"Денсаулық- мол байлық"

Сарқан ауданы, Екіаша ауылы, "Балдәурен" балалар бақшасының  тәрбиешісі:Болысбаева. Л

Толағай отбасылық сайыс.

Тақырыбы:" Денсаулық- мол  байлық"

Мақсаты: 1. Балалар мен ата-аналарға спорттық ойындарды орындата отырып,спортқа деген қызығушылықтарын арттыру.

2.Ата-анамен тәрбиеші арасындағы қарым-қатынасты нығайту өз денсаулығына жауапкерлікпен қарау сезімдерін дамыту.

3.Шапшандыққа, жылдамдыққа, төзімдікке, салауатты өмір салтына тәрбиелеу.

Түрі: Отбасылық сайыс

Білім беру саласы: "Денсаулық"

Қолданылған құралдар: Кедергілер,доп, картоп, арқан, картон қағаз.

Барысы:

Жүргізуші:

Ғарышкерлер күні мерекесімен шын жүректен құттықтай отырып, мереке қарсаңында ұйымдастырылып отырған "Денсаулық-мол байлық" атты  "толағай"  сайысына хош келдіңіздер!

-(Толағайда ән ойнап тұрады)

Уа,халқым назар аудар денсаулыққа!

Өмірде  бақыттысың денің сау да.

Денсаулық терең бақыт деген сөзді

Құр айтпаған ұлы Абай данамыз да!

Ел басымыз Н.Ә. Назарбаев  "Қазақстан-2030" стратегиялық  жолдауында біздің болашақ балаларымыз арыстандай айбаттылығымен, жлбарыстай тектілігімен ел тізгінін ұстайды деп болашақ жастарға  үлкен сенім артады. Салауатты өмір  сүру өз қолымызда. Осы мақсатта біз бүгін "Толағай" отбасылық спорттық сайысты ұйымдастырып  отырмыз. Сайысымызға 3 топ:" Балдәурен" тобы "Балдырған" тобы, "Балауса" тобы, қатысқалы отыр.

Жарысқа қатысатындарды шақырамыз

Әр таңды бақытпенен атырамыз

Өнерді ой көгінде бақылаңыз,

Сайысқа қатысуға енді ортаға

Үлгілі де өнегелі,жылдам да шапшаң

Топтарымызды шақырамыз.

(Музыка ойнап тұрады, сайысқа қатысушы командыларды шақырамыз) 1."Балдәурен" тобы 2."Балдырған" тобы 3. "Балауса " тобы.

Сайыс 8 кезеңнен тұрады.

Әдәл қазылармен таныс болыңыздар:

1. Балабақша меңгерушісі: С.Исаханова

2. Ата-ана:

3.Ата-ана:

Әр сайыс кезеңі "5","4", "3", ұпайлармен бағаланады.

Сайысқа қатысушыларымызға сәттілік тілей отырып, сайысымызды салтанатты түрде Қ.Р мемлекеттік әнұранымен бастаймыз (әнұранды орындау)

1.Үй тапсырмасы.

Шарты:  топтың аты,ұраны, мүшелерін таныстыру 3 -5 минут, өздері таңдаған музыкаға таңертенгілік жаттығуды көрсету;

2.тур. Кім жүйрік?

Шарты:Ойыншықтардың бір-бір сыңар аяқкиімдерін арластырып қою, аласа ордық үстімен еңбектеп барып аяқкиімін киіп кері қайта жүгіріп келу.

Әділ -қазы алқасы сіздердің бағаларыңыз!

3 тур. "мергендер" сайысы

Шарты: Кедергілерден доппен өтіп барып, "Шарды жару".

Әділ -қазы алқасы сіздердің бағаларыңыз!

4 тур."Кім епті"?

Кедергілерден жүріп, допты табаққа салып түсірмей әкелу керек.

Шынықсаң шымыр боласың.

Сауығып айдай толасың.

Спортты серік ете біл.

Жақсы азамат боласың.

5 тур. "Картоп егіп кел де, жинап ал"

Шарты: Ойыншылардың алдында 10 кішкене  шеңбер және топ башысының қолында дорбада  10 картоп болады. Белгі бойынша топбасшылар картопты шеңберге отырғызады да шапшаң  жүгіріп барып дорбаны 2-ойыншыға береді. Ол картопты жинайды, 3-ойыншы егеді,4-ойыншы жинайды. Ойын осылай  жалғасады. Топ басшы дорбаны  соңғы ойыншыдан  алып, әділғазыларға  береді де, ойын аяқталады.

6 тур.  "Көпірлерден өту" "Миға шабуыл"

Шарты: әр топқа екі картон қағазды беріп, сонымен жүріп өтіп, берілген тапсырманы орындау,яғни мақал-мәтелді жалғастыру.

7 тур.  ұлтық ойын "Арқан тартыс" ойынымызды жалғастырамыз. Бұнда алдымен екі топ,сосын женген топтар  бір-бірімен  жарысады.

Әділ-қазылар алқасы,бағаларыңыз!

8 тур. "капитандар сайысы "

( топ басшыларын шақырып  алып отырып - тұрып,тез -тез таблица  айтқызу)

"Балауса тобы " қыздарының  орындауында  "Анашым " әнін қабыл алыңыздар

Жарыс заңы ежелден -

Жеңімпазды  анықтау

Жеңімпаз  болу шарты сол -

Еңбектену,жалықпау

Біреу озса сайыста,

Біреу артта қалады

Жеңілгендер ренжімей

Тараса бізге жарады

Әділ -қазы алқасы  сіздерге сөз беріледі!

Біз қазақпыз,

Ел үшін атқа мінген.

Жанып жатқан  лапылдап отқа кірген,

Бой тұмарғып  ар-ождан  қазынасын,

Отбасылар ел қамын  сақтап жүрген - дей келе бүгінгі алтын уақыттарыңызды  қиып,"Толағай " отбасылық  сайысқам қатысқандарыңыз  үшін әрбір отбасыға ,алғысымызды білдіреміз !Жақсылықта,амандықта  жүздескенше  сау саламатта болыңыздар !