Қош келдің алтын күз!

Аялбек Рауан

Қош келдің алтын күз!

Күні: 21.10.16.

Сәлемдесу!

Бүгінгі біздің күз кереметі атты мерекемізге қош келдіңіздер!

Балалар - күз мезгілінің ерекшелігімен танысайық. Күз мезгілінде күн суытады, жапырақтар сарғайады, жемістер мен көкністер піседі. Күзде құстар жылы жаққа кетеді. Адамдардың барлығы жылы киімдер кие бастайды. Күз мезгілі қыркүйек, қазан, қараша айлары мен болады.

Тәрбиеші: Думан толы асқарлы

Күз мезгілі басталды

Күзгі әуен кеп жетті

Әуенге баулап жастарды

Нұрға бөлеп өмірді

Жырға бөлеп көңілді

Жарқыраған сәулелі

Күзгі әуен төгілді.

Балалар, кешімізді бастайық!

Қанекей күз ханшайымын ортаға шақырамыз:

Дария: Сәлеметсіңдер ме, балалар! Мен сендердің шақыру хаттарыңды алдым, сендерге көп рахмет.
Балалар, мен сендерге көкөністерімді, жемістерімді ала келдім. Көкөніс пен жемісті қалай жақсы көретіндеріңді тексереміз. Бізге екі бала қажет, олардың көздерін орамалмен байлап, мына тұрған ыдыстағы жеміс пен көкөністі қолдарымен ұстап, дәмін татып анықтаулары қажет.
Күз ханшайