Орман әлеміне саяхат жасау

Орман әлеміне саяхат

Мақсаты: Кеңестікті бағдарлай білу,оң, сол ұғымдарын одан әрі жетілдіру,1- 5 дейінгі сандарды бекіту,қоршаған ортаны тани білу арқылы табиғатты сүюге, жабайы жануарларға қамқорлық жасауға тәрбиелеу. Көрнекіліктер: ағаштар, доп, гүлдер, сандар, хат, жабайы жануарлар, конверт тапсырмаларымен, аңдар киімдері, карточкалар,маскалар,саңырауқұлақтар, интерактивтік тақта. Балалар оқу іс- әрекеттерімізді бастамас бұрын қуаттанып жігерленіп алайық. Қуан,шаттан, алақай! Қуантатын келді күн. Амансыздар ма, есенсіздер ме? Сәлеметсіэдер ме. Балалар біз сендермен орманға саяхатқа барамыз. Балалар сендер орманды қалай көз алдарыңа елестетесіңдер? Орман -өзіне тән өсімдіктері, ағаштары,жеміс – жидектері, жануарлар әлемі бар. Орманға саяхатқа барғанда қандай ережелерді сақтауымыз керек? Орманда айқайлап сөйлеуге, шулауға болмайды, ағаштардың жапырақтарын жұлуға болмайды, кез келген өсімдіктерді ұстауға болмайды, құстарды үркітуге болмайды,қоқыс тастауға, от жағуға болмайды. Ал енді балалар сиқырлы орманға барар жолда көп кедергілер кездеседі, егер сол кедергілерден өтсек , онда орманға да жетеміз. Балалар орманға аттанады. Балалар қараңдаршы мына шыршаның оң жағында қандай аңдар бар, сол жағында ше? Шыршаның оң жағында аю, тиын, арыстан, сол жағында маймыл, қоян бар. Міне орманға да жеттік. Ал мынау схемаға қаралық. Онда былай делінген: «Орман қонақтары!» Сендер сандарға рет – ретімен жүрсеңдер, онда жолдарың болады. Ал егер сандардан қателессеңдер, онда мәңгі осында қалып қоюларың мүмкін. Балалар белгіні көреді, сол белгі бойынша жүруге тырысады. Балалар сандарды есімізге түсірейік. Ең бірінші қандай сан келеді? Бір саны ең бірінші келеді. Кәне бір санын тауып алайық. Балалар бір санына келгенде қоянға тап болады. Қоян саған не болған?, неге мұңайып тұрсың? Қоян: «Аң патшасы Арыстан орман мектебін ашпақшы. Арыстан мынадай жарлық шығарды: «Менің тапсырмаларымды дұрыс орындай алғандар менің мектебіме қабылданады. Менде сол мектепте оқығым келеді.Тапсырмаларды алып едім, енді орындай алар емеспін. Балалар қоянға көмектесесіңдер ме?(Балалар жауабы) Қоянның тапсырмасы: 1) Бір жылда неше мезгіл бар? Қазір жылдың қай мезгілі? 2) Суреттердің қатесін тап?(карточкалармен жұмыс) Балалар қоянның тапсырмаларын орындайды. Қоян жүр бізбен сиқырлы орманның қызықтарын бірге тамашалайықшы. Балалар бір санынан кейін қандай сан келеді? (балалар жауабы) Кәне, екі санын тауып алайық... Екі санына келгенде аю шығады. Аю : «Менің қонжығымды көрген жоқсыңдар ма? Екі күн бойы іздеп қонжығымды таппай- ақ қойдым. Қонжығым кеңестікті бағдарлай білмейтін еді, бәріне өзім кінәлімін. Балалар сендер кеңестікті бағдарлай білесіңдер ме?, кәне тексеріп көрейікші. Балалар кеңестікті бағдарлауға тапсырмалар орындайды. Аю сен абыржыма, жүр бізбен қонжығыңды бірге ізделік. Балалар екі санынан соң қандай сан келеді?(балалар жауабы) Үш санына келгенде түлкі шығады. Түлкі : «Сәлеметсіздер ме, балалар. Біздің орманға қош келіпсіздер? Қайдан келесіздер, қайда бара жатырсыздар. Біз сіздердің сиқырлы ормандарыңызға саяхатқа келіп едік, аюды жолықтырдық қонжығын таппай жүр екен. Аю : түлкіжан қонжығымды көрген жоқсың ба? Түлкі: Әрине мен қонжықтың қайда екенін білемін, бірақ менің тапсырмам бар. Егерде менің тапсырмаларымды орындасаңдар жол көрсетейін. Түлкінің тапсырмасы. Пойызда барлығы неше вагон? Ақтиіннің орны нешінші вагонда? Қоянның, аюдың, лақтың, кірпінің билеттері бар, сол бойынша орналастыр. Түлкінің тапсырмасын орындадық, енді бізге түлкі жол көрсет. Төрт санына келе бергенде қонжық табылады. Қонжық табылды енді бір ойын ойналық. Д /о «Адасқан сандар» Ал енді төрт санынан кейін қай сан келеді? (балалар жауабы) Балалар бес санына келеді, ағаштағы ұяны көреді. Ағаштағы тұрған хатты көреді. Хатта былай делінген екен: «Біздің орманға қош келдіңіздер! Мен күні бойы аспанда ұшып жүріп сендерді бақыладым. Сендер аюға, қоянға, қонжыққа, түлкіге көмек бердіңдер. Енді мына ағаштағы алтын жұмыртқаларымды сендерге сыйлаймын. Ал мына жұмбақты шешсеңдер, мына хаттың иесін табасыңдар. «Адамдардың досымын» балалар «қарлығаш» деп жұмбақтың шешуін айтады. Ал енді кері қайтайық, балалар кері санайды. Балалар: бес,төрт, төрт санының алдында қай саны келеді? (үш) Үш санына келгенде түлкі қолын былғап балалармен қоштасады. Ал енді үш санының алдында қай сан келеді? (балалар жауабы) Екі санына келгенде балалар аю қонжығымен қоштасады. Ал енді екі санының алдында қай сан келеді? (бір) Бір санына келгенде қоян рахмет айтып балалармен қоштасады. Сөйтіп балалар балабақшаға оралады. Балалар біз қайда саяхатқа бардық? (орманға) Көздеріңмен көрдіңдер орман дегеніміз не? Орманға барғанда қандай қауіпсіздік ережелерді сақтауымыз қажет? Сендер қандай жақсылық істер жасадыңдар? Ал осымен оқу іс- әрекеттерімізді аяқтаймыз.