"Әке -асқар тау"

Әке – асқар тау (әкелермен өткізілетін спорттық сайыс)

Мақсаты: Балалардың сауықтыру құндылықтарын,білім беру және тәрбие беру құндылықтарын арттыра отырып, денсаулықтарын нығайту. Балабақшада дене шынықтыру және спорттық ойындар арқылы ата-аналармен жұмыс түрлерін күшейту, ата-анамен бала арасындағы қарым-қатынасты нығайту. Қимылды ойындар, ертеңгілік жаттығулар арқылы балаларды дене тұрғысынан дұрыс жетілдіру, жан-жақты дамыту. Балалардың бойында салауатты өмір салтының дағдыларын қалыптастыра отырып, шапшаңдыққа, төзімділікке, ептілікке тәрбиелеу. Балалар мен ата-аналарға көтеріңкі көңіл-күй сыйлау.

Керекті құрал-жабдықтар:

I Кіріспе бөлімі. Таныстыру

-Сергіту сәті: залға әкелер балаларын иықтарына салып, саппен кіреді. Орындарына орналасып, жүру, жүгіру жаттығуларын жасайды

(ұшақтар ойыны элементтерімен)

-Жүргізуші:

Әке мен бала кіндіктері жалғасқан,

Әкеге қарап жазар-ақ ұлдар жыр-дастан,

Мұрагерлерін ертіп әкелер шығып тұр,

Ұлына тілеп «шуақты ел мен нұрлы аспан»!

Перзентінің сүйеніші мен қорғаны,

Орындалсын деп ұлының тілек-арманы,

Ерігіп емес, тәрбиелік мәні болсын деп,

Қолдау күтіп сіздерден мына залдағы.

Әкелер шықты ұлдарын қолдан жетелеп,

Сәбиі шықты әкеге сеніп, еркелеп,

Бастайық енді суырып сайыс кезеңін,

Жекелеп танысайық үміткерлермен - дей отырып, барлық қатысушыларды ортаға шақырайық.

-Таныстыру :

Әр топ өз командасын таныстырады. №9 «Шаттық» арнайы ересектер тобының командасы: «Жігер» тобы

Ұраны: Сайысуға келгенбіз,

Алдымызға жан салмай.

Жігерліміз, мықтымыз,

Жарысамыз тайсалмай!

№7 «Достық» ересектер тобының командасы : «Алау» тобы

Ұраны: Достығым жарасқан ,

Үлгілі отбасымыз.

Шынығуды ұнатқан,

Спорт сүйер шымырмыз!

-Рахмет, баршаңызға! Орындарынызға тұра қойыңыздар. Қане, сайысымызды бастамас бұрын әділқазы алқасымен танысып отырайық:

1. №31 «Күншуақ»МДҰ меңгерушісі: Тажиданова Алмажай Тажиданқызы

2. №31 «Күншуақ»МДҰ әдіскері: Ямалетдинова Жулдуз Юллаевна

3. №31 «Күншуақ»МДҰ медбикесі: Аймагамбетова Жайнагул Касеновна

Ал енді , бір-бірімізге сәттілік тілей отырып, сайысымызды бастайық.

II Негізгі бөлім. Сайыстар

1 сайыс «Көңілді жалауша»

Ойынның барысы: Бірінші әкесі, алдындағы қатарласып жатқан шеңберлерден қосаяқпен секіріп өтіп, қолындағы жалауды орнына орналастырады да сол тәртіппен қайтып келеді . Баласы дәл осылай секіріп барып, жалаушаны алып келеді де келесі ойыншыға береді. Ойын осылай жалғасады. Бірінші келген топқа ұпай беріледі. Мақсаты: шапшаңдыққа, жылдамдыққа тәрбиелейді.

2 сайыс «Иықбау»

Ойынның барысы: Екі иығына құм салынған дорбашаны қойып, құлатып алмай белгіге дейін апарып, түсіріп алмай алып келіп, келесі ойыншыға беріледі. Түсірмей, жылдам алап келген топқа ұпай беріледі. Мақсаты: ептілікке , ұқыптылыққа үйретеді.

3 сайыс «Ой қозғау»

Ойынның барысы: Бир минут уақыт беріледі, осы уақыт аралығында 10 сұрақ оқылады сол сұрақтарға тез және дұрыс жауап берілу керек. Бұл жерде топ капитаны шығады, ал қалған ойыншылар көмектесіп тұруларына болады. Мақсаты: зеректіктерін, шапшаңдықтарын, жылдам ойлау қабілеттерін шыңдайды.

1 топ сұрақтары:

1. Бір жылда неше мезгі бар? (4 мезгіл)

2. Қыс мезгілінің айларын ата (желтоқсан,қаңтар, ақпан)

3. Төрт түлікті ата (жылқы,қой, ешкі, сиыр, түйе)

4. Ыдысқа қырық қасық су құйып, баланы шомылдыратын дәстүр қалай аталады? (қырқынан шығару)

5. Үш арсызды ата (ұйқы, күлкі, тамақ)

6. Осы балабақшаның атын ата (Күншуақ)

7. Бір үйде тұрып жатқан адамдардың ортақ туыстық атауы ?(отбасы)

8. Балаңыздың тобының аты? (Шаттық)

9. Аналар мерекесі қай айда? (наурыз)

10. Ақтөбе облысы Қазақстанның қай өңіріне жатады? (батыс Қазақстан)

