"Жайдарлы жаз"

Тақырыбы:  « Жайдарлы  жаз  келді »

Мақсаты:  Жаз  айларының  атауларын  атау , олардың  ерекшелігін  ұғындыру. Жазғы  табиғат  өзгерістерін  бақылап , жаз  байлығын , әсемдігін ,  сұлулығын  сезіне  білуге  үйрету. Табиғатты  аялауға , қамқорлық  жасай  білуге  тәрбиелеу.

I  Ұйымдастыру  кезеңі:

                       Балабақшам  армысын!

                       Сені  жақсы  көремін!

                       Достарым  менің  бармысың!

                       Құшақтасып  алайық!

II   Кіріспе  әңгіме:

  Жұмбақ  жасыру.

Көбелек  те ,  гүл  де  бір

Қызыл – жасыл  күллі  өңір

Аспан  төрі  ақша  бұлт

Бау – бақшада  барша  жұрт

Саңқылдаған  саз  әні

Көлде  құстың  базары

Жидек  пісіп  толады

Бұл  қай  кезде  болады?        (  Жаз  )

-          Балалар  бүгінгі  күннің  ауа – райы  қандай?

-           Ал  неге  ыстық , неге  суық  болмайды

     -Дұрыс  айтасыңдар!

    Бізде  төрт   жыл  мезгілі  бар , әр  жыл  мезгілі өзіне  тән  құбылыстарымен  ерекшеленеді.

    Жаз  мезгілі  күннің  ыстығымен , ұшып  жүрген  көбелектерімен , құстарымен  ерекшеленеді.  Жаз  мезгілінде  балалар  суда  шомылуды  жақсы  көреді.  Міне , мына  суретке  қарандаршы , балалар  не  істеп  жатыр?

               Суретпен  жұмыс , әңгімелесу.

-  Балалар  сендер  суда  шомылуды  жақсы  көресіңдер  ме?

- Қанеки  біз  оны  ойын  ойнау  барысында  көрейік.

      Ойын:      «  Кім  епті  »

- Балалар  кім  жаз  мезгілі  жайлы  тақпақ  біледі?

  Тақпақ:

Жаз  келіпті  дегенше

Алма  пісті  дегейсің

Бақшамызда  ендеше

Алма  теру  көбейсін         

Жаз  келіпті , қарандар

Көлге  үйрек ,  қаз  қонды

Асыр  салып  балалар

Суға  түсіп  мәз  болар    

Жаз  келіпті  дегенше

Қауын  пісті  дегейсін

Бақшамызда  ендеше

Қауын – қарбыз  көбейсін.     

      Әуен  естіліп ,  Жаз  мезгілі  келеді.

Жаз:

-          Сәлеметсіңдер ме  балалар!  Сендер  жаз  мезгілі  сөйлесіп  жатқандарыңды  естіп  келіп  қалдым  қонаққа.

-          Т –ш і:

- Жаз  келгенің   қандай  жақсы , балалар  саған  арнап  тақпақ  айтқысы   келіп   тұр.

Тақпақ:

1 – маусым  балалар

Қорғайтын  күн  сендерді

Жайнап  жатсын  далалар

Гүл  көмкеріп  белдерді

Барып  жасыл  жайлауға

Жаз  қызығын   көріңдер

Мұнда   жақсы  ойнауға

Бір  уақ  г.лін  теріңдер.      

Ақыл  айтам  пайымда

          Жаздың  соңғы  айында

          Барар  болсаң  мектепке

Әліппеңді  дайында.            

Жаз:

-Балалар  қандай  әдемі  тақпақтар.  Жаз  мезгілінде  далаға  шығып  жаттығу  жасаса  сендер  тез, сау  болып  өсетіңдеріңді  білесіңдер  ме?

Т-ші:

-Жаз  сен  уайымдама  біздің  балалар  әр  дайым  таңертен  жаттығу  жасайды. Қанеки  балалар  көрсетейікші  қандай  жаттығу  жасайтынымызды.

        Би:  «  Таңерте  ерте  тұрғанда  »

Т-ші:

 - Балалар  қанеки  бәріміз  көбелектер  туралы  өлен  айтып  көбелектерді  қонаққа  шақырайық.

Ән:   «  Көбелек   »

Көбелектер:

- Саламатсыңдар  ма , балалар!  Сендер  бізді  шақырғандарыңды  естіп  келіп   қалдық. 

(   Көк  түсті  көбелек  айналады   )

-  Балалар  көк  түсті  көбелек  бірдене   айтқысы  келіп  тұр , қане  не  болды  айта  ғой ?

             Көк  түсті  көбелек:

- Балалар  мен  сендермен  ойын  ойнағым  келіп  тұр ,  ойнайсыңдар  ма  менімен?

Ойын:  «  Құлпынайды  жина  »

Т-ші.

-  Ал  қызыл  түсті  көбелек  не  дейді  екен?

Қызыл  түсті  көбелек:

- Балалар  сендер  «  Құлыншақ  »  әнін   білесіңдер  ме?

Ән:   «  Құлынщақ  »

Жаз:

-          Балалар  менің  кететін  уақытым  жетті , басқада  балалар  мені  күтіп  қалды.  Көбелектерім  мен  сендерді  де  апармын, қанеки  балалармен  - қоштасайық.  Сау  болыңдар  балалар!

(  Жаз  мезгілімен  және  көбелектерімен  қоштасу  )

III   Қорытынды:

     - Мадақтау