А әріпі мен дыбысы

                                А дыбысы және әрпі

Білім беру саласы:  «Қатынас»

Бөлімі: Сауат ашу және жазу

Сабақтың тақырыбы: А дыбысы және әрпі

Сабақтың мақсаты:

Білімділігі: Балаларға өткен сабақты еске түсіріп, А дыбысымен таныстыру.

Дамытушылығы:Дидактикалық материалдар арқылы балалардың есте сақтау,

                              ойлау, сөйлеу дағдыларын дамыту.

Тәрбиелігі: «А» дыбысы бар сөз ойлап табуына назар аудара отырып,сөздік

                     қорларын байыту,байланыстыра сөйлеуге тәрбиелеу.

Көрнекілігі:  А дыбысынан басталатын суреттер, текшелер.

Сабақтың түрі:  Аралас сабақ.

Сабақтың әдісі: әңгімелеу,түсіндіру,көрнекілік,сұрақ-жауап.

Сабақтың барысы:

                                        Шаттық шеңбері

                           Күндей жадырап,айдай арайлап,

                           Жұлдыздай жарқырап,

                           Судай мөлдір,таза көңілмен,

                           Бүгінгі күнімізді бастаймыз.

1.Ұйымдастыру кезеңі.

-Балалар,қазір жылдың қай мезгілі?

-Қай ай?

-Аптаның қай күні?

-Балалар,біз сауат ашу сабағында өткен сабақтарда не туралы өттік?Еске түсірейікші.

-Сөз дегеніміз не?

-Сөйлем дегеніміз не?

-Дыбыс дегеніміз не?

-Дыбыстар нешеге бөлінеді?

Дауысты дауыссыз дыбыстарды қандай текшелермен белгілейміз?

-Ал әріп дегеніміз не?

-Әріп дегеніміз дыбыстарды таңбалау.

-Әріпті біз көреміз,жазамыз,оқи аламыз.

                                            Жұмбақ шешу.

                                     Мен үшін жақсы адам,

                                     Артық көрем басқадан.

                                     Апта,ата сөздері

                                     Қандай әріптен басталған?         (А)

-«А» дыбысы дауысты дыбыс па,дауыссыз дыбыс па?

-Неліктен дауысты дыбыс?

-Ал осы алма сөзін қандай текшелермен жазуға болады?

Қәне,балалар бәріміз бірігіп «А» дыбысын ауада жазып көрейікші.

Сөздік ойын: «Сөз ойла, тез ойла» ойынын ойнату.

-«А» дыбысынан келетін сөздерді маған кім жылдам,көбірек тауып айтады?

Алма,ағаш,адам,ай,аққу. Осы тапқан сөздеріңді буынға бөліп айтып көрейікші.

Шапалақ арқылы буынға бөлу.

                                         Сергіту жаттығуы

                                     Орнымыздан тұрайық,        

                                     Шеңбер жасап алайық.

                                     Иілеміз оңға бір,

                                     Иілеміз солға бір.

                                     Алға қарай бір қадам,

                                     Артқа қарай бір қадам

                                     Жоғары-төмен қарайық,

                                     Орнымызды табайық.

-Ал,балалар,қазір дәптерлеріңді алып,үлгіге қарап, сызықтарды қосып, «А» әрпінің

баспа түрін жазамыз.

Балалар түгел жазып болған соң «А» дыбысын есте сақтау үшін,осы дыбыстан басталатын нәрселердің суреттерін көрсетіп,қай дыбыстан басталатынын өздеріне айтқызу.

Қорытынды бөлім.

-Балалар, біз бүгін қандай дыбыспен таныстық?

-«А» дыбысы қандай дыбыс екен?

-Осы «А» дыбысына байланысты тез-тез сөздер ойлап айтып жіберейік.

Балаларды мадақтап,мақтай отырып,бағалау.