Ана тілі.
Тәрбиеші: Құрметті қонақтар, құрметті балалар! Мерекемізге қош келдіңіздер.
Туған тілде сыры терең жаным бар,
Туған тілде әнім менен сәнім бар.
Туған тілім тіл болудан қалса егер,
Жүрегімді суырып – ақ алдыңдар.- дей отырып бүгінгі ертеңгілік кешіміздің тақырыбы «Ана тілі» - деп аталады.
Ертеңгілігімізді Мемлекеттік Әнұранмен бастайық. Оң қолды жүрекке қойып орындаймыз.
Балалар мен сендердің білімдеріңді сынағым келіп тұр:Мен сұрақ қоямын сендер жауап беріңдер.
-Біздің ұлтымыз қалай аталады?
Қазақ деп аталады.
-Біз қай тілде сөйлесеміз?
-Қазақ тілінде сөйлесеміз.
-Ендеше балалар бүгін қандай мереке?
- «Тіл» мерекесі.
-Дұрыс айтасыңдар, бүгін «Тіл» мерекесі.
-Жарайсыңдар балалар,
Жүргізуші:Балалар Ана тіліне деген сезімдеріңді білдіріп дайындаған тақпақтарын тамашалайық.Ортаға тақпақтарымен
К.Айзере: Жаса мәнгі ана тілім, жан тілім,
Жаса мәңгі дана тілім, жарқыным.
Айнара: Ана тілің-арың бұл.
Ұятың боп тұр бетке!
Алдайыр:
Өзге тілдің бәрін біл
Өз тіліңді құрметте!
Кәрімжан: Асқар тауым – Қазақстан,
Әсем әнім – Астанам.
Зариф: Ана тілін сүймеген,
Халқын сүйіп жарытпас!
Айсауле: Туған тілім-баба тілім-өз тілім!
Туған тілім-анам тілі-өз тілім!
Раяна: Ана тілін білмеген,
Ақылы жоқ желікбас.
Жүргізуші : Қонаққа келген Үш ұлттың өкілдері өздерімен бірге ұлттық тағамдарын ала келіпті. Тағамдармен таныстырып өтейін: Мына тағамды Өзбек халқы ала келіпті
Орыс халқының тағамымен таныстыру
Қазақ халқыныңтағамымен таныстыру
Жүргізуші :
Келесі тамашалап тыңдайтындарыңыз балалардың орындауында «Жаса мәңгі- Қазақстан» әнін қабыл алыңыздар.
(Әжесі немересін ертіп келеді)
Әжесі: Жүр деймін саған, жүр,жүр,жүр деймін.
Немересі:Нехочу, әжека, нехочу не пойду я туда.
Әжесі:Нехочу нет ! Жүр енді сені балабақша балаларына апарайын, қазақ тілін үйрен.Қалада жүріп өзің әбден орысшаны үйреніп, қазақшаны ұмытайын депті.
Жүргізуші: Сәлеметсіз бе әже,Не болды? Немереңізге неге бақырып келесіз?
Әжесі:Амансыңдарма шырақтарым? Мынау менің немерем қаладан келгенЖарты сөзі қазақша, жарты сөзі орызша сөйлейді.Осы немеремді жөнге салып, қазақша үйретсеңдер деген едім.
Жүргізуші:Жақсы әже, келіңіздер, бізде де бүгін дәл осы мәселедегідей тілдер мерекесін тойланып отыр.Мерекеміздің қонағы болып, біздің балаларымыздың қазақ тіліндегі тақпақтарымен әндерін тамашалаңыздар.
Жүргізуші:Балалардың дайындаған тақпақтарына берейік. Ортаға тақпақтарымен
М.Айзере: Сүйемін туған тілді- анам тілді,
Бесікте жатқанда-ақ берген білім.
Богдан: Қазақстан – Отаным деп,
Әрқашан да мақтанам.
Айдар: Қазақстан жері – сәніміз,
Мәуесі мол бағымыз.
Айлана : Ана тілін білмеген,
Өмірден құр қалады.
Алмат: Ана тілім- жүрегісің анамның,
Жүрек-ана, мен өзіңнен жаралдым.
Жанназар
Өссе тілім, мен де бірге өсемін
Өшсе тілім, мен де бірге өшемін
Жүргізуші:Әже өзге ұлттың өкілдерінен өзбек халқы келіп, мерекемізге өзбек биін ала келіпті.Олай болса қыздардың орындауында « Өзбек »биін тамашалаңыздар.
Жүргізуші:
Тағы тамашалайтын тақпақтарымыз бар. Соны тыңдайық Тақпақтарымен ортаға:
Рамазан: Ана тілім- бал тілім,
Өзің барда шалқыдым.
Даулет: Өз тілімде ән шырқап,
Теркеметіп балқыдым.
Рома: Тіліме кім тағар мін,
Осы барда ерке санаймын.
Арнур: Туған тілім- тірлігімнің айғағы
Тілім барда айтылар сыр ойдағы.
Айда Саясында жетілер.
Балдай бала шағымыз.
Валерия: Осы тілде сөйлеген,
Бабам менің атам да.
Мансур: Осы тілді дарыған,
Әлдейі де анамның.
Ахмет: Жеті жұрттың тілін біл,
Жеті түрлі ілім біл
Жүргізуші: Көп ұлттардың ішінен қонаққа орыс ұлты да келіп, өздерінің билерін ала келіпті. Ендеше ұлдардың орындауында Орыс ұлтының биін тамашалайық.
Жүргізуші: Әже, көрдіңіз бе? біздің балалар мерекеге арнап тақпақтар жаттаған екен, Енді біздің балалардың «Отан ана»әнін қабыл алыңыздар.. Сіздің немереңіз де біздің балаларға қосылып әнді орындауына болады.
Немересі:Ой, әжека өте интересна екен, мен можна мында қалайыншы. Менің де қазақшаны біраз үйренгім келеді.
Әжесі:Балам-ау мен сені мында қуана қалдырамын, сенің қазақ тілінде үйренгенің мен үшін де үлкен мәртебе емес пе?Мен онда үйге барайын.
Жүргізуші:Жақсы балалар осымен бізде ертеңгілігіміз аяқталды Келген қонақтармен қоштасайық.