2 топ сұрақтары:

1. Күз мезгілінің айларын ата ( қыркүйек, қазан, қараша)

2. Қазақстанн Республикасының елбасы? (Нұрсұлтан Әбішұлы Назарбаев)

3. Үш биді атаңыз (Төле би, Қазыбек би, Әйтеке би)

4. «Шілдехана»қандай салт? (кішкене сәби дүниге келгенде жасалатын той )

5. Төрт түлік мал төлдерін ата( қозы - лақ, бұзау, бота, құлыншақ)

6. Түйе сүтінен жасалатын ұлттық сусын? (шұбат)

7. Бағдаршамның неше көзі бар?(үш)

8. Бір аптада неше күн бар және атап шығыңыз (жеті күн )

9. Ұлттық валютамыз қандай? (теңге)

10. Ұлттық ойындарды атап шығыңыз .....

4 сайыс «Әке мен бала»

Ойын барысы: Әкелер балаларын аяғына мінгізіп, жүріп келу керек. Мақсаты: мұнда әкелердің ептілігін, өз баласына деген қамқорлығын байқаймыз. Бірінші тапсырма бітірген топты бағалаймыз.

5 сайыс «Ептілігіңді байқа»

Ойын барысы: Ең алдымен әкелер жарысады , олар басына бір парақ қағазды (А4 ) бастарына қойып, түсірмей жүріп келу керек. Келесі кезекте балалары велосипед теуіп белгіні айналып келу керек. Бірінші келген топқа ұпай саны беріледі. Мақсаты: шапшаңдыққа, бір-бірен деген жанашырлыққа үйретеді.

6 сайыс «Арқан тартыс»

Ойын барысы: Ұлттық ойын. Екі топтың ойыншылары арқан тартысады. Белгі сызығынан өтіп кеткен топ жеңіледі. Төрешілер есептеп отырады. Мақсаты: күштілікке, мықтылыққа, табандылыққа үйретеді.

III бөлім Қорытынды

Ал, енді төрешілердің қорытындысы дайын болғанша , №9 «Шаттық» арнайы ересек тобының қыздары өнер корсетеді . Қабыл алыңыздар . Қыздар биі.

Асыл тастар қап түбінде жата ма екен,

«Ата өнері балаға- мұра» деген,

Әке көріп , оқ жонып жүрген ұлдарға,

Әкелер берген өнері жат болама? дей келе, сөз кезегін өділқазы мүшесіне берейік.

Өз шешімін оқып , жеңімпаз топты марапаттайды. Жақсы қатысқаны үшін балаларды жұлдызшамен бағалаймыз.

Жылдар, жылдар тарихтың мол беттері,

Бала әкелген жақсылықтар көп-ау тегі,

Көңіліңді шат сезімге баурайды,

Халқымыздың бүгіні мен ертеңі! деп ата-баба дәстүрін ұрпақтан ұрпаққа насихаттайтын ата-аналарымыз көп болсын , еліміз тыныш, бүлдіршіндеріміз аман болсын. Сау болыңыздар!

Сайысты бағалау парағы

Тобы/ Сайыстар	№9 «Шаттық» арнайы ересектер тобы «Жігер» тобы	№7 «Достық» ересектер тобы «Алау» тобы
Көңілді жалауша
Иықбау
Ой қозғау
Әке мен бала
Ептілігіңді байқа
Арқан тартыс
Төменгі балл: 2 Орташа балл: 3 Жоғары балл: 4

№31 «Күншуақ»МДҰ

Әке - асқар тау

(әкелер арасындағы спорттық сайыс)

Өткізген дене шынықтыру

жетекшісі: Қошбанова М.А

2016-2017ж.ж

3 топ сұрақтары

1. Көктем мезгілдерінің айларын атаңыздар ?

2. Балаңыздың туған күнін айтыңыз

3. Музыкалық аспаптарды атап шығыңыз

4. Апта күндерінің аттарын атаңыз

5. Қазақ алфавитінде неше әріп бар?

6. Ағаңыздың келіншегі сізге кім болады?

7. 1сағат 20 минутта неше минут бар ?

8. 10 санының көршілерін ата?

9. Ұлттық ойындарды атаңыз?

10. 2017 жыл не жылы ?

4 топ сұрақтары

1. Жаз мегілінің ай аттарын атаңыз

2. Әке көрген оқ жонар, ....... жалғастырыңыз

3. Ресей елінің астанасы қай қала?

4. Жылқының төлін қалай атайды?

5. Тауықтың салмағы 3кг, бір аяғын көтеріп тұрса неше кг?

6. Балапан телеарнасынан балаңыз қандай бағдарламалар қарайды?

7. Жердің қақ ортасында не бар?

8. 1 кг мақта ауыр ма, 1 кг тұз ауыр ма?

9. Спорт түрлерін атап беріңіз№

10. Жылқы сүтінен жасалатын ұлттық сусын?

«Денсаулық тобының» ұраны :

Спорт- денсаулық кепілі

«Ұшқырлар» ұраны :

Еңбек бәрін жеңбек!

Сайысты бағалау парағы

Тобы/ Сайыстар	«Жігер» тобы	«Алау» тобы	«Ұшқыр» тобы
Көңілді жалауша
Иықбау
Ой қозғау
Әке мен бала
Ептілігіңді байқа
Арқан тартыс
Төменгі балл: 2 Орташа балл: 3 Жоғары балл: 4