Тәуелсіздік тұғырым

Тақырыбы: Тәуелсіз Қазақстан

Мақсаты:Ертеңгі ел болашағы болып табылатын жас бүлдіршін балғындарға өз елі, Отаны, рәміздері, тарихы туралы түсінік бере отырып, оларды отан сүйгіштікке патриоттық сезімге тәрбиелеу, ой-өрісін дамыту, сөздік қорын молайту. Болашақ ұрпақты Отан сүйгіштікке баулып, туған жерін, елін сүюге, табиғат әсемдігінтанып оны қорғай білуге тәрбиелеу.

(Музыкамен балалар шығады, қолдарында жалаушалар)

Жүргізуші: Сәлеметсіздерме құрметті ұстаздар, ата-аналар, қонақтар.

Ұшырмай көкіректен жыр кептерден,

Өлеңсіз аша алам ба сыр беттері

Армысын жиылған топ үлкен, кіші,

Армысың айналайын халқым менің.

Қазақстан Республикасының Әнұраны орындалады.

Көрініс: Бөлме іші төсек, стол, домбыра, тері, шашбаулар макетімен безендірілген.

Күй әуенімен қолында ұршығы бар әже келіп отырады.

Күй орындалады.

Қолында қамшысы бар бала асық ойнап жүреді. Ол әжесіне жүгіріп келіп, мойнына асылып, еркелейді.

Бала: Әже, не істеп отырсыз?

Әже: Ой, құлыным, мен ұршық иіріп отырмын. Кел, отыр ойыннан шаршаған боларсын.

Бала: Әже, біз балабақшада Тәуелсіздік мерекесіне дайындалып жатырмыз. Ән ұран орындадық.

-Әже” Тәуелсіздік” деген не?

Әже :Е......құлыным-ау, “Тәуелсіздік” деген бұл үлкен әнгіме. Осы күнге жету үшін қазақ халқы талай қиыншылықты бастан кешірді. Қайсар батыр аға-апаларымыздың арқасында егеменді ел болдық. Тәуелсіздік алғанымызға 26 жыл болды. Өзіміздің Туымыз, Әнұранымыз, Елтаңбамыз бар. Аллаға шүкір.

Бала: Әже, мен ұйықтап алайыншы, шаршадым.

Әже: Ұйықтай ғой құлыным.

(музыка әуенімен бала ұйықтайды, әже орнынан тұрып кетеді)

(музыка әуенімен қолына шырақ ұстаған Алтын адам кіреді, баламен кездесіп, амандасады)

Бала: Ата, сіз кім боласыз?

Алтын адам:

Мен сендердін бабаларын болам......

Аман қалған шабуылдан жүздеген

Батыр халық екенбіз ғой біздеген

Аямаған жұрттан нанын тұзбенен

Жомарт халық екенбіз ғой біз деген

-Ей , балақай қазақ халқының болашағы сендерсіндер. “Қазақ” деп соққан жүректерің осы алаудай мәңгі өшпесін. (әуенмен шығып кетеді, бала ұйқысынан оянады)

Бала: Әже, әже қайдасын?

Әже:Оу, құлыным, не болып қалды?

Бала: Мен түс көрдім.

Әже: Айналайын қандай түс көрдің?

Бала: Мен түсімде Алтын адамды көрдім. Ол маған жанып тұрған шырақ берді.

Әже: Оу, құлыным жақсы түс көрген екенсің. “Шырақ” деген-бұл біздің еліміздің биіктен көрінуі. Әне-әне жарқырап күнде шықты, Тәуелсіздіктің таңы атып келеді, Туымызда биікте желбіреп тұр.

Жүргізуші: Балалар, біздің Республикамыз Қазақстан деп аталады. Біздің-тәуелсіз мемлекет. Яғни, біздің еліміз тәуелсіз болғандықтан өз мемлекеттік Әнұраны, Елтаңбасы және өзінің мемлекеттік Туы бар.

-Балалар, тудан ненің бейнесін көріп тұрсындар?

-Күн, құс пен оюдың.

-Ия, өте жақсы, дұрыс айтасындар.

-Ал, енді, балалар МемлекеттікТуымыздың түсі қандай?

-Туымыздын түсі көк, аспанға ұқсайды.

-Я, балалар, біздің Мемлекеттік Туымыз аспан түстес көк екен.

Біздің ұлттық тіліміз- Қазақ тілі.

Республикамыздың президенті Н.Ә. Назарбаев.

-Балалар, мынау біздің еліміз Қазақстан Республикамыздың Мемлекеттік Туы көгілдір түсті. Тудың ортасында күннің 32 шұғыласы, оның астында қалықтаған қыран бейнеленген. Сабында бекілілген тұста ұлттық оюлар өрнектелген.

Жүргізуші: Қандай бақыт, қуанышты күн бүгін

Дәлелдеуге Қазақстан елдігін

Арман еткен, қыршын кеткен ағалар

Елің алды егемеңді теңдігін-дей отырып,

Балаларымыздыдың өнерің тамашаланыздар!!!

1-бала

Желбіре туым желбіре

Әлемге жетсің шуағың

Өзінді ұстап қолыма

Қасқайып төрде тұрамын.

2-бала

Елінде күн нұрын төккен

Жерінде гүл жұпар сепкен

Неткен сұлу, неткен көркем

Осы менің туған өлкем

3-бала

Мен Қазақ қазақпын деп мақтанамын

Ұранға Алаш деген атты аламын

Сүйгенім қазақ өмірі, өзім қазақ

Мен неге қазақтықтан сақтанамын.

4-бала

Отанды әркім анасындай

Қастерлейді бағалап,

Өйткені отан баласындай

Бізді өсірер аялап

5-бала

Өзіндікі туын да,

От пен ауа суын да.

Жаса Қазақстаным

Белді бекем буын да

6-бала

Отанды біз атамекен

Деп аялап айтамыз,

Өйткені оны мекен еткен ,

Бабамыз бен атамыз.

Отан-тарих, отан-тіл,

Жазған елің, ер халқын.

Отан-өлен, отан жыр,

Көтерген көкке ел данқын

.7-бала

Отан деген- Атамекен,

Отан деген-туған жер.

Отан ана ,Отан үлкен,

Қазақстан туған жер.

Кең байтақ жерім бар.

Асқар тау белім бар.

Көк туын көтерген.

Тәуелсіз елім бар.

Жүргізуші:

Құсайын Асиманын орындауында “Қасиетті домбыра ” әні.

-Балалар, біз осы тәелсіздікке оңайлықпен қол жеткізген жоқпыз. Оның бір көрінісі желтоқсан оқиғасы. Желтоқсан оқиғасында ерен ерлігімен көзге түскендер өте көп, солардың бірі-Қайрат Рысқұлов.

Ерлігіне қуанам да сүйінем

Қайрат аға рухына мен иілем

Бәйшешектің солғанына ах ұрсам

Әділ жанның қазасына күйінем.

Би: “Туған жер”

Жүргізуші: Міне, құрметті қонақтар, балалар!

Мындаған жылдық тарихы бар Қазақстан өз тәуелсіздігін алып, бүгінде әлемге танылды. Қазақстан Республикасы кәзіргі кезде бай да бақытты, болашағы зор тәуелсіз, егеменді ел. Олай болса, осындай Мемлекетте тұратын біз бақыттымыз. Елімізде әрдайым тыныштық болып, аспанымыз ашық, деніміз сау болсын! Қазақстанымыз көркейіп, жайнай берсін!

Осымен “ Жұлдыз” шағын орталығынын тәуелсіздік мерекесіне арналған ертенгілігі аяқталды.