Тақырыбы: «Шырылдауық шегіртке»

Білім беру саласы : «Коммуникация»

Ұйымдастырылған оқу қызметі: Драма

Тақырыбы: «Шырылдауық шегіртке»

Мақсаты: Көлеңке театры арқылы таныс сюжеттер бойынша ертегілерді драмалау. Балалардың сөздік қорын арттыру, ертегі мазмұнын түсініп, баяндап беруге үйрету, шығармашылық қабілетін ояту.

Көрнекілік құралдармен матиериалдар: Шегіртке, құмырсқа ертегі желісі бойынша суреттері, ноутбук, көлеңке театры.

Әдіс тәсілі: Түсіндіру, әңгімелеу, сұрақ – жауап, ойын, сергіту сәті, және т.б.

Қос тілдік: Шегіртке – соранча, құмырсқа - муравей

Әрекет кезеңдері	Тәрбиешінің оқу қызметі	Балалардың қызметі
Мотивациялық қозғаушы күш Ұйымдастырушы, ізденуші. Рефлексивті түзетуші	Шаттық шенбері. Жылы, жылы жүзбенен, Маңдайымнан сипайын. Жылы, жылы жүзбенен, Жүрегімді сыйлайын. Ысытқ алақанмен Қолынды бер қысайын. Амандасып өзінмен, Құшақтасып алайын. Амандасып алайық, Қонақтармен ізетпен Балалар көңіл – күйлерің қандай? Қандай өзгерістер байқадындар? Жыл мезгілін сұрау? Кім көктемге байланысты тақпақ біледі? Көктем болды алақай, Қуанды балақай, Көктемде жаңбыр болады, Бақшаға гүлдер толады. Жерді жапты көк кілем, Ондай кілем жоқ білем. Көктем келді күлімдеп, «Мәне саған гүлім» деп. Көктем келді шуақты, Балаларды қуантты. Алақай – ау, алақай, Көктем қандай көңілді. - Балалар сендер ертегіні ұнатасындарма? Дид-қ ойын. «Бұл қай ертегі?» Мақсаты: Балалардың ой қияларын дамыту. Ноутбуктен Мақтақыз, Шалқан, Бауырсақ ертегілерін көрсету. Ендеше мен сендерге орыс жазушысы Крыловтың «Шырылдауық шегіртке» мысалын айтып берейін. Ертегі желісін көлеңкелі театр арқылы көрсетіп баяндау. Ерте, ерте, ертеде Шегіртке мен құмырсқа тіршілік етіпті. Құмырсқа ала жаздай еңбек етіп қысқа азық жинапты, илеуін жөндеп қысқа дайындалыпты. Ал шегіртке болса гүлден – гүлге, секіріп, бір күнгі тамағын тауып, күліп ойнап, қыдырып жазды өткізді. Жаз соңынан күз келіп күн суытып артынан қыс келді, жер бетін қар басып, азық табу қиынға соғыпты. Қарыны ашып, абден тоңған шегіртке құмырсқаға келді.Одан көмек сұрады. Шегіртке: - Мен қатты тондым, қарным аш, мені үйіне кіргізіп, тамақ бер, жылыт депті. Құмырсқа: - Сен жаз бойы не істедің, қысқа азығынды жинамай, үйінді сайламай. Шегіртке : - Қолым тимеді. Құмырсқа: Гүлден – гүлге секіріп өлең айтып, би – билеп, қыдырдың,жазда кез – келген жапырақты паналап, жүріп қыстың қамын ойламадың. Енді қыста өлең айтып, билеп жүре бер, - деп есігін тарс жауып алды. Ал, жаздай еңбек етпей жалқауланған шегіртке қыста не үйі жоқ, не ішерге асы жоқ, паналатар досы жоқ, далада қалды. Балалар ертегі ұнадыма? Ертегіде не туралы айтылған? Шегіртке неге далада қалды? Еңбектің қандай пайдасы бар? Еңбек туралы кім мақал айтады? Еңбек етсен ерінбей, Тояды қарының тіленбей. Еңбек, бәрін жеңбек. Тақпақ айтқызу О, құмырсқа, құмырсқа Шебер асқан жұмысқа, Азық жинап қуысқа Қол жаймайсын туысқа. Шырылдауық шегіртке Ыршып жүріп ән салған Көкалды қуып гуләйттап Қызықпен жүріп жазды алған Сергіту сәті Ұзын мұртты құмырсқа Келе жатыр жұмысқа Допты алып қолына Қойды оны жолына. О, құмырсқа, құмырсқа Оң жағына қарады. Сол жағына қарады, Тау екен деп ойлады. О, құмырсқа, құмырсқа Шебер асқан жұмысқа Азық жинап қуысқа Қол жаймайсын туысқа Балалар осы ертегіні рөлге бөліп ойнап көрейікші. Керемет, балалар сендер ертегі кейіпкерлерін жақсы ойнап шықтындар. Қимылды ойын: «Кім жылдам ?» Мақсаты: Жылдамдыққа, ептілікке баулу. Балалар бүгін сендер оқу қызметіне өте жақсы қатыстындар, ойынды да жақсы ойнадындар, мен сендерге смайлик таратамын	Шеңберге тұрып, бір біріне жылы лебіздер айтады. Жақсы. Қонақ апайлар. Көктем. Айару Інжу Ардақ Ия. Ертегіні қызығушылықпен тындап отырып, қай ертегі екендігін айтып отырды. Ия. Шегіртке мен құмырсқа туралы. Еңбек етпегені үшін. Еңбек етсе қарынымыз тоқ, үйіміз жылы болады. Ақжарқын Алинұр Аян Қарақат Сергіту сәтін қимыл қозғалыспен, әуен ырғағымен жасады. Ертегі кейіпкерлерін қызығушылықпен ойнап шықты. Балалар ойынға белсене араласты.

