Тәрбиелеу: Салауатты өмір салтын сақтау, рухы таза ұрпақ тәрбилеу.
Дамыту: Спорт денсаулыққа пайдалы екенін ұғындыру
Оқыту:«Денсаулық - зор байлық», «Дені саудың – жаны сау»-деген қағидаларды бала бойына сіңіру
Ресурстармен қамтамасыз ету: Суреттер,сергіту сәтті
Ұйымдастырылған оқу қызметтінің барысы:
1.Ұйымдастырушылық кезеңі:
-Балалар сендер кілемінің үстінде отырып ойнағанды жақсы көресіңдер ме?
- Кілемнің үстіне қараңдаршы сендерді әдемі, дөп - дөңгелек доптар күтіп тұр. Сендермен ойнағымыз келеді дейді. Ал сендердің доппен ойнағыларың келеме? Олай болса ең алдымен, топтың ішінде доппен қалай ойнау керек екендігі туралы ережені есімізге сақтап алайық.
- Доппен ойнағанда қандай оқыс жағдайлар болуы мүмкін? (допты тым биікке лақтырсақ, жарықты сындырып аламыз, алысқа лақтырсақ терезеге тигізіп алуымыз мүмкін немесе басқа заттарды да құлатып алуымыз мүмкін)
- олай болса, топтың ішінде доптармен қалай ойнасақ болады? (бір - бірімізге дөңгелетіп, еденге соғып немесе бір - біріміздің қолымызға лақтырамыз т. б.)
- Доптар сондай жеңіл олар секіргенді, дөңгелегенді ұнатады. Олар биікке секіріп, алысқа дөңгелеп тыңдамай қоюлары мүмкін. Сол үшін сендер оларға топтың ішінде қалай ойнау керек екендігін үйретіңдер.
2.Негізгі бөлім:
-Енді доптарымыз біраз демалсын, кілемнің үстінде қалдырайық та үстелімізге келіп отырайықшы.
- Балалар доп қандай болады екен? (дөңгелек, дөңгелегенді ұнатады)
Добымызға қарап, «Добым, добым дөңгелек, тоқтамайсың дөңгелеп» деп айтсақ болама?
Біздің тобымызда бұлардан басқа қандай доптар бар? Және ойнаған доптарымыз кішкентай болған. Ал мұналар қандай? (үлкен) Демек доптар үлкен, кішкентай пішінде бола береді екен.
-Мен сендерге бүгін ермексаз арқылы доп жасауды үйреткім келеді. Сендер әрқайсыңда өз қолыңнан жасалған доп болғанын қалайсыңдар ма?
Олай болса мұқият болайық. Бізге ол үшін қандай құралдар қажет екен?(өзім жасау жолдарын көрсетемін)
1. Доптың көлемі мен түсін анықтаймыз. Сол доптың түсіне сәйкес ермексазды таңдаймыз.
2. Ермексазды жұмсартамыз
3. Екі алақанымыздың ортасына ермексазымызды салып дөңгелетеміз
4. балаларға ауада осы іс - әрекеттерді орындатамын
5. Өз беттерімен жұмыс істейді (көмегімді қажет еткен балаға көмектесемін)
Сергіту сәті:
Добым менің, добым менің
Добым неткен көңілді едің
Зымырайсың, қутыңдайсың,
Менен қашып құтылмайсың.
Үстел үстіндегі заттарды атайды. (ермексаз, тақтайша, сүлгі)
Мұқият тыңдайды
Ауада қайталайды
өз еріктерімен допты мүсіндеді
Қорытынды:
-Сонымен барлығымыз ермексаз арқылы не жасап алдық? (доп) Допты жасаған сендерге оңай тиді ме? Ендеше кімнің добы әдемі болғандығын жәнеде ата - аналарымызға көрсету үшін көрмеге орналастырайық.
-Үйге барған соң да осылайша ермексаз арқылы доп жасап алуларыңа болады.
(доппен еркін ойнауға рұқсат беріледі)
Көрмеге жұмыстарын орналастырып, ең әдемі допты таңдайды
