"Ертегі елінде"

Ертегі елінде

(ортаңғы топта ұйымдастырылған оқу қызметінің конспектісі)

Шатенова Айна Гиниятовна

МКҚК №24 «Солнышко» бөбекжай тәрбиешісі.

Батыс Қазақстан облысы, Орал қаласы

Білім беру саласы: «Қатынас» 
Бөлімі: Көркем әдебиет

Интеграция: «Таным», «Шығармашылық», «Денсаулық»
Тақырыбы: Ертегі елінде

Білімділігі: Ертегінің мазмұнын түсіне білуге, үш тұғырлықты бірдей алып жүру және тапсырмаларды модельдеу тәсілі бойынша орындай білуге үйрету.

Дамытушылығы: Балаларға қойылған сурақтарға дұрыс жауап беріп, сөздік қорларын дамытып, тіл байлықтарын молайту. Сөздерді анық айтуға,есте сақтау қабілеттерін дамыту.

Тәрбиелігі: Достық қарым – қатынасқа, жанашырлыққа тәрбиелеу.

Әдіс-тәсіл: Амандасу, жұмбақ жасыру, көрсету, түсіндіру, бейне суреттер, үлестірмелі дидактикалық ойын, салыстыру, тапсырма, баяндау, сергіту сәті, сұрақ-жауап, қорытынды, мадақтау.

Сөздік жұмыс: ірімшік - сыр, шұбар тауық - курочка ряба.

Көрнекіліктер: Слайд, Дидактикалық ойын, үлестірмелі материал, тапсырмаға байланысты суреттер, кубик, фламастир.

Билингвалды компонент: Тышқан - мышь,  бақа - лягушка,  қоян - заяц,  түлкі – лиса, қасқыр -волк,  аю - медвед.

I. Ұйымдастырылған оқу қызметінің барысы:

Жылулық шеңбер:

- Қайырлы таң балалар! бүгінгі жаңа күнмен амандасып алайық.

- Балалар бүгін бізде ерекше күн, қараңдаршы келген қонақтарымыз да бар екен.

Қонақтармен амандасып алайық;

1.Қайырлы таң ұстазым,

Қайырлы таң достарым.

Шеңберге тұрайық,

Жылулық сыйлайық.

2.Добрый утро учитель,

Добрый утро друзья.

Посмотрите друг на друга,

Пожелайте добра.

-Тамаша балалар.

ІІ. Негізгі бөлім.

-Балалар бір жұмбақ жасырайын шешіп көріңдерші.

Жұмбақ:

Ерте, ерте деп басталар,

Қызығы оның сан қилы.

Түрлері бар қаншама.

Батырлар, аңдар, жануарлар

Жәдік пенен адам тағы бар

Әжесінің айтқанына сүйсіне,

Балалардың аузынан бал тамып

Тәтті ұйқыға бір қанар.

-Жұмбақтың шешуі ертегі.

-Дұрыс айтасыңдар, балалар!

Ертегінің түрлері өте көп екен. Жаңағы жұмбақта айтып өткендей қандай түрлері болада екен?

-Батырлар, аңдар, жануарлар, жәндіктер, адамдар туралы болады.

-Жақсы, өте дұрыс айттыңдар!

Ендеше балалар, қазір мен сендерге бірнеше ертегілерден үзінді көрсетемін, сендер оны табуға тырысыңдар:

Әрбір үзіндіні көрсетіп ертегінің атын сұрап отыру.

-Мынау қай ертегіден үзінді?

«Маша мен аю»

«Шұбар тауық»

«Бауырсақ»

«Шалқан»

«Жеті лақ»

«Тырна мен түлкі»

«Үш аю»

«Үйшік»

-Балалар осы «Үйшік » ертегісін толықтай біліп алайық.

Ең алдымен ертегідегі кейіпкерлермен танысайық.

Әрбір кейіпкерді үш тілде сұрап білу.

-Мынау не? -Кто это? - Тышқан, мышь

-Ал мынау ше?-А кто это? - Бақа, лягушка

-Бұл қай аң?-это кто?-Уот из ит? Қоян, заяц

-Мынау не?-А это кто?-Уот из ит? Түлкі, лиса

-Бұл қай аң?-Это кто?-Уот из ит? Қасқыр, волк

-Ал мынау не?-А это кто?-Уот из ит? Аю, медвед

-Жақсы балалар, енді мұқият ертегіні тыңдап алайық.