Күтілетін нәтиже

1. Қайталайды. Ертегі желісінің мазмұнын қайталайды.

2. Түсінеді. Кейіпкерлердің іс –әрекетін түсінеді.

3. Қолданады . Кейіпкерлердің аттарын, атқарған жұмысын қолданады

Тақырыбы: Наурыз - береке, Наурыз – Мереке!

Мақсаты: Наурыз тойы туралы түсінік бере отырып, ұлтымыздың салт – дәтүрін бойларына сіңіру, салт –дәстүрімізбен ұлттық мәдениетке қызығушылық арттыру, салт – дәстүрін құрметтеуге тәрбиелеу.

Жүргізуші: Наурыз мейрам жүректерге нұр сепкен,

Маңдайыңнан сүйіп жатыр күн көктем,

Жарығымен, шуағымен Күн – Ана.

Алып келдің жер бетіне гүл көктем,

Осыншама жаңалық, алып келген Наурызым

Төрлет бізге нұр болып шуақ шашып ақ жүзің.

Ән: « Наурыз – біздің жаңа жыл».

Орындайтындар: «Көжек» тобының бүлдіршіндері Кәусар, Нұрқасым, Сырым.

Жүргізуші: Келіңдер, Наурыз тойын қарсы алайық,

Билейік, жыр жырлайық, ән салайық,

Қаһарлы қыстан өтіп Наурыз келіп,

Арқаңды кеңге салшы, уа халайық.

Ән: «Наурыз» әнін «Балапан» тоыбының бүлдіршіндерінің орындауында қарсы алыңыздар. Аян, Сағыныш, Інжу.

Жүргізуші: Наурыз тойы – береке

Наурыз тойы- жыр аңыз

Наурыз шаттық әніміз

Салтанатты сәніміз

Ән салайық бәріміз

Би билейік бәріміз.

Ортада «Домбыра» биімен бір топ бишілердің биін тамашалайық.

Жургізуші: Наурыз тойы, елдің тойы

Көктем тойы төлдің тойы

Ән айтатын күн бойы

Наурыз тойы тамаша.

Бүлдіршіндердің тақпақтарына кезек берейік.

