Просмотр содержимого документа
«"Балаларды? балаба?ша?а бейімделуі" (д??гелек ?стел)»
БАЛАНЫҢ БАЛАБАҚШАҒА БЕЙІМДЕЛУІ (ата – аналармен дөңгелек үстел)
Мақсаты: балабақшамен ата- аналар арасындағы өзара сенімді қатынасты нығайта отырып ,балаларды балабақшаға бейімдеу.
Өткізу әдісі: Дөңгелек стол
Барысы:
I. Кіріспе әңгіме
II.Шағын баяндама
III .Жиналысқа қатысып отырған ата- аналарды А, Ә, Ө белгілерін тарату арқылы 3 топқа
бөлу.
3.1 Әр топқа тапсырма беру дайындалуға 5 минут уақыт беріледі
3.2 Топ бойынша ортада қорғау (5-10 минут)
Ата- аналарға кеңес беру
IV. Мақал – сөз атасы (аяқталмаған мақал-мәтелдерді жалғастыру) V. Қорытындылау
I. Кіріспе. Тәрбиеші; ата-аналарға бүгінгі жиналыстың өзгеше екенін, бар ынта- жігерімен қатысуын ескертеді. Мақсаты хабарланады.
II.Шағын баяндама
Баланың әлеуметтенуі қашан қайда басталады? Әрине бірінші отбасында және балабақшаға келгенде. Балабақшада таныс емес үлкен адамдармен, балалармен танысады,мінез құлық ережелері мен нормаларын меңгереді. Жаңа жағдайға бала қалай үйренеді? Өкінішке орай балабақшаға бейімделу көбінесе қиын және ауыр өтеді. Бала тамақ ішпейді, ұйықтамайды,балалармен және үлкен адамдармен араласудан бас тартады да, қоршаған ортаға деген қызығушылығы төмендейді, ойыншықтарды ойынға қатыстырмайды. Баланың балабақшаға қиын бейімделу себептері:
— Басқа адамдармен бұрын қалып көрмегендіктен,
— Дәретке өзі отырып үйренбегендіктен.
— Кейбір тағамдарды жеу дағдысы жоқ, мысалы қызылша, орамжапырақ, қатты тамақты шайнап үйренбеген (картоп, нан).
— Балабақшаға келген алғашқы күндері бала 2 сағатқа қалу керек. Көбінесе ата-аналар жұмыс тәртібін айтып, баланы күні бойы балабақшада қалдырады. Осының нәтижесінде күрделі және созылмалы мәселелер пайда болады.
— Балаңызбен үйде сөйлесесіз бе, оны мақтайсыз ба, оны жақсы көретіңіз туралы айттыңыз ба?
Ата-аналардың балаға эмоцияналдық әсері көбінесе жағдайды қиындатады. Әр отбасында бейімделудің үш түрі бар.
-жеңіл түрі-баланың мінез- құлығы 10-15 күнде қалпына келеді;
-орташа ауырлық бейімделу— 1 айдың ішінде;
-ауыр бейімделу-2 айдан 6 айға дейін өтеді.
Қобалжулары қатты ата-аналардың балалары да балабақшаға қиын бейімделеді, өткені ата-анасының қобалжуын көріп, баланың қорқынышы ұлғая бастайды.
Осы кезде ата-аналар балаға көмек беруі керек.
Ертеңгілік қоштасуды жеңілдету тәсілдері:
-Баламен тез қоштасып үйреніңіз. Қоштасуды созбаңыз.
Бала сіздің қобалжығаныңызды көріп, тыныштануы ұзаққа созылады.
-Балаңызға ұнайтын қоштасу рәсімін ойлап табыңыз және соны қатал ұстаныңыз.
Балабақшаға барғаны үшін жаңа ойыншық сатып алып, балаңызды алдарқатпаңыз.
-Балаға анық түсінік беру керек.
Бір рет болсын баланың дегенін істесеңіз әрі қарай баланы көндіру өте қиынға түседі.
III .Жиналысқа қатысып отырған ата- аналарды А, Ә, Ө белгілерін тарату арқылы 3 топқа бөлу.
3. «А» топтың тапсырмасы: «1.Балаңыздың бейімделудің түрі қандай?
2. Үйдегі жағдайда балаңызға өзіне-өзі қызмет
етудің алғашқы қай элементтерін үйретесіз?
3. Үйде балаларыңыз тәрбиешілері, достары туралы
айтады ма? »
«Ә» топтың тапсырмасы: «1.Үйіңізге балаңызға арналған ойын бұрышы бар ма?
2. Балабақшадан үйге келген соң қимылды ойындар ойнай
ма?
3. Бақшадағы достары, тірбиеші, дәрігер еңбектері жайлы
балаңызға қандай әңгімелері айтып бересіз?»
«Ө» топтың тапсырмасы: «1. Таңертең балабақшаға барғысы келеді ма?
2. Сіз балаңызды бақшаға әкелер алдында балаңызбен не
жайында сөйлесесіз?
