« Менің елім – Қазақстан

« Менің елім – Қазақстан »

Білім саласы:Қатынас, таным,шығармашылық.

Кіші сала: көркем әдебиет,қоршаған ортамен танысу, сурет,музыка.

Мақсаты: Отанды сүюге,қазақ елінің рәміздерін қастерлеуге,туған жеріне, атамекеніне деген сүйіспеншілігін арттыруға тәрбиелеу.

Сөздік қорын молайтып, байланыстырып сөйлеулерін қалыптастыру.

Ұқыптылыққа, ұлтжандылыққа тәрбиелеу.

Әдісі: түсіндіру, көрсету, сұрақ-жауап, ойын.

Көрнекіліктер: Қазақстан Республикасының Мемлекеттік Рәміздері ,Астана қаласының ғимараттары бейнеленген суреттер,дидактикалық ойынға байланысты рәміздердің суреттері,құрастыруға суреттер,бояу қалам,қағаз.

Оқу іс-әрекетінің барысы:

Ұйымдастыру кезеңі:

-Балалар біз қай республикада тұрамыз?

-Қазақстан республикасында.

-Балалар, өзіміз тұратын мекенді тағы қалай атауға болады?

-Отан. Атамекен. Туған жер.

-Балалар,кім Қазақстан Республикасының рәміздерін айтып береді?

-Ту,Елтаңба,Әнұран.

-Еліміздің туының түсі қандай?

-Көгілдір түсті –аспан мен судың түсі

-Көк түс тазалықты белгілейді.

-Ортасында алтын күн- бейбітшілік күні.

Қыран құс –еркіндіктің,тәуелсіздіктің белгісі.Биікте самғайды және ұлттық ою бейнеленген.

-Елтаңбамыздың түсі қандай?

-Елтаңбамызда қазақтың қарашаңырағы-әрбір отбасының бірлігі, бейбітшілік шанырағын көтерген , күн сәулесіндей уықтар,екі жақтағы қанатты пырақтар(қос тұлпар)-адамның досы, және жоғарысында бес бұрышты жұлдыз бен «Қазақстан» деген жазу бар.

-Балалар,Елтаңба туралы кім тақпақ біледі?

1-бала.С.Мәди.

Елтаңбасы елімнің

Неткен әйбат, әдемі

Тұнығындай көңілдің

Ортада аспан әлемі.

-Рахмет.

Балалар, Қазақстан байрағы туралы кім тақпақ біледі.

2-бала: Жанарыс.

Жарасқан, байрақтың мәні бар,

Көк аспан, күн-қыран сәні бар.

Көк байрақ ашық күн кеңісім,

Алтын күн белгісі жеңістің .

Ал,Әнұран туралы тақпақ білеміз бе?

3-бала: Нұралы

Әнұраным,жанұраным

Айтар әнім, сөйлер сөзім.

Туған жерім сағынарым.

Өмірбақи шырқалады.

Республика Әнұраны.

-Әнұранды қай жағдайда орындайды?

-Оны салтанатты жағдайларда орындайды.Жеңіске жеткенде орындалады.

Әнұран орындалғанда орнымыздан тұрып,қолымызды жүрегімізге қоямыз.

Дидақтикалық ойын: «Рәміздерді құрастыр»

Екі бөлек үстелде тудың, елтаңбаның белгілері араласып жатыр. Белгі берумен балалар рәміздерді құрып жарысады. Жеңген топ марапатталады.

-Біздің Елбасымыз кім?

-Н.Ә.Назарбаев.

-Балалар, Қазақстан Республикасының астанасы қай қала?

-Астана қаласы.

-Дұрыс айтасыңдар.

-Ал енді Астана қаласына теледидар арқылы саяхат жасайық.

-Астана- Отанымыздың жүрегі, жаңа қала, әсем қала.Мына суреттерге қарашы нені көріп тұрсыңдар?

-Бәйтеректі.

-Мына суреттерде Астана қаласының зәулім,биік үйлері, ең жақсы ғимараттары.

Енді тамаша монумент-Бәйтеректі құрастырайық.

-Балалар, сендер жақсы жұмыс істедіңдер ,жарайсыңдар, енді біраз сергіп алайық:

Орнымыздан тұрайық.

Құс болып қанат қағайық.

Астананың төріндегі

Бәйтерекке ұқсайық.

-Біз қай тілде сөйлесеміз?

-Біздің ана тіліміз –қазақ тілі.

-Тіл туралы қандай мақал-мәтелдер білеміз.

-«Өнер алды-қызыл тіл.»

«Ана тіліңді ұмытқаның-

Өз тіліңді құртқаның.»

«Тіл-көңілдің кілті.»

-Рахмет.

-Енді «Туған жер», «Отан» , «Елім» -дегенді қалай түсінесіңдер.?

-Әркімнің өз Отаны болады.

-Отан-ол менің туған жерім,табиғатым.

-Отаным, елім туралы кім тақпақ айтып береді.

1-бала.Дарина

Кең байтақ, көз жетпейтін жерім менің,

Таулы орман, жасыл жайлау, көлім менің.

Бүгінде бар әлемге данқың жетті

Тәуелсіз Қазақстан-елім менің.

2- бала Азиза.

Сен неткен Отан-анам, ғажап едің,

Әспеттеп көркем тілмен жазар едім.

Болашақ ұрпағымның бақыты үшін,

Жайнай бер, Ұлы Отаным –Қазақ елім.

-Рахмет, Отанымызды,Туған жерімізді әдемі өлең жолдарымен айтып бердіңдер.

Енді,тудың суретін салайық, жұмыс орнымызға өтейік:.

Балалардың өз беттерімен жұмыстары.

Қорытынды:Балалар бүгінгі оқу іс-әрекетінде не туралы айттық?

Еліміздің несі бар?

-Елордамыз қай қала?

-Біз қалай саяхатқа бардық?

-Астанада қандай ғимараттар бар?

-Көшелері қандай екен?

-Ең биік монумент қалай аталады?

-Ненің суретін бейнеледік?

-Қандай тақпақтар тыңдады.?

-«Туған еліміз, рәміздеріміз,Астана қаласы туралы)

Оқу іс-әрекетімізді «Туған үлкен Қазақстанда» әнімен аяқтайық.