Алтын күз (суретпен жұмыс)

Тақырыбы:   «Алтын күз»

Мақсаты:   Балаларға күз берекесі туралы түсінік бере отырып, өз  жеріндегі

                      өсімдіктердің, күзгі адамдар еңбегі туралы білімдерін жетілдіру.

                      Ойлау есте сақтау қабілеттерін дамыту. Жерін, табиғатын

                      аялауға тәрбиелеу. Сөздік қорын молайту, сөз дағдыларын

                      өз ойын ашық айтуға ұйрету.

Сабақтың әдісі:  Түсіндіру, сұрақ – жауап, ойын, жұмбақ, т.б.

Сабақтың көрнекілігі:  Күз суреті.

Сабақтың барысы: І. Ұйымдастыру кезеңі.

    Балалар, мен сендерге жұмбақ жасырамын, ал сендер мұқият тыңдап жауабын табыңдар. Бұл жұмбақтар бүгінгі тақырыбымызға байланысты.

Жұмбақ шешу.

1. Жаздай інге тығылып,

Жатқан қызыл түлкіні,

Құйрығынан суырып,

Әкелді әкем бір күні.  (Сәбіз)

1. Үстіне тігіп көк шатыр,

Астында қызыл дәу жатыр. (Қызылша)

1. Жезге ұқсас сабағы,

Дәні – халық тамағы. (Бидай)

1. Көктемде ақ гүлге оранады,

Күзде қолға доп боп оранады. (Алма)

1. Жүзін орап гүлменен,

Күнге қарап телмірер.

Тіспен шағып,

Тілменен,

Дәмін татқан ел білер. (Күнбағыс)

Жарайсыңдар, балалар. Олай болса бүгінгі тәрбие сағатымыздың тақырыбы  «Алтын күз» деп аталады.

ІІ. Жаңа сабақ.

    Күз – бұл жаз бен қыстың арасындағы көпір. Таң атпай аяз бетімізді тондырса да, далада суық күн тұрса да, біз білеміз күз – тамаша мезгіл. Қандай жазушы, ақынды, суретшіні алсақ та әрқайсысы өз бетінше осы мезгілді көркем суреттейді.

        Қарашы далаға,

        Реңі сары ала.

        Пісті алма балбырап,

        Сарғайды бал құрақ.

        Аспанда қаптаған,

        Бұлт тыным таппаған.

   Күз түссе бұлт жиі бұлттанады. Күн сәулесі өсімдікке, жерге жаз мезгіліндей жылу мен жарық бере алмайды. Жапырақтардың  үсі өзгереді. Жемістер толысып піседі. Астықты орып қанбаға толтырылады. Күз қауырт жұмыстың кезі. Қылышын сүйретіп келе жатқан қысқа дайындалатын кез. Күздің бір күні қыстың бір айын асырайды. Қысқа адамдар, аңдар, барлық жан – жауарлар дайындалады. Сондықтан да « күз берекесі- ел мерекесі »деп бекерге айтылмаған.

ІІІ.   Жеке жұмыс:

4 – деңгей балаларына күз туралы суретке қарап әңгіме құрату. Әңгімені толық жеткізуін, сөздерді анық айтуын, өз ойын толық жеткізуін қадағалау.

ІV. « Кім жылдам?»  Суретпен жұмыс.

Шарты: үстел үстіндегі суреттерді жұмбақтап, балаларға айтады, ал қалған балалар шешімін табады. Мысалы, кітап суретін көрсеткенде «оқимыз» деп айтады. Ойын осылай жалғасады. Ойын соңында жауабын дұрыс және көп тапқан бала жеңімпаз аталады. Жауап бермеген немесе аз жауап берген бала өз өнерін көрсетеді. Би не өлең айтады.

V. Қорытынды:

1. Балалар, күз мезгілі несімен ұнайды?
2. Күз туралы өздерің не айтып бересіңдер?
3. « Күз берекесі – ел мерекесі » дегенді қалай түсінесіңдер?

VІ. Бағалау.

 Сабаққа жақсы қатысқан балаларды атап, мақтап, мадақтау.