Тәуелсіз елдің ұланы

16 желтоқсан – Тәуелсіздік күніне арналған 
«Тәуелсіз елдің - ұланы» ертеңгілік сценариі

Мақсаты : 
1. Білімділігі:Ұлттық сана сезімін, саяси сауаттылығын ояту. Тәуелсіздік күні туралы терең мағлұмат беру.
3. Дамытушылығы: балалардың өткен тарихқа деген қызығушылығын дамыту.

2. Тәрбиелігі: Балаларға патриоттық тәрбие беру, Отанды сүюге және ерлікке, достыққа, ұйымшылдыққа тәрбиелеу

Алтынай Жорабаеваның орындауында «Қазақ елі» әні қосылып, балалар музыкалық залға кіреді.

Жүрг:- Атыңнан айналайын егемен ел,

Тәуелсіз күнің бүгін кенеле бер.

Мерейің 27-жылдық құтты болсын

Ғасырдың тойы болшы келе берер.

Құрметті қонақтар,балалар бүгін біз Қазақстан республикасының 27 жылдық мерей тойына арналған «Тәуелсіз елдің – ұланы атты» ертеңгілігімізге қош келдіңіздер. Мереке құтты болсын!!!

ӘНҰРАН орындалады.

Балалар 3 тілде тақпақтар айтады. ӘН: «Отан - Ана » - орындыққа отырады.

1 Бала:Әлемде тек бейбітшілік өмір болсын,

Ортамыз құшақ – құшақ гүлге толсын.

Тәп – тәтті бала тілі бал болып,

Түн ұйқысы тыныштығы мол болсын!

2 Бала:Бала,бала балдаймыз,

Балдай тәтті баламыз,

Бала болып ән салып,

Би де билей аламыз!

Қазақ биі.

Жүрг:- Балалар, мерекемізге келген қонақтарға өз білімімізді көрсетейік.

-Біз қай Республикада тұрамыз?-Қазақстан Республикасында (тақпақ)

Экраннан тудың суреті көрсетіледі.

Жүрг:-Мынау не балалар?

-Ту

1бала:

Көк аспандай көкпеңбек

Қазақстан жалауы.

Көк емес ол тектен – тек,

Елдің ашық қабағы.

Ақ ниетті – алтын күн

Асқақ арман қыраны.

Жалауы бұл халқымның

Мәртебесі, мақтаны.(Е.Қалиұлы)

Жүрг:-Ал, мынау не?

-Елтаңба.

2 бала:

Нұр шашақан – күн шаңырақ,

Жұлдыз – Темірқазықтай.

Қанаты қос арғымақ-

Бастан кешкен тарихтай.

Көмкерілген өрнекпен,

«Қазақстан» тұр аты,

Көп күреспен қол жеткен,

Елтаңбам – ел мұраты!(Оразақын Асқар)

Жүрг:-Тағы,кім айтады,қандай рәміз қалды?

-Әнұран.

3бала:

Жұртымның мұң,мұратын

Құлқыма құйып тұратын

Сіңірген тұла бойыма,

Тәңірлік күштің қуаты.

Жан дауысы қалқымның,

Шабыттана шырқалар.

Киелі сөз,сазды әуен

Шырқағанда ,нұр тамар

Беріле тыңдап,егіле

Жанып тұрар мың жанар.

Жүрг:-ҚР елбасы кім?

4 бала:-Нұрсұлтан Әбішұлы Назарбаев.

Жүрг:-Жақсы балалар.

Үнтаспадан домбра әуені орындалып, Алдар көсе кіреді.

Алдар көсе :-Сәлеметсіңдерме, достарым! Мереке құтты болсын,той тойға ұлассын.

Жүрг:-Сәлеметсіңбе,Алдар көсе. Қайдан келе жатырсың? Әңгімеңді айт.

Алдар көсе :-Ау,халайық, көргенімді айтайынба,естігенімді айтайынба?

Жүрг:-Естігенің өтірік болар,көргеніңді айт.

Алдар :-Жаңа осылай қарай келе жатсам, балықтар су жағасында күнге қыздырынып жатыр. –Неге жатырсыңдар десем, -Тынық мұхиттан келдік. Қазақстанның өзен,көлдері де жақсы екен,демалып жатырмыз дейді.

