«Құсмұрын кенті әкімінің аппараты» мемлекеттік мекемесінің «Қарлығаш» Құсмұрын балабақшасы» МКҚК
Ашық ұйымдастырылған оқу қызметі
Білім беру саласы: Денсаулық
Дене шынықтыру
Өткізген: Тәрбиеші Асанова Куляим Рамазановна
қараша 2019 жыл
«Құсмұрын кенті әкімінің аппараты» мемлекеттік мекемесінің «Қарлығаш» Құсмұрын балабақшасы» МКҚК
Мектепалды даярлық тобындағы ұйымдастырылған оқу қызметінің конспектісі.
Өткізу күні: 14.11.2019ж.
Тәрбиеші: Асанова К.Р.
Білім беру саласы: «Денсаулық»
Бөлімі: Дене шынықтыру.
Өтпелі тақырып: «Қазақстанның жыл құстары»
Мақсаты: Балаларға доға астынан еңбектеп өту, орнынан ұзындыққа секіруді және жіптің үстінен тепе-теңдікті сақтап жүруді үйрету. Балалардың денсаулығын нығайтуға арналған хатха – йога элементерін қолдану арқылы балалардың бойын түзеп жүруін, икемділігін ой-өрісін дамыту. Балаларды ептілікке, ұқыптылыққа тәрбиелеу.
Билингвалды сынары: Күз – осень, доға – дуга, ұзындық – длина, секіру – прыжок, орман – лес, Мыстан кемпір – Баба Яга
Кіріспе бөлім:
-Сәлеметсіңдер ме балалар, қараңдаршы бізде қонақтар бар, қонақтармен амандасайықшы:
Амандасу үлкенге
Тәрбиенің басы ғой
Ал қанекей бәріміз
Сәлем дейік үлкенге
Сәлеметсіздерме апайлар!
-Балалар қазір жылдың қай мезгілі?
-Балалалар біз бүгін сендермен бірге, орманға саяхатқа барамыз. Дайынсыңдар ма?
-Олай болса алдымен орман ережесімен таныстырайын:
Орманды жалғыз аралауға болмайды,
Ол үшін бір – бірлеріңнен қалмауларың қажет.
Жарайды естеріңе сақтадыңдар ма? Ендеше сапқа тұрамыз! Алға адымда!
Біз бір – бірінің артынан жүреміз
Орман ішімен жүреміз
Күнге қол созамыз
Аяқ ұшына тұрамыз (аяқ ұшымен жүру)
Енді өкшемен жүреміз
Қаздар ұқсап жүреміз (аяқтың ішімен жүру)
Аюға ұқсап маймаңдаймыз (аяқтың сыртымен жүру)
Аяқты көтеріп жүреміз (зат аттап жүру)
Жолда мұқият боламыз!
Жүгіреміз, жәй жүреміз
Балаларды екі сапқа тұрғызу.
Жалпы дамыту жаттығулары: хатха –йога
(Әр жаттығу 3реттен қайталанады және 5сек.)
СМС хабарлама келеді
Қане, хабарлама қайдан келгенін көрейікші.
Сәлеметсіңдер ме, «Көбелек» тобының балалары!
Мен Мыстан кемпірмін! Менің бүгін туған күнім. Мен сендерді қонаққа шақырғым келеді, бірақ мен үйшігімді таба алмай жүрмін, не істерімді білмеймін, мүмкін сендер көмектесерсіңдер?
Мыстанға көмектесеміз бе?
Ой балалар біз жәй ормандамыз ғой, ал Мыстан кемпірге бару үшін ертегі орманына бару керек. Олай болса, жолға шығайық.
Негізгі жаттығулар:
1. Доға астынан еңбектеп өту.
2. Орнынан ұзындыққа секіру.
3. Жіптің үстінен тепе-теңдікті сақтап жүру.
- Балалар бізге айналамызды көру үшін не керек? (көз)
-Дұрыс айтасыңдар.
Ендеше мыстан кемпірдің үйшігін көзімізбен сиқырлап орнына келтірейік.
«Денсаулық» технологиясы
Көзге арналған жаттығу.
Жоғары, төмен, солға, оңға айналдырамыз, ашып – жұмамыз. Енді көзді жұмып сиқырлаймыз. Санаймыз 1, 2, 3, 4, 5. көзімізді ашамыз.
Балалар көзін жұмып отырғанда, Мыстан кемпір келеді.
Мыстан кемпір:
- Ой балалар жарайсындар, менің үйшігімді орнына келтіріпсіңдер. Мені қуанттыңдар. Сол үшін сендерді орманда қалдырамын, маған осындай көмекшілер қажет.
-Балалар мен сендерді сиқырлап аққу қаздарға айналдырып сендермен ойын ойнағым келіп тұр.
«Аққу-қаздар» ойыны
Ойынға қатысушы балалардың біреуі «қасқыр», екіншісі «құс бағушы» болады. Қалған балалардың бәрі «аққу-қаздардың» рөлін ойнайды.
Балалар үлкен алаңға шығады. Алаңның оң жағында құс бағушы мен аққу-қаздар тұратын жер сызықпен білгіленеді. Сол жақта қасқыр жасырынады.
Ойын басталғанда құс бағушы аққу-қаздарды далаға шығарып жібереді. Аққу-қаздар сызықтан асып, алаңның ортасында жайылып жүреді. Қасқыр әзірше қозғалмай отырады. Біраз уақыттан кейін құс бағушы қыздарды шақырады:
- Қаздар, қаздар, қаңқылда!
- Қулар, қулар, сұңқылда!
- Тойдыңдар ма далада?
- Иә, иә, иә.
- Қыр астында қасқыр бар,
- Үйге қарай қашыңдар!
Осы соңғы сөз айтылған кезде ғана қасқыр қаздарды қуалауға ұмтылады. Аққу-қаздар үйге сызықпен белгіленген жерге қашады. Қасқыр оларды ұстауға тырысады. Ұсталғандар ойыннан шығып қалады.
Қорытыңды:
Мыстан кемпір:
-Ой балалар мен шаршап қалдым, белімде ауырды. Ой сендер мені әбден шаршатып жібердіңдер, жарайды, сендерді орманда қалдырмаймын. Қазір сиқырлап сендерді өз балабақшаларыңа алып барамын. Бірақ алдымен жатып, дем алып алайын, ал сендер неге тұрсыңдар? Қане менімен бірге жатыңдар! Жұлдыздарға қарайық, армандайық.
«Денсаулық» технологиясы
Релаксация
Қане жұлдыздарға жақындайық, әуе шар болайық. Шар ол сендердің іштерің болады. Қолдарыңды іштеріңе қойындар, сендердің шарларың дұрыс үрленіп жатқанын білу үшін, демді ішке тартып шар үрлейміз, демді шығарамыз. Міне сендер биіктесіңдер, көздерінді жұмыңдар, жұлдыздарды елестетіңдер. Қараңғы түнгі аспан, жарық ай, көп-көп жұлдыздар. Олар жанады, жарқырайды. Қандай тамаша! Әдемі! Құстарда ән салып тұрғандай, күн шықты, таң да атты. Сендер ояндыңдар, тұрдыңдар. Міне біз өзіміздің балабақшаға да келдік. Мыстанға көп рахмет, ол бізге ертерек келуімізге көмектесті.
Сендерге саяхат ұнады ма?
Біз саяхатта қандай жаңа жаттығу жасадық?
Қандай кедергілерден өттік?
Жарайсыңдар балалар, бүгінгі оқу қызметіне жақсы қатыстыңдар.
Ендеше балалар қонақтарға «Сау болыңыз» дейік.
