Баяндама "Баланың мектепке дайындығын қалыптастыру"

Баяндама

Баланың мектепке дайындығын қалыптастыру

      Баланы мектепке дайындау – тұтас құрылым. Ең алдымен мектепке баратын оқушының денсаулығы, физикалық дамуы, сана-сезімі, физиологиялық, әлеуметтік және психологиялық дайындығы, барлық жеке тұлғалық жағдайының ескерілгені жөн. Баланың психологиялық дамуына әлеуметтік және биологиялықфакторлар әсер етеді, сондықтан мектепке дайындау кезінде жай ғана ойлау, зейін, есте сақтау қабілетін дамыту жеткіліксіз. Бүлдіршіннің айналасындағылармен қарым-қатынасының бұзылуы, келіспеушілік, оқшаулануы – оның қоршаған ортаға, ұжымға бейімделе алмауының белгісі екенін білдіреді. Мұндай балада болашақта эмоциялық тұлғалық мәселелер болуы мүмкін. Баланың қаншалықты эмоциялық дамуы жоғары болса соншалықты үйлесімді дамиды.

      Баланың мектепке деген қарым-қатынасы. Бұл әдістеме баланың оқуға деген қызығушылығын анықтайды. Әдістеме 10 сұрақтан тұрады. Баланың таным үрдісі жақсы дамып, үлкен адамдармен және балалармен дұрыс қарым-қатыныс жасай алса да, баланы мектепке толық дайын деп айта алмаймыз. Себебі, баланың жаңа білім алуға,бектеп бағдарламасын алып кетуге дайын дағдылары болу керек.

      Баланы дайындау үш бағытта жүргізіледі:

      1.Мектепте оқуға қажетті нақты іскерліктер мен дағдыларының қалыптасуы;

      2.Жас кезеңіне сәйкес психикасында байқалатын өзгерістерді зерттеу;

      3.Берілген ережелер мен ересектер талабына саналы түрде бағыну іскерлігі.

      Баланың оқуға қызығушылығы болмайтын жағдайлар:

      1.Мектеп алдындағы қорқыныш. Көп жағдайда бұл қорқынышты үйде қалыптастырады, себебі ата-ана баланы бағындыруға мақсатымен «Ертең мектепке барғанда көресің.», «Дұрыс отыра да алмайсың, мектепте мұғалімдерің ұрсады» деп, үйде бағындыруға тырысады.

      2.Сабақтарда және қарым-қатынаста қиындыққа көзігуі.

      3.Мұғалімге үйрене алмауы.

      4.Мектепте кездескен қиыншылықтар негізінде оқуға деген жағымсыз қатынастың пайда болуы.

          Осы  кезде әр ата-ана баласына мектеп туралы, мұғалім туралы жағымды мағлұматтар туралы айтса, оқуға деген жағымды қарым-қатынас қалыптастырып, баланың өзіне деген сенімділік сезімін дамытады. Ең бастысы баланы жолдастарымен қарым-қатынас жасай алуға, басқа баланың ойымен санасуға дағдыландырған жөн. Өз бетімен шешім қабылдай алатындай және еріктілікті дамытуға жағдайлар жасап, бастаған кез-келген істі аяғына дейін жеткізуге үйрету керек. Кеңістікті және уақытты қабылдай алуы оқу материалын меңгерудің жолын жеңілдетеді. Кеңістікті бағдарлай отыра, мұғалімнің тақтада түсіндірген материалын толық қабылдауға үлгеріп отырады. Қолының ұзақ моторикасы жақсы дамыса, пластилінді илеу, құрастыруға, сурет сала алмаса жазуға икемі болмайды, жазу кезінде тез шаршап, қате көп жіберетін болады.

         Кез келген ата-ана баласын рухани және ақыл-ойы мен дене құрылысы жағынан жан-жақты даму дәрежесіне жеткізуге баулиды.Ата-анаға баланың мектепке оқуға дайындығы біртіндеп қалыптасатын аса күрделі үрдіс екендігін психолог түсіндіреді және отбасы, балабақша болып бірігіп жасаған жұмыс нәтижесін береді.