Балалардың балабақшаға бейімделуі

№1 ІІ кіші топ ата аналар жиналысының

№1 хаттамасы

Барлығы – 24

Қатысқаны – 14

Қатыспағаны - 10 (себепті)

12.03.2019ж.

Күн тәртібінде:

1. «Кел танысайық» Тренинг

2. «Баланың балабақшаға бейімделуі» Баяндама

3. Ата – аналарды балабақша өмірімен таныстыру және т.б

4. Әртүрлі мәселелер. «Сіз ата-аналық міндетіңізді білесіз бе?» Сауалнама

5. Қоштасу шеңбері «Өз жұбыңды тап»

Тәрбиешілер: Қарабалаева А.

Избагамбекова Р.

Тыңдалды:

Бірінші мәселе бойынша, психолог ата-аналарға «Шаттық шеңбер» құру арқылы «Кел танысайық» атты тренинг өткізді. Тренингте ата-аналар бір-бірімен қол ұстасу арқылы танысты. Тренинг өте қызықты өткізілді.

Екінші мәселе бойынша, топ тәрбиешісі Қарабалаева Ақбота «Баланың балабақшаға бейімделуі» тақырыбында баяндама оқыды. Баяндаманың мазмұны бойынша ата-аналар өз пікірлерін ортаға салды. Ата-ана Джунусалиева Маржан баяндамаға байланысты өз ойын еркін жеткізді.

Үшінші мәселе бойынша, ата -аналарға балбақша өмірімен таныстырылды, оның ішінде күн тәртібі, ұйымдастырылған оқу қызметттері, балабақшаның мақсаты мен міндеттері түсіндіріліп айтылды. Тәрбиешіге сұрақтар қойылып, жауаптары алынды. Соның ішінде, Хайдардың анасы балабақшаға келу және алып кету уақытын сұрады. Гүлімнің әкесі балабақшаның ас мәзірін сұрап өтті.

Төртінші мәселе бойынша, ата-аналардан «Сіз ата-аналық міндетіңізді білесіз бе?» атты сауалнама жүргізілді. Әр ата-ана өздерінің ойларын айтты, оның ішінде Алуаның аасы өз ойын жақсы жеткізе білді.

Бесінші мәселе бойынша, ата-аналарға қоштасу шеңбері «Өз жұбыңды тап» тақырынба өткізілді. Бұл ойында өте қызық, өз деңгейінде өткізілді.

Шешімі:

1. Г.Ибраимова өткізген тренинг «қанағаттанарлық» деп бағалансын;

1. А.Қарабалаеваның оқыған баяндамасы «қанағаттанарлық» деп бағалансын;

1. Сауалнама қорытындысы бойынша, әрі қарай жұмыс жүргізу психологқа жүктелсін;

1. Г.Ибраимова аяқтаған қоштасу шеңбер ойыны қызықты өткізілді.

Жиналыс төрайымы: А.Қарабалаева

Жиналыс хатшысы: Р.Избагамбекова

Баланың балабақшаға бейімделуі (баяндама оқу), баланың бейімделуіне

байланысты жүргізілетін іс-әрекет

Баланың әлеуметтенуі қашан қайда басталады? Әрине бірінші отбасында

және балабақшаға келгенде. Балабақшада таныс емес үлкен адамдармен,

балалармен танысады,мінез құлық ережелері мен нормаларын меңгереді. Жаңа

жағдайға бала қалай үйренеді? Өкінішке орай балабақшаға бейімделу көбінесе

қиын және ауыр өтеді. Бала тамақ ішпейді, ұйықтамайды,балалармен және үлкен

адамдармен араласудан бас тартады да, қоршаған ортаға деген қызығушылығы

төмендейді, ойыншықтарды ойынға қатыстырмайды. Баланың балабақшаға қиын

бейімделу себептері:

Баяндама

Баланың балабақшаға бейімделуі

Баланың әлеуметтенуі қашан қайда басталады? Әрине бірінші отбасында және балабақшаға келгенде. Балабақшада таныс емес үлкен адамдармен, балалармен танысады, мінез -құлық ережелері мен нормаларын меңгереді. Жаңа жағдайға бала қалай үйренеді? Өкінішке орай балабақшаға бейімделу көбінесе қиын және ауыр өтеді. Бала тамақ ішпейді, ұйқтамайды, балалармен және үлкен адамдармен араласудан бас тартады да, қоршаған ортаға деген қызығушылығы төмендейді, ойыншықтарды ойынға қатыстырмайды. Баланың балабақшаға қиын бейімделу себептері:

• Басқа адамдармен бұрын қалып көрмегендіктен,

• Дәретке өзі отырып үйренбегендіктен.

• Кейбір тамақтарды жеу дағдысы жоқ, мысалы қызылша, орамжапырақ, қатты тамақты шәйнап үйренбеген (картоп, нан).