3. Балаңыздың бақшаға келген сәттен бастап жеткен
жетістіктері»
Ата – аналар үшін баланың балабақшаға бейімделу туралы кеңес.
2 -3 жастағы балалар үшін балабақшаға бейімделу күрделі құбылыс. Бейімделу уақытында баланың эмоциялық жағдайы көп өзгеріске түседі.
Сондықтан кеңес береміз: - Үйдегі жағдайды балаңыз келетін топтың күн режимімен бірдей етіп ұйымдастыруға жұмыстаныңыз. - Балабақшаның тамақтану ас мәзірімен танысып баланың үйдегі тамақтануына балабақшада ішетін тамақтар түрін қосыңыз - Үйдегі жағдайда баланың өзіне - өзі қызмет етудің алғы шарттарына үйрете беріңіз: жуыну, қолын сүрту, шешіну, өз бетімен тамақтану, тамақ ішкенде қасықты пайдалану, горшокқа сұрану. Киімдері міндетті түрде өзіне ыңғайлы болуы шарт: шалбар не болмаса шорты замоксыз, белдеушесіз. - Баланың «социалдық көкжиегін» кеңейтіңіз, ауладағы өзімен құрдас балалармен көбірек ойнатыңыз, жолдастарына қонаққа барсын, әжесінде қонуға қалсын т.с.с. Осындай тәжірибе жинақтаған бала өз құрдастары мен үлкендер арасында тез үйренісіп, тіл табысатын болады. - Баламен жағымды эмоционалдық жағдайлар жасау қажет, ол көбіне ата – ана жағынан болуы қажет, балабақша туралы, оның өзіне керектігін түсіндіріп балаңызды сүйіп, аймалап, жиі оған өз мейіріміңізді көрсетіңіз. Есіңізде болсын Сіз көбірек осындай жылылық білдірсеңіз Сіздің балаңыз балабақшаға тез бейімделеді. Балаңыздың көзінше балабақша туралы өзіңізді толғандыратын мәселені айтудан аулақ болыңыз. - Бірінші күні балабақшаға серуенге келген дұрыс, тәрбиешімен танысып, балаңызға жаңа достар табуға. Сондай – ақ балаңыздың сүйікті ойыншығын балабақшаға беріп жібергеніңіз абзал. - Жоспарлаңыз, балабақшаға бірінші келген мезгілінде балаңызды бірінші күні – ақ күн ұзағына қалдырмауды. Балабақшаға жаңадан келген балалар алғашқы аптада 3 – 4 сағат, одан әрі түске дейін, айдың аяғына таман егер тәрбиеші кеңес берсе күні бойына қалдырылады. - Кейбір балалар үшін аптаның ортасында жүйкесін тоздырмау үшін «демалыс» алуға болады. - Бейімделу мерзімінде үйде демалыс кезінде баламен көп шұғылдануды қажет етеді, серуен жасау, күн режимін сақтау, эмоциялық жүктемесін түсіру қажет. - Бала балабақшаға тек ауырмай келуі қажет. ОРЗ, ОРВИ сақтану үшін түрлі витаминдер пайдалану қажет, мұрын қуыстарын оксолин мазмен сылап тұру қажет. Егер Сіздің балаңыз көпшіл, өз жақындарыңыз бен бірге бөтен адамдарды жатырқамаса, ойын кезінде өздігімен ойнай білсе, мінезі ашық, өз құрдастарымен мейрімді болса балабақшаға келген күннен бастап – ақ үйреніп кететіне сеніңіз. Баланың балабақшаға барлық бейімделу уақытында психологпен балабақшаның медика – педагогикалық қызметі бақылауға алады.
Сәт сапар, саған балапан жаңа ортада!
IV. Мақал – сөз атасы (аяқталмаған мақал-мәтелдерді жалғастыру)
1. Балапан ұядан не көрсе-........(ұшқанда соны іледі) 2. Бала жаман болса-.......( көрінгеннің мазағы) 3. Ата-балаға ........ сыншы) 4. Балаңа байқап сөйлесең, ақылыңа көнер.......(байқамай сөйлесең көп ішінде өлер) 5. Бала көңілдің гүлі........ (көздің нұры)
Қорытындылау: Анаға қарап қыз өсер, Әкеге қарап ұл өсер. Құрметті ата-ана, баланың иманды, қайырымды болып ер жетуі ең алдымен ата-ананың тәлім- тәрбиесіне байланысты. «Ұядан не көрсең- ұшқанда соны ілерсің» деген мәйекті сөз тегіннен-тегін айтылмаған. Балаға кішкентайынан түзу тәрбие беріп, уақытында дұрыс көңіл бөліп еліміздің инабатты, адамгершілігі мол білімді, саналы ұрпақ тәрбиелеу баршамыздың міндетіміз. Егер ата-анамен балабақша тығыз байланыста болып, балаға бірдей талап қойылса, тәуелсіз еліміздің ұл-қыздары жан-жақты дамыған азамат болып шығары сөзсіз.
