Просмотр содержимого документа
«Астана – бас қала!»
Білім беру саласы: «Коммуникация», «Шығармашылық»
Пән: Сөйлеуді дамыту, аппликация
Өтпелі тақырып: Жануарлар әлемі
Тақырыбы: Астана – бас қала!
Мақсаттары:
Тәрбиелік: Балаларға Қазақстан тәуелсіздігі, еліміздің бас қаласы – Астана туралы түсінік беру, есте сақтау қабілеттерін дамыту.
Дамытушылық: Балаларөз елін, тегін, ата-бабаларын, тарихын білуге тәрбиелеу
Оқыту: Отан сүйгіштікке, туған жерді аялауға, құрметтеуге тәрбиелеу. Астананың ғимараттарымен таныстыру.
Педагогикалық технологиялар: Түсіндіру,триз технологиясы, сұрақ-жауап
Ресурстармен қамтамасыз ету: Тақырыпқа байланысты көрнекіліктер
Ұйымдастырылған оқу қызметінің барысы:
1.Ұйымдастырушылық кезеңі:
-Сәлеметсіңдер ме балалар!
-Көңіл күйлерің қалай?
-Балалар қазір жылдың қай мезгілі?
-Қыс мезгілінде қандай ерекшеліктер болады?
2.Негізгі бөлімі:
Астанаммен мақтанам,
Бас қаламмен шаттанам.
Көркейе бер, өсе бер,
Мақтанышым Астанам.
Ел жүрегі Астана,
Жаңа қала. Жас қала,
Зәулім сәнді үйлері
Үлгі болған басқаға.
-Балалар осы өлең жолдарында не жайлы айтылған?
-Дұрыс балалар, жарайсыңдар!
-Балалар біз қай республикада тұрамыз?
-Елбасымыз кім?
-Балаларбіздің еліміздің рәміздерін білесіңдер ме?
-Жарайсыңдар балалар! Бас қаламыз қай қала?
-Дұрыс айтасыңдар.
Біздің еліміздің бас қаласы – Астана қаласы. Демек біздің бүгінгі ҰОІӘ-дің тақырыбы –«Астана – бас қала».
Балалар сендер Астана қаласына саяхатқа барғыларың келеме?
-Балалар Астана қаласына саяхатқа қандай көлікпен барсақ болады екен?
-Дұрыс балалар, біз Астанаға тез жету үшін ұшақпен барайық.
Міне Астана қаласына да жеттік.
Астана қаласы ең алғаш Ақмола, кейіннен Целиноград болып аталды. Астана қаласы Есіл өзенінің бойында орналасқан. Қалада зәулім де сәулетті үйлер бой көтерді. Әсем ғимараттар көз тартады. Көшені бойлай тізілген ағаштар қалаға сән беріп тұр. Еліміздің Астанасы жылдан - жылға көркейе түсуде.
Ел халқы үшін жасалған демалыс орындары, адамдардың көңілін көтеріп, білімін өсіретін театр, музей, мұхит жануарларының мекені Бәйтерек – халқымыздың мақтанышы.
-Балалар қараңдаршы мына суреттен не көріп тұрсыңдар?
-Бұл ғимарат - Ақ Орда деп аталады. Қане барлығымыз Ақ Орда деп қайталайықшы?
Бұл ғимарат біздің президентіміз Нұрсұлтан Әбішұлы Назарбаев отыратын ғимарат. Есілдің сол жағалауында орналасқан.
-Балалар мынау ғимаратты білесіңдер ме?
Қане барлығымыз Ханшатыр деп қайталайықшы?
Пішіні шатырға ұқсас жасалған.Хан Шатырда түрлі ойын-сауық, сауда саттық орталықтары бар. Балалардың тамаша демалысы үшін су сырғанақтары бар.
-Балаларкелесі ғимарат - Бейбітшілік және келісім сарайы деп аталады.
Астана Пирамидасының биіктігі 75 метр. Ғимарат терезесіндегі көгершіндер еліміздегі 130 дан астам ұлт өкілдері бейбітшілікте өмір сүрсін деген ниетпен салынған.Балалар ол неге ұқсайды? Мұны басқа елден көрдіңдер ме?
-Дұрыс айтасыңдар балалар.
Балалар мынау ғимарат қалай аталады?
Ғимарат биіктігі – 97 метр. Бәйтеректің төбесіндегі күн іспеттес шар күн шуағы түскенде басқаша түске өзгеріп отырады. Осы ғимарат арқылы Астана қаласын биіктен көруге мүмкіндік бар. Балалар осы бәйтерек туралы аңыз бар екен. Самұрық құс өзінің жұмыртқасын жыланнан қорғап, бәйтеректің басына ұя салады. Оған жылан өрмелеп шыға алмай, Самұрық құстың жұмыртқасы аман қалған дейді. Бәйтерек - бірліктің, еркіндіктің, ынтымақтың символы.
Сергіту сәті:
«Аяқпенен топ топ топ»
Ақылменен хлоп хлоп хлоп
Бір оңға, бір солға
Айналайық кел мұнда
Қолымызды бір селтеп
Басымызды шайқайық
Бір оңға, бір солға
Ойнайықшы кел мұнда
Секіреміз жоғары
Қиын емес секіру
Бір оңға, бір солға
Секірейік кел мұнда.
Балалар, қараңдаршы, бәйтеректің ең биігіне самұрық құсы жұмыртқасын салып, ұшып барады. Бағанағы жылан қайтадан оралып жұмыртқаны оралмақшы. Жұмыртқаны аман алып қалу үшін біз тапсырмаларды орындауымыз керек. Егер барлық тапсырманы жақсы орындасақ, біз балабақшаға Бәйтеректің суретін алып кете аламыз.
Тапсырма:Балалар келесі тапсырмамыз қағаз қиындылыры көмегімен Астананың ғажайып ғимараттарын бейнелеу.
Балаларға Астананың ғимараттары салынған ақ қағаздар таратылады, таратылған ақ қағаздың бетіне желім жағып, қағаз қиындыларын себу арқылы ғимараттардың көріністерін бейнелейді.
-Жарайсыңдар балалар, сендер тапсырмаларды өте керемет орындадыңдар. Астана қаласы біздің тобымызға осы Бәйтеректі сыйға тартты.
Балалар біз де Астана қаласына келгендігіміз жайлы естелік қалдырайық. Алақандарымызды гуашьпен бояп қолымыздың іздерін қалдырайық.
«Тәуелсіз ел ұланы» әнін орындап саяхатымызды аяқтаймыз.
Балалар бүгінгі саяхатымыз аяқталды, енді тобымызға қайтайық.