• Балабақшаға жаңадан келген балалар алғашқы аптада 3-4 сағат болады. Көбінесе ата-аналар жұмыс тәртібін айтып, баланы күні бойы балабақшада қалдырады. Осының нәтижесінде күрделі және созылмалы мәселелер пайда бңолады.

Балаңызбен үйде сөйлесесіз бе, оны жақсы көретініңіз туралы айттыңыз ба?

Ата-аналардың балаға эмоцияналдық әсері көбінесе жағдайды қиындатады. Әр отбасында бейімделудің үш түрі бар.

• Жеңіл түрі – баланың мінез-құлығы 10-15 күнде қалпына келеді,

• Орташа ауырлық бейімделу 1 айдың ішінде;

• Ауыр бейімделу – 2 айдан 6 айға дейін өтеді.

Қобалжулары қатты ата-аналардың балалары да балабақшаға қиын бейімделеді, өйткені ата-анасының қобалжуын көріп, баланың қорқынышы ұлғая бастайды. Осы кезде ата-аналар балаға көмек беруі керек.

Ертеңгілік қоштасуды жеңілдету тәсілдері:

• Баламен тез қоштасып үйреніңіз. Қоштасуды созбаңыз. Бала сіздің қобалжығаныңызды көріп, тыныштануы ұзаққа созылады.

• Балыңыз сізге сенсін десеңіз, балабақшаға әкеліп, көрінбей қашып кетпеңіз.

• Балаңызға ұнайтын қоштасу рәсімін ойлап табыңыз және соны қатал ұстаныңыз.

• Балаға анық түсінік беру керек.

Ата-аналар үшін баланың балабақшаға бейімделу туралы кеңес.

2-3 жастағы балалар үшін балабақшаға бейімделу күрделі құбылыс. Бейімделу уақытында баланың эмоциялық жағдайы көп өзгеріске түседі.

Сондықтан кеңес береміз:

• Үйдегі жағдайды балаңыз келетін топтың күн режимін бірдей етіп ұйымдастыруға жұмыстаныңыз.

• Балабақшаның тамақтану ас мәзірімен танысып баланың үйдегі тамақтануына балабақшада ішетін тамақтар түрін қосыңыз,

• Үйдегі жағдай баланың өзіне-өзі қызмет етудің алғы шарттарына үйрете беріңіз: жуыну, қолын сүрту, шешіну, өз бетімен тамақтану,тамақ ішкенде қасықты пайдалану, горшокқа сұрану.

• Баланың «социялдық көкжиегін» кеңейтіңіз, ауладағы өзімен құрдас балалармен көбірек ойнатыңыз, жолдастарыны қонаққа барсын, әжесіне қонуға қалсын т.с.с.

Осындай тәжірибе жинақтаған бала өз құрдастары мен үлкендер арасында тез үйренісіп, тіл табысатын болады.

• Баламен жағымды эмоционалдық жағдайлар жасау қажет, ол көбіне ата-ана жағынан болуы қажет, балабақша туралы, оның өзіне керектігін түсіндіріп балаңызды сүйіп, жиі оған өз мейіріміңізді көрсетіңіз. Есіңізде болсын Сіз осындай жылылық білдірсеңіз Сіздің балаңыз балабақшаға тез бейімделеді. Балаңыздың көзінше балабақша туралы өзіңізді толғандыратын мәселені айтудан аулақ болыңыз.

• Бірінші күні балабақшаға серуенге келген дұрыс, тәрбиешімен танысып, балаңызға жаңа достар табуға, сондай-ақ балаңыздың сүйікті ойыншығын балабақшаға беріп жібергеніңіз абзал.

• Жоспарлаңыз, балабақшаға бірінші келген мезгілде балаңызды бірінші күні – ақ ұзағына қалдырмауды. Балабақшаға жаңадан келген балалар алғашқы аптада 3-4 сағат, одан әрі түске дейін, айдың аяғына таман егер тәрбиеші кеңес берсе күні бойына қалдырылады.

• Кейбір балалар үшін аптаның ортасында жүйкесін тоздырмау үшін «демалыс» алуға болады.

• Бейімделу мерзімінде үйде демалыс кезінде баламен көп шұғылдануды қажет етеді, серуен жасау, күн режимін сақтау, эмоциялық жүктемесін түсіру қажет.

• Балабақшаға ауырмай келуі қажет. Ауырудан сақтану үшін түрлі витаминдер пайдалану қажет.

Егер сіздің балаңыз көпшіл, өз жақындарыңыз бен бірге бөтен адамдарды жатырқамаса, ойын кезінде өздігімен ойнай білсе, мінезі ашық, өз құрдастарымен мейірімді болса балабақшаға келген күннен бастап – ақ үйреніп кететін болады.