Орал қаласы
№30 «Гүлдер» бөбекжайы
«Нұрлы» ІІ кіші тобы
Тәрбиешісі: Джумашева Лунара Мұрадымқызы
Жүргізуші: Армысыздар құрметті ата-аналар, әріптестер! Бүгінгі «Алтын күз әсем айналам» атты ертеңгілігімізге қош келдіңіздер.
Армысыздар халайық,
Бармысыздар халайық.
Күзгі тойда жұп жазбай,
«Нұрлы» тобының бүлдіршіндерін қошемет пен қарсы алайық.
Ал, балалар, балалар
Енді бері қараңдар.
Бізге қонақ келмекші
Сендерді бір көрмекші.
Әуелі жұмбақ жасырам
Қулығымды асырам.
Таба алсаңдар шешімін
Қонағымды ортаға шақырамын.
Бұлттар төгіп, жерге шөгіп
Дымқыл тұман басады.
Шөп сарғайып, өңі тайып
Дала сұры қашады.
Бой жаза алмай, ойнай алмай
Денең мұздап тоңады.
Бөбектерім айтыңдаршы
Бұл қай кезде болады?
Балалар: Күзде
Көк майсалы көрікті,
Алқаптағы көп егін
Бұл күндері киіпті,
Сары жібек көйлегін-бұл не балалар?
Балалар: Күз.
Жүргізуші: Ой, балалар бұл ненің дыбысы?
Балалар: Қатты желдің дыбысы.
Жүргізуші: дұрыс айтасыңдар, енді бізге қонақ келе жатырған сияқты.
(көңілді әуен мен «Күз ханшайымы» ортаға кіреді)
Күз ханшайымы:
Сәлем менің достарым,
Өмірге көп қосқаным.
Күздің сыйын алыңдар,
Сыйлығына қаныңдар.
Молшылыққа кенеліп
Шаттық әнге салыңдар.
Үш тілде амандасу.
Би: «Жапырақтар»
Жүргізуші: Күз ханшайымы біздің бүлдіршіндеріміздің әндерін, билерін, тақпақтарын тамашалаңыз. Қане, балалар «Күз жомарт» әнін орындап берейікші.
Ән: «Күз жомарт»
Сұлу қыз:
Менің анам бақшаға,
Көкөніске жіберді.
Сәбіз жуа, қызылша
Бәрі сонда дегенді.
Міне, келдім бақшаға,
Бірақ әлі салатқа,
Не керек, не жұламын,
Білмей тұрмын қарап та.
-Ой, мұнда балалар көп екен. Үш тілде амандасады.
Балалар, сендер маған көмектесесіңдер ме?
Жүргізуші:
Балалар, сұлу қызға көмектесеміз бе? Олай болса жұмбақтардың шешуін тауып. Ортаға көкөністерді шықырайық.
Жұмбақтар.
Бұл не деген көк киім,
Жетпіс қабат көк киім.
Жаңбыр одан өтпейді,
Қабат-қабат тоны бар
Түймелеуге жетпейді. (орамжапырақ)
Қалың киімді ұнатамын,
Шешіндірсең жылатамын. (пияз)
Жаздай інге тығылып,
Жатқан қызыл түлкіні
Құйрығынан суырып
Әкелді әжем бір күні. (сәбіз)
Үстіне тігіп көк шатыр,
Астында қызыл дәу жатыр. (қызылша)
Көкөністер: Сезім, Жанторе, Б. Камилла, Е.Камилла, Шыңғыс.
Ешкі: Ме-ме-, ме-ме
Бақшадағы көкөністерді,
Ешкімге мен бермеймін.
Көкөністердің бәрінде,
Лақтарым мен бірге жеймін, ме-ме
Көкөністер:
Сұлу қыз, ешкіден бізді құтқаршы.
Қыз:
Ұзын мүйіз ешкі,
Көкөністерге тиіс пе
Бақша малға жер емес,
Көкөністер саған жейтін шөп емес.
Кел оданда дос болайық.
Күз ханшайымы: Рахмет саған сұлу қыз. Сен көкөністерді құтқарып қалдың.
Қыз: Көкөністер мен сендер мен би билегім келіп тұр. Қане бірге би билейікші.
Би: Көкөністер
Ешкі: балалар, сендер күз мезгілі туралы тақпақтар білесіңдер ме?
Тақпақтар: Лайсан, Мағжан, Кәусар, Інжу, Ақылбек, Алима.
Жүргізуші:
Әсем әуен салдырған,
Сәбилерде алғыр жан.
Балдәуреннің қызығын,
Есте қалар балдырған-деп, «Тамшылыр» әнін қабыл алыңыздар.
Ән: Тамшылар
Кірпі: Амандасады. Ой, мына жерде саңырауқұлақтар көп екен, мен саңырау құлақтарды да жақсы көрем, Саңырауқұлақтар сендер менімен бірге би билегілерің келеме?
Би: Саңырауқұлақтар.
Қыз: Ойын: «Сыйқырлы орамал»
Жүргізуші:
Кездескен соң күзімен,
Бұтағынан үзілген.
Ай жапырақ сары алтын,
Айналаның бәрі алтын-деп, «Алтын күз» әнін шырқап берейік.
Барлығы: біздің қайтатын уақытымыз болды.
Жүргізуші:
Берекелі бақдәулет,
Арта түссін тойланып.
Сау болыңыздар қонақтар,
Келгенше жыл айналып.
Құрметті ата-аналар, бүгінгі ертеңгілігіміз осымен аяқталды. Алтындай уақыттарыңызды бөліп келгендеріңізге көп-көп рахмет. Сау болыңыздар.
№30 «Гүлдер» бөбекжайы
«Қуыршаққа арналған моншақ»
Ұйымдастырылған ашық оқу қызметі
«Нұрлы» ІІ кіші тобы
Тәрбиешілері: Джумашева Л.М.
2016-2017 оқу жылы
