Павлодар облысы, Май ауданы, Көктөбе ауылы
«Ақбота» бөбектер бақшасы
Тәрбишеі: Утеубаева Қарлығаш Қабиденқызы
Тақырыбы: Біз тәуелсіз елдің ұланы
Мақсаты:
1. Балаларға тәуелсіздік туралы ұғындыру, туған жер, елін құрметтеуге тәрбиелеу.
2. Патриоттық сезімдерін ояту.
Көрнекілігі: плакаттар, шарлар, көркем сөздер.
Шығуы:
«Әнұран»
Жүргізуші:
Сәлеметсіздерме құрметті қонақтар, ұстаздар! «Біз тәуелсіз елдің ұланы» атты ертеңгілігімізге қош келдіңіздер! Біз бүгін Қазақстан Республикасының тәуелсіздік алған күнін тойлағалы отырмыз.Тәуелсіздік бізге оңай жолмен келген жоқ.
Балабақшаға арналған ашық оқу іс-әрекеті
Тәуелсіздік текке бізге келмеген
Талай бабам қанын төгіп терлеген
Сонда дағы қасиетті қазағым
Төл байрағын дұшпанына бермеген
Бабалардың ғасыр бойы арманы.
Өткенімен келешегін жалғады.
Желбіреп тұр көк байрағы қазақтың
Егеменді-тәуелсіздік алғалы.
Мейрамбек
Отан тарих Отан тіл
Жасаған елің ер халқың
Отан өлең, Отан жыр
Көтерген көкке ел даңқың
Отан осы достарың
Көңілге мұны түйе біл
«Отан» деп өс жас қауым
Оны ардақтап сүйе біл.
Жақсымбек Кәусар
16-желтоқсан
Ел мерейі тасыған
Қазақ деген қалың жұрт
Бәрін кешті басынан.
Нұрғанат
16-желтоқсан
Тәуелсіздік алған күн
Ерекше боп мәңгілік
Ел жадында қалған күн.
Гауһар
Ұлан байтақ жері бар
Пайдалы қазба кені бар
Тәуелсіз ел - Қазақстан
Көркіне көркі жарасқан.
Абылай
Тәуелсіз азат елім
Туып өскен - байтақ жерім
Мәңгі жайнап тұра бер
Қазақстаным менің.
Жанерке
Көк аспандай көкпеңбек
Қазақстан жаалуы
Көк емес ол тектен тек
Елдің ашық қабағы.
Жүргізуші:
Тәуелсіздік таңнан түскен ақ сәуле
Тәуелсіздік бақыт сенде бақ сенде
Біз жасұлан отан өлкені
Үміт артқан болашағы ертеңге
Тәуелсіз елдің даңқын көкке өрлетіп
Гүлге бөлеп жайнатамыз өлкені.
Би: Текемет
Осыдан 25 жыл бұрын яғни 1986 жылы Алматының бас алаңына жастар жаман оймен барған жоқ.Олар бейбіт жолмен тәуелсіздікке қол жеткізу үшін қатысқан еді.Енді осы желтоқсан көтерілісіне қатысқан ағаларымыз бен апаларымыздың арқасында ата-бабаларымыздың сан ғасырлар бойы армандаған тәуелсізідкке осындай жолмен қол жеткізді.
Көрініс: «Қайсарлы Қайрат ерлігі»
Жүргізуші:
Бізбен бірге бар әлем қуанады балаша
Қуанышқа бөленген
Өмір қандай тамаша.
Ән: «Туған жер»
Жүргізуші:
Әр қазақтың есінде сақталады
Желтоқсандық өлеңдер ақталады
Ел намысын қорғаған сарбаздарым
Ерліктері мәңгілік сақталады.
Ойын: «Күш сынасу»
Жүргізуші:
Жыр жазамын деп тамсанады жас балаң
Тәй-тәй басып келе жатқан жас қалаң
Жүрегіңнің түкпірінен шығарып
Әннен шашу болды оған не арман.
Тоғанас:
Отан сенің ата-анаң
Отан досың бауырың
Отан - өлкең астанаң
Отан - аудан ауылың.
Досымжан:
Бақытты боп жүргенім
Сенің арқаң ұлы Отан
Елім менің тірегім
Құшағында гүл ашам.
Жанат Нұрасыл
Шығысыңнан арайлы
Күліп атқан құба таң
Сенен бақыт тарайды
Баршамызға ұлы Отан.
Әбілқайыр
Сарқылмайтын қуатым
Тірегімсің сен Отан
Мәңгі соғып тұратын
Жүрегімсің сен Отан.
Гүлсезім:
Кең жазық отан мекенім
Сенде өсіп көктедім
Сені қорғау парызым
Мұны біліп өтемін.
Амантай Кәусар:
Құт береке шаңырақ
Орын алған ол төрден
Қанатты қос арғымақ
Екі жақтан көмкерген.
Жалғасбай Кәусар:
Барша әлемге әйгілі
Ел басымыз Нұр аға
Мақтанышы елімнің
Нұрын шашқан Нұр қала.
Жүргізуші:
Беу туған жер сен ыстықсың біздерге
Мыңдаған дастан жатыр халық басқан іздеріңде
Тұнып жатқан тарихыңнан көз алмай
Даналықтың жырын жастар іздерме.
Флешмоб: «Алға Қазақстан»
Жүргізуші:
Ту тігілді халқымның бүгін бағына
Жас өрендер желбіретіп нық ұста
Ғасырларға жалғастырып елдікті
Дақ түсірме ата баба рухына
Ұлағатты өнегесі еңбегі
Тәуелсіздік туын ұстап жоғары
Бүгінгі ұрпақ болар елдің ертеңі.
Міне, «Біз тәуелсіз елдің ұланы» атты ертеңгілігіміз өз мәресіне жетті.
Қазақ елім туды жастық дәуірің
Алғандайсың жұлдызыңның жарығын
Тәуелсіздік құтты болсын қымбаттым
Туған күнің құтты болсын алыбым.
Тәуелсіздігіміздің тұғыры биік, халқымыздың еңсесі жоғары Егемендігіміз баянды болсын деп тілек тілейік қонақтар.
Ән: «Атамекен».