Ертегіні слайд арқылы аяндап айтып беру.

Балалар, ертегідегі аңдардың бізге берген тапсырмалары да бар екен.

Тапсырмаларды шешпес бұрын орнымыздан тұрып сергіп күш жинап алайық.

Балаларды шеңбер бойына тұрғызып өз беттерімен сергіту жаттығуын жасауды тапсыру.

Сөз мен қимыл-қозғалысты келістіре орындайды.

1.Бір, екі, үш; бір, екі, үш;

Санайық,

Бір, екі, үш; бір, екі, үш;

Ойыннан тез шығайық.

2.Раз, два,три;раз,два, три;

Ты беги,

Раз, два, три; раз, два, три;

Ты выходиш из игры,

-Бала лар тапсырманы мына кубикті лақтыру арқылы орындаймыз.

Шарты: Кубиктегі белгіні немен алмастырғанын еске түсіре отырып, қандай белгі түссе, сол тапсырманы орындау.

«Төртінші артықты тап және құйрығын табуға көмектес»

Мақсаты: Үй жануарлары мен дала аңдарын ажырата білуге үйрету. Көру және есте сақтау қабілеттерін дамыту.

Шарты: Берілген суреттегі артық төртінші дала аңын табу. Әр біреуінің дене мүшесінің бір бөлігі құйрықтарын тауып, сызу арқылы көрсету.

Балалар тиіннің артық екенін айтады. Әр үй жануарының құйрығын тауып сызық арқылы көрсетеді. Тапсырманы қызыға орындай бастайды.

«Суретшінің қателігін тап»

Мақсаты: Әрбір дене мүшеге қарап, оның толық атын тез әрі жылдам атай білуге үйрету. Ойлау, есте сақтау қабілеттерін дамыту.

Балалар назарын тақтаға аударады. Суретке қарап, суретшінің қателігін ойланып тауып айтып береді.

«Қайсысы ірімшікті жақсы көреді?»

Шарты: Қайсысы ірімшікті жақсы көретінін сызба арқылы көрсету.

«Ретімен орналастыр»

Мақсаты: Кейіпкерлерді ретімен орналастыруға үйрету. Ойлау, есте сақтау және қайта жаңғырту қабілеттерін дамыту

Шарты: Ертегіні еске түсіре отырып кейіпкерлерді рет-ретімен тақтаға орналастырып қою.

Суреттегі бейнелердің атын атап, олардың қайсысы ірімшікті жақсы көретінін маркермен сызық арқылы сызып көрсетеді.

«Мұқият есіңде сақта»

Мақсаты: Көру, есте сақтау және ойлау қабілеттерін дамыту.

Шарты: Көріп, есте сақтап алған соң қай аңды қандай белгімен алмастырғанды тауып айту.

ІV. Қорытынды бөлім.

Балаларды ашық алаңға жинап сабақты қортындылау.

-Балалар бүгінгі ойын сабағымыз не туралы болды?

-Жұмбақтың шешуін шеше алдық па?

-Шешуін кім айтады?

-Қандай ертегілерді білеміз?

-Қай ертегіні экраннан тамашаладық?

-Ол ертегіде қандай кейіпкерлер кездеседі?

-Кім кейіпкерлерді үш тілде айтып береді?

-Оларды немен алмастырдық?

-Қандай тапсырмалар болды?

-Тапсырманы не арқылы орындадақ?

-Қай аң қыс мезгілінде ұзақ ұйқыға кетеді?

-Ертегі туралы болды.

-Жұмбақ шештік.

-Жұмбақтың шешуі ертегі.

-Ертегілердің аттарын айтып береді.

-Үйшік ертегісін көрдік.

-Тышқан, бақа, қоян, түлкі, қасқыр, аю.

Өз қалауларымен ортаға шығып айтып береді.

Естеріне түсіріп, түсінген жауаптарын айтады.

-Кубик арқылы орындадық.