"Ақ қоян" тақырыбында ашық сабақ

"Ақ қоян" Ашық сабақ І кіші топ
Топ І кіші тобы 
Білім беру саласы: Қатынас 
Тақырыбы: Ақ қоян
Мақсаты: Балаларға қоян туралы түсіндіру. Орман жануарлары туралы білімдерін кеңейту. Сөздік қорын молайту, есте сақтау қабілеттерін дамыту. Көрнекіліктер пайдалана отырып, балалардың ой-өрісін, сөздік қорын дамыту.
Көрнекілік: Қоян сурет, ерттегілер. 

Әдіс –тәсіл: Әңгімелеу, сұрақ-жауап ойындар,
Оқу іс-әрекет барысы: 
Тілек шеңбері: 
Ал балалар тұрайық,
Үлкен шеңбер құрайық.
Алдыменен бәріміз, 
Амандасып алайық.
Ыстық алақаныммен,
Қолыңды бер қысайын,
Амандасып өзіңмен,
Құшақтасып алайын.
Сәлем! Сәлем! Сәлем! Ал енді бәріміз тілектер айтайық.
- Деніміз сау болсын. 
- Ақылды болайық! 
- Дос, тату болайық!
- Тосын сәт: 
- Тәрбиеші: - Балалар мен сендерге бүгін қызықты ертегі айтып берейін –деп кітап сөресінен қарап жатқанда қызықты мына бір қоржын тауып алдым.
- «Күлкі қоржын» түртіп қалғанда әсем күлкі шығып, балалар бірге күліп мәз болады. 
- Ал, енді балалар орман жануары туралы таныстырам. Ол сендер маған айтыңдаршы:
- Сәбізді мықты жақсы көреді? Ол не?
- Өзі мықты қорқақ. Түсі ақ, коңыр болады.
- Құлағы ұзын... 
. – Дұрыс тамаша, ол қоян. Ол орманда мекендейді.

Түсіндіру, әңгімелеу. 
Балалар мына жерде неше қоян және сәбіз бар? 
Кім табады? 
- Сергіту сәті: 
Ұзын құлақ, сұр қоян
Естіп қалып сыбдырды.
Ойлы-қырлы жерлермен,
Ытқып-ытқып жүгірді.
Қарап еді артына,
Қыйығын сап көзінің 
Келе жатқан томпаңдап,
Көжегі екен өзінің.

Суретпен жұмыс: Не бейнеленгенін айту, қысқаша әңгімелеу, сұрақтарға дұрыс жауап беруге үйрету. Балалардың сөзік қорын молайту. 

Д/О: «Кім тапқыр?» Суретте не бейнеленгенін атау, ол қандай жануар, олар қалай қозғалатынын айту. Балалардың сөздік қорын, есте сақтау қабілеттерін дамыту. Ойынға қызығушылықтарын ояту. 
Құс ұшады, жылан жорғалайды, ат шабады, бақа секіреді, балық жүзеді. 

Тіл үйрету жаттығулар: 
Зе-зе-зе, зе-зе-зе,
Бұл шыны терезе.
За-за-за,за-за-за,
Үйдің іші тап-таза.
Зу-зу-зу, зу-зу-зу
Күрекпен жер қазу. 
Сұрақ-жауап арқылы қорытындылау, бағалау, мадақтау.

Қол ұстасып тұрайық
Шеңберді біз құрайық.
Көріскенше күн жақсы,
Сау-саламат болайық!

Білім саласы: «Таным»
Бөлімі: «Сенсорика»
Тақырыбы: «Ұзын - қысқа»
Мақсаты: «Ұзын», «қысқа» ұғымдарымен таныстыру, беттестіру бетіне қою әдісі арқылы ұзындықты салыстыруды үйрету, сондай - ақ заттармен тәжірибелік әрекет барысында ұзындық туралы білімді қолдана білуге үйрету, қашықтан заттарды ұзындықтары бойынша салыстыруды, көз мөлшерді дамыту, саусақтың ұсақ бұлшықеттерінің қозғалысын жетілдіру. Ұқыптылыққа тәрбиелеу.
Қажетті құрал - жабдықтар: ұзындықты беттестіріп салыстыруға арналған жолақша жолдар ұзыны – жасыл және қысқасы - көк, әр балаға әртүрлі түстен 1 машина, түрлі ұзындықтағы ленталар, әр балаға жолдардың түсіндей үйдің суреті бейнеленген 2 данадан карточкалар.
Сөздік жұмыс: Ұзын, қысқа.
Билингвальды компонент: үй - дом, жол - дорога.