Жүрг:-Ой,Алдар, сенің өтірігіңе су жұқпайды ғой.

Алдар :-Мына қызықты қараңыз. Келе жатсам «Көмектесіңдер» деген дауыс шығады. Не болып қалды деп жотаға жүгіріп шықсам,үш қоян бір қасқырды соққылап жатыр. Көмек сұраған қасқыр екен. –Әй, тиіспеңдер – десем,қояндар:-Қасқыр біздің сәбізімізді тартып алды.-дейді.

Жүрг күліп:-Әй, Алдар,сен біздің бір күлдірдің. Енді мына балалардың да көңілін көтер.

Алдар :-Жаксы келіңдер балалар, «Тақия тастамақ» ойынын ойнайық.

Ойын «Тақия тастамақ»

Мақсаты: Балаларды ептілікке, шапшаңдыққатәрбиелеу. Қуанышты көңіл-күй сылау.

Алдар жерге жата қалып тың тыңдайды: -Аттың дүбірі естіледі,дауде болса бай келе жатыр. Аттың жүрірі байдың шабандозының жүрісіне ұқсайд.

Әуен қосылып,бай кіреді. Алдармен бай төс қағысып амандасады.

Жүрг:-Байеке,қош келдіңіз,төрлетіңіз. Мерекеміздің қонағы болыңыз. Қараңызшы балалар,қандай өнерлі.

3 бала тақпақ айтады

Алдар:-Байқап тұрмын мерекеге біздің батырлар да келіпті. Олардың өнерін тамашалайық.

БИ: «Батырлар»

Алдар:-Жарайсыңдар,балалар. (бай ортаға шығады, оны алдар шыр көбелек айналып,таңғалып басын шайқайды)Байеке,шапаның қандай әдемі,жылы шығар,ә?

Алдар балаларға қарап:-Мен қазір байды алдаймын.

Бай:-Ия,менің шапаным әдемі әрі жылы.

Алдар:-Ой,байеке,менің шапаным сіздікіненде жылы.

Бай:-Әй,Алдар,жыртық шапан жылы болушыма еді. Сен де айтасың.....

Алдар:-Ой,байеке,мына жыртықтан кірген жыл мына жыртықтан шығып кетеді. Сондықтан мен мүлдем тоңбаймын. Күн суық,аяз. Келіңіз оданда екеуміз шапанымызды айырбастайық. Унемы жылы жүресіз.

Бай ойланып:-Әй,Алдар, сен мені тағы алдап тұрған жоқсыңба?

Алдар:-Жооқ,байеке,сізді алдап нем бар.

Бай:-Кел,онда айырбастасақ айырбастайық.

Бай мен Алдар шапандарын айырбастайды. Бай шапанын киып жатады.

Алдар:-Ал,балалар, мен алданғанын білмей тұрғанда мен тезірек кетіп қалайын.

Бай:-Ой,ой мына шапан менікіненде суық қой. Әй,Алдар,қайдасың. (жан-жағына қарайды) Қап,әттенген-ай,мына Алдар мені тағы алдап кетті ғой. Қой алысқа кетып қалмай тұрғанда қуып жетейін. Алдар,тоқта,Алдар.(бай алдарды қуып залдан шығып кетеді)

Жүрг:-Байқайдыңдарма,балалар, Алдар тағыда байды алдап кетті. Ал,біз мерекемізді әдемі әнмен жалғастырайық.

ӘН: «Тәуелсіз ел ұланы»

Жүрг:- Аймалаған күн нұры,

Лайланбасын тұнығы

Берік болсын мәңгілік,

Тәуелсіздік тұғыры. Ал құрметті қонақтар,ата – аналар сіздерді мерекелеріңізбен құттықтаймын.осымен ертеңгілігіміз аяқталды. Сау болыңыздар.

Өскемен қаласы әкімдігінің «№ 100 балабақша - бөбекжайы» КМҚК

КГКП «Детский сад ясли №100» акимата города Усть Каменогорска

«Тәуелсіз елдің - ұланы»

ертеңгілік сценариі

(орта және ересек топтарға арналған ертеңгілік)

Музыка жетекшісі: Жакупова Ж.А

Әдіскер: Ауганбаева Ш.Р

Өскемен қ.

2018 ж