«Айнала алтын күз»

Тақырыбы: «Айнала алтын күз»                                                                                                     

Білім беру саласы: Әлеуметтік орта, Қатынас, Шығармашылық.

Ұйымдастырылған оқу қызметі: Көркем әдебиет, Қоршаған орта, Сурет.

Мақсаты: Күз туралы білімдерін бекіту. Табиғатты аялауға, құрметтеуге, баптауға үйрету. Баланың ой-өрісін дамыту. Күзгі өзгерістерге мән бере отырып, табиғаттың әсемдігін, сұлулығын сезіне білуге үйрету. Күз туралы тақпақтар айта отырып баланың тілін дамыту. Сөздік қорын молайту.

Көрнекіліктер: Күз мезгілінің суреттері. Жеміс-жидектердің, көкөністердің, суреттері. Отбасы туралы суреттер.

Тәрбиеші: Балалар қараңдаршы бізге бүгін көптеген қонақтар келіпті. Сәлемдесу әдептілік белгісі балалар, алдымен оқу іс-әрекетімізді бастамас бұрын ұстаздармен амандасып алайық.

Балалар: Сәлеметсіздерме!

Тәрбиеші: Енді балалар әдеттегідей сабағымызды шаттық шеңберден бастайық.

Балалар: Армысың, Алтын күн!

                  Армысың, Жер ана!

                  Армысыңдар қонақтар!

                  Армысыңдар достарым!

                  Аман болсын халқымыз,

                  Заман болсын ең тыныш!

                  Аман болсын аналар,

                  Аман болсын балалар!

Тәрбиеші: Балалар, енді «Жүректен жүрекке» жылы шырайлы шеңбер бойына жиналып, бір-бірімізге жылы лебіздер айтайық.

-Аспанымыз ашық болсын!

-Еліміз тыныш болсын!

-Жеріміз гүлдене берсін!

-Елімізде бейбітшілік болсын!

-Деніміз сау болсын!

-Жеріміз бай болсын!

-Әрқашан күн сөнбесін!

Сұрақ-жауап:

-Бір жылда неше жыл мезгілі бар?

-Төрт жыл мезгілі бар Көктем, жаз,күз, қыс.

-Жылдың қай мезгіліне келіп жеттік?

-Күз

-Күз мезгілі неше айдан тұрады?

-Үш айдан тұрады.

-Күз айларын атайықшы?

-Қыркүйек, қазан, қараша.

-Ендеше балалар, барлығымыз көзімізді жұмып, күз мезгілін көз алдымызға елестетейікші.

Тыныштық сәті: (Жәй музыка ойналады) 

-Күз мезгілі. Таңертең ата-анамызбен балабақшаға келе жатырсыз. Айналаға қарасаңыз, ағаштардың жапырақтары сарғайа бастаған, жерде де қызыл-сары жапырақтар төгіліп жатыр. Бір кезде жаңбыр жауып кетеді. Адамдардың кейбіреуі  қолшатыр ұстап барады.

-Ал балалар көзімізді ашайық, күз мезгілі көз алдарыңа елестеді ме? Қанша күн суық болсада, әр мезгілдің өзіндік бір жылылығы, кереметтері болады екен. 

Күз мезгілі туралы тақпақтар білесіңдер ме?

Ақниет: Күзім-ау, күзім-ау,

                Мінезің бұзық ау,

                Жаңбырың сіркіреп

                Келгенің қызық ау.

Алмас:  Берекесін сыйлауға

               Өлкемізге күз келді.

               Жемістерін жинауға,

               Шақырады біздерді.

Есік қағып «Алтын күз» кіреді.

-Сәлеметсіздер ме, балалар!

-Балалар бізге «Алтын күз» келіп қалыпты.

«Алтын күз»: Балалар, манадан бері сендердің мен туралы айтып жатқан әңгімелеріңді, тақпақтарыңды алыстан естіп келе жатырмын.

«Алтын күз» -Балалар, сіздерге арнаған бір ойыным бар. Ойын ойнағыларың келе ме?

-Балалар: Ия.

Дидактикалық ойын: «Көкөністер мен жемістерді жина»

Ойынның шарты: Араласып кеткен көкөністер мен жемістерді айырып, жемістерді ағашқа, көкөністерді себетке жинау керек. Аттарын атау.

-Тәрбиеші: «Алтын күз»  сізге біздің балалар ойнаған ойын ұнады ма?

«Алтын күз»-Ия.

Тәрбиеші: Ендеше балалар біз «Алтын күзге» жемістер мен көкөністер туралы тақпақ айтып берейік.

Данияр: Мен жүзіммін, жүзіммін

                 Моншақ болып тізілдім.

Асель:     Бақшамызда өседі,

                 Керек тағам деседі.

                Бар қызыл, көк, сарысы

                 Ащы-тұщы бәрісі.

Д.о. «Қай зат кімдікі?»

Ойын шарты: Берілген отбасы суреттерінің тұстарына өзіне тиісілі суреттерді резенке арқылы байланыстыру керек.

«Алтын күз» Жақсы балалар сендер ойынды жақсы ойнадыңдар, мен сендерге ризамын, енді менің кететін уақытым болды.

Қош сау болыңдар!

Шығармашылық жұмыс. «Күзгі ағаш»

Қортынды:

-Балалар бүгін бізге қанаққа кім келді?

-Біз қандай ойындар ойнадық?

-Ненің суретін салдық?

Сендерге бүгінгі оқу қызметі ұнады ма?

Бүгінгі сабаққа сендер өте жақсы қатыстыңдар. Жарайсыңдар балалар!