғайлар мен мысық»
Жаттығулар нұсқаушының көрсетуі бойынша қайталанады.
Жаттығуларды 4-6 рет қайталау.
Педагог доғаларды қойып шығады, балалар екі қатарға бір-біріне қарама-қарсы өзіне жұп келетіндей етіп орналасады. Педагог кімнің қақпасына кім допты дөңгелететінін естеріне салады. Доғадан қашықтық таяқшамен немесе жіппен белгіленеді. Жаттығуды баламен жұптасып көрсету керек. «Домалатыңдар» белгісі бойынша балалар допты бір-біріне домалатады. Жаттығу 6-8 рет қайталанады.
Балалар екі сапқа тұрады және бірінің артынан бірі төрт аяқтап доғаның астынан жорғалап өтеді. Бұл екі рет қайталанады.
Балалар бөлменің қабырғасын жағалай үлкен текшелердың үстіне немесе орындықтарға шығып тұрады (биіктігі 15-20 см). Бұлар шатырдың үстіндегі немесе ұялардағы торғайлар. Сырт жағында мысық рөліндегі бала отыр. «Торғайлар ұшты», - дейді педагог. Балалар орындықтардан секіріп түседі, қолдарын екі жаққа созады – торғайлар қанаттарын қағады және бөлменің ішінде жан-жаққа шашырап жүгіреді. Мысық оянады, «мяу-мяу» деп дыбыстайды және торғайларды қуалайды. Олар өз орындарын тауып, тез ұяларына ұшып кетулері керек. Ұсталған торғайларды мысық өзінің үйіне ертіп апарады, (балалар ойынның бір қайталауына қатыспайды). Ойын 3-4 рет қайталанады.
Рефлексиялық- түзетушілік
Бір сапқа тізіліп бір-бірден жүру.
Балалар ара қашықтықты сақтайды (1 қадам)
Күтілетін нәтиже:
нені білу керек: алдыңғы технологиялық картанде үйренген баскетбол ойынының элементтерін ойын барысында көрсете біледі;
нені игереді: допты бір-біріне домалату дағдыларын игереді;
нені білу керек: ойынның шарттарын біледі.