Мотивациялық қозғаушылық
Балалар, қазір жылдың қай мезгілі?
Күз мезгілі.
Күз мезгілінде неше ай болады?
Үш ай болады.
Қане, күз айларын атап айтайықшы?
Қыркүйек, қазан, қараша. Іздену ұйымдастырушылық:
Тосын сәт: Есік қағылып, музыка әуенімен ішке Сайқымазақ келеді. Қолында үш түрлі шары болады. Сайқымазақ балалармен амандасады. Сәлеметсіздер ме, балалар!
Сәлеметсіз бе!
Сайқымазақ: Балалар менің атым - Сайқымазақ. Мен сендерге құр қол келгенім жоқ. Мына қолымдағы шарлардың ішінде, сендерге алып келген тапсырмаларым бар, сол тапсырмаларымды дұрыс орындасаңдар, мен сендерге сыйлық беремін.
Тәрбиеші: Қане, балалар Сайқымазақ бізге қанша тапсырма алып келгенін білу үшін, оның қолындағы шарларды санап, түсін айтайық.
Ал, балалар Сайқымазақтың қолындағы шарларын санайықшы?
Біреу, екеу, үшеу.
Барлығы қанша шар болды?
Үш шар болды.
Сайқымазақтың тапсырмасы осы шарлардың ішінде, оны орындау үшін шарды бір - бірлеп жаруымыз керек. Бір бала шығып, шарды жарады да, ішінен тапсырманы алып орындайды.

I - тапсырма: Теледидар арқылы суреттерді көрсету. Сұрақ - жауап арқылы.
Ендеше, барлығымыз мына теледидарға қарайықшы? Мынау кімдердің суреті?
Балалардың суреті.
Мына баланың бойы ұзын ба, қысқа ма?
Қане, кім айтады?
Ұзын бала.
Ал мына баланың бойы ше? Қысқа.
Мынау қандай карандаш?
- Ұзын карандаш.
Ал, мынау қандай карандаш?
- Қысқа карандаш.
Мынау нелер?
- Жолдар.
Мынау қандай жол?
- Ұзын жол. Ия, ұзын жол.
Ал, мына жол қандай? Қысқа жол.
Дұрыс айтасыңдар, балалар!
Ал, келесі тапсырманы орындау үшін, екінші шарымызды жарып көрейікші, оның ішінде қандай тапсырма бар екен? Қане, кім шарды жарады?

II - тапсырма: Геометриялық пішіндерді ата? (Үшбұрыш, төртбұрыш, дөңгелек ).
Балалар пішіндердің атын атап, түсін айтады.

III - тапсырма: Ұзын - қысқа заттарды салыстыра білесіңдер ме?
Бұл тапсырманы орындау үшін, бір ойын ойнауымыз керек, балалар.
Дидактикалық ойын: «Байқағыш».
Мақсаты: Заттың түрін, көлемін ажырата білу. Баланың ойлау қабілетін дамыту.
Балалар мынау не?
Қоян.
Қоянның неше құлағы бар?
Қоянның екі құлағы бар.
Ал, аяғы нешеу екен, санайықшы?
Біреу, екеу, үшеу, төртеу.
Қоянның мынау несі?
Құйрығы.
Ал, осы қоянның құйрығы ұзын ба, құлағы ұзын ба?
- Құлағы ұзын.
Дұрыс айтасыңдар, құлағы ұзын екен. Қоян не жейді?
- Сәбіз жейді.

Қимылды ойын: «Сәбіздерді жина».
Мақсаты: Балаларды жылдамдыққа, ептілікке тәрбиелеу.
Сайқымазақ:
- Қандай қызық ойын болды, маған ұнап қалды.
Жарайсыңдар, балалар. Енді барлығымыз орнымыздан тұрып, Сайқымазақпен бірге бойымызды сергітіп алайық.

Сергіту сәті:
Тербеледі ағаштар,
Алдымнан жел еседі
Кіп - кішкентай ағаштар,
Үп - үлкен болып өседі.