Қош келдің төрлет, Наурызым

Қош келді, төрлет- Наурызым

(Музыка қосылып ортаға жүргізуші шығады.)

Жүргізуші:Көктем жетті көл көсір Шуақ құрып,

Қыс барады қиылып Жылап тұрып

Шатырында үйлердің Наурыз жүр

Мұз пердесін ақпанның лақтырып,

Армысыздар , халайық!

Бармысыздар ,халайық!

Көктем келді,Наурыз келді,

Тағыда құрметпенен қарсы алайық

Армысыздар құрметті қонақтар. Дәстүрімізге айналған Ұлыстың ұлы күні Наурыз құтты болсын! Күлімдеген шуақты көктеммен бірге қазақ даласына жаңа-жыл келді. Ұлы мерекелеріңізбен құттықтай отырып,Кішкентай бүлдіршіндерімізді қарсы алайық.(Музыкамен залға кіреді)

Уа,ағайын халайық

Мұнда назар салайық

Мерекесі халықтың

Наурыз тойын бастайық

Ән: «Қош келдің төрлет ,Наурызым»

(екі топ бірге)

Ұлыстың ұлы күні ағайын – туған адамдар бір – бірімен кездесіп,құшақ жайысып, көрісетін болған.Халық барды – жоғын қазанға салып көпке берсе ,сонда жыл берекелі,мерекелі болады деп ұққан. Наурыз күні жеті түрлі тағам қосылған наурыз көже дайындалады. Сонымен қатар ойын- сауық ұйымдастырып, өнерлерін көрсеткен.

Күлімдеп қарап күміс күн,

Аспанын бүркеп пүліш түн

Ұлы күні ұлыстың

Келді Наурыз – жыл басы.

Ерітіп қарын даланың ,

Жайнатып гүлін даланың

Жетелеп жұмсақ самалын,

Келді наурыз- жыл басы дей келе бүлдіршіндеріміздің мерекелік тақпақтарын тыңдайық

Вадим Уа, ағайын халайық

Мұнда назар салайық

Мерекесі халықтың

Наурыз тойын бастайық

Айбота Наурыз тойы әдемі

Әжем еске түседі

Біздерге арнап әдемі

Наурыз көже пісіреді

Дамыс Қарды ертіп жылғасы

Наурыз келді жыл басы

Шуақ төкті жарық күн

Мейрамында халықтың

Перизат Тыңдаңыздар, тыңдаңыздар

Босқа қарап тұрмаңыздар

Наурыз тойы басталды

Көргендерде арманда

Көрмегендерде арманда

Полина Ата –бабам тойлаған

Наурызым армысың

Қызығына тоймаған

Дала дархан қарлы шың

Ерасыл Наурызды халқымыз

Жыл басы санайды

Көнермей салтымыз

Көп елге тарайды

Балауса Жасасын деп шіркін ,Наурыз

Құтты болсын айтты атамыз

Барлық үйге кіріп, шығып

Барлық үйден дәм татамыз

Айару Наурыз келді еліме

Наурыз келді жеріме

Байлық ,бақыт тілеймін

Бүкіл қазақ еліне

Балжан Осыншама жақсылық

Алып келген Наурызым

Төрлет бізге нұр болып

Шуақ шашқан Наурызым

Арсен Армысыздар халайық

Бармысыздар халайық

Наурыз тойын жұп жазбай

Жылды қарсы алайық

Аяжан Күн мен түн теңелдң

Жер шуағына кеңелді

Соны тойлар ел енді

Райана Наурыз айы – гүл айы

Наурыз айы – нұр айы

Жүргізуші: Теңіздей тербетіліп көл бетінде

Бишілер билейді бүгін тербетіле

Аққудай қалықтаған теңіздегі

Бишілер өнерлерін көрсетуде

Би: «Қаражорға»

(Көгершін тобының ұл қыздары)

Жүргізуші: Кел, Наурызым құлпыртып тауды мына ,

Аналардың қона ғой жаулығына

Ырыс әкел, құт әкел, байлық әкел,

Тұғыр болған әлемнің саулығына

Бүгінгі мерекемізге ауылымыздын үлкендері де келіп отыр.

Саламатсыздарма ақ жаулықты аналар, әжелер.

( салт- дәстүр көрсетеді)

Қазан шегелеу. Жақын туыс, әзіл-қалжыңы жарасқан адамдардың үйіне екі-үш адам бірге барып: «Осы үйдің қазанын шегелей келдік» дейді. Бұл олардың түстеніп, ет жеуге келгендігі. Үй иесі оған әзілмен жауап қайтарып: «Жақсы болды, қазан шегелейтін адам таба алмай отыр едік» деп қонақжайлық танытады, әйелі ет асып қонақасы береді.

Қонақкәде айту. Үй иесі қонағына «Қонақ кәде айта отырыңыз», – деп қолқа салатын болған. Ол – өлең айтыңыз, күй тартыңыз, өнер көрсетіңіз, деген тілек, қонақтың өнерін, қабілетін сынау, көңілді отыру. Сол себепті қазақтар баласын жастайынан ән айту, күй тарту тәрізді өнерге баулыған. Өйткені қонақкәде айта алмай қалу – ыңғайсыз жағдай.

Жүргізуші: Көгімде күнін өрлетіп,

Ешкімен қойын төлдетіп,

Келді Наурыз- жыл басы

Теңеліп түн мен күндізі

Ымдасып ай мен жұлдызы

Жайраңдап елдің ұл қызы

Келді Наурыз – жыл бас

Би «Домбыра»

(Балапан тобы)

Жүргізуші: Ұшады аққу көлден қазыменен

Жүреді көл жағалап жазыменен

Жарасар осындайда әзіл- күлкі,

Ойынды бұратұғын назыменен,- демекші думанымызды ойынмен жалғастырайық.Балалар қанекей менімен ұлттық ойын ойнағыларың келеме?

Ойын «Арқан тарту»

Жүргізуші: Көктемім төкті нұрды

Көңілдің кетті мұңы

Кел достар ән шырқайық

Ұлыстың ұлы күні

Ән «Халық әндерінен папури»

(Көгершін тобы)

Жүргізуші: Қашанда құт береке орнасын деп,

Тойларда шашу шашу салты елімнің.

Уа,халайық теріп ал несібеңді

Қабыл етсін халқымыздың ақ тілегін!

Наурыз келсе құт келгені халайық

Берекелі ұлыстың ұлы күні

Шашу шашып, қуанышпен қарсы алайық!

(Шашу шашылады)

Құрметті ата-аналар, қонақтар сіздерді бүгінгі Ұлыстың ұлы күні Наурыз мерекелеріңізбен шын жүректен құттықтаймыз. Ертеңгілігімізді келіп көргендеріңізге көп рахмет .қош сау болыңыздар.