Әлинұр:

Ата – бабам тойлаған

Наурызым армысың

Қызығына тоймаған

Дархан дала қарлы шың

Ардақ:

Наурыз тойын әдемі

Әжем еске түсірді

Біздерге арнап әдейі

Наурыз көже пісірді.

Айару:

Алақай – ау, алақай

Наурыз келді балақай

Ән айтайық, билейік

Гүл терейік балақай

Жүргізуші: Наурыз тойын қуанып

Жылда қарсы алайық

Жарқырап тұр күніміз

Жайқалсын жас күніміз

Бақта бұл – бұл сайрасын

Наурыз тойы тойлансын

Ән: «Көктем келді»

Орындайтындар «Балапан» тобының бүлдіршіндері: Қарақат, Інжу, Ақерке.

Жүргізуші:

Сыйлай білсең ата – баба мұрасын

Қазақтардан табылады жыр асыл

Бата берсін көпті көрген қария

Әр қазақтың той бастары болғасын

Қыдыр ата келеді: Армысыңдар жамағат.

Наурыз мерекелерің құтты болсын!

Жырдан шашу шашыңдар

Тойдың сәнін ашыңдар

Жүргізуші: Ал халайық, тұрмаңдар

Әндетіп жырлайық

Ортамызды ашайық

Биді қарсы алайық.

«Ботақан» тобының кішкентай биші қыздарының орындауына «Қамажай» биін тамашалайық.

Жүргізуші: Наурыз келді жадыраған, жайнаған

Салтанатты сауық – сайран айналам

Наурыз тойда, қырмен ойда

Қала, дала қызық думан қайнаған деп келесі кезекті салт- дәстүрге береміз.

«Көрініс» «Бесікке салу» дәстүрін тамашалаңыздар.

Жүргізуші: Шалқытып мерекеде ән салайық

Өнерпаз балғындарға тамсанайық

Өнердің аспанында асқақтасын

Күміс көмей, әнші қыздарымызды қарсы алайық.

Ән: «Наурыз келді, алақай» орындайтындар Раяна, Ділдә, Айзере.

Жүргізуші: Хош келдің, Наурызым, ардақты

Халқым саған бар үмітін арнапты

Жылда осылай келе берсін жаңарып

Гүлге бөлеп, нұрға бөлеп аймақты.

Дей келе келесі кезекте «Көжек» тобының бір топ шабандоздарына берейік.

Би: «Шабандоздар»

Жүргізуші: Батаменен ел көгерер

Жаңбырменен жер көгерер.

Дей келе Қыдыр ата бата берсін.

Ал тыңдаңдар батамды

Ардақтаңдар атаны

Анаңның сүтін ақтаңдар

Араларыңды сақтаңдар

Тыныш болсын даламыз

Батыр болсын баламыз

Уайым қайғы жоқ болсын.

Әумин!

Жүргізуші: Құтты болсын әр күнің

Сыйла бақыт баршаға

Сәбидің әсем шат үнін деп бүлдіршіндердің тақпағына кезек берейік.

Аян: Күн мен түн теңеледі

Жер шуаққа кенеледі

Соны тойлап ел енді

Қуанышқа кенелді

Інжу: Көктем келді, Наурыз келді

Жер көгерді, ел көгерді

Дастарханын жайып дархан

Жақсылықпен бақыт ашқан,

Есентемір: Тақпақ айтам жыл басы

Құлағың сап тындашы

Аққа аузым толатын

Тыныш өмір сыйлашы.

Жүргізуші: Берекең осылайша ортаймасын

Шаңырақ биік тіккен шалқаймасын

Босағама Наурыз құт боп кіріп

Елімнің ырысты ет кәрі – жасын.

Міне мерекеміз де аяқталып калды.

Ұлысытың ұлы күнінде баршаңызға зор денсаулық, ашық аспан, бақытты өмір, тілеймін. Мерекелеріңіз құт береке әкелсін!

Еліміз тыныш болсын!

Ұлыс оң болсын,

Ақ мол болсын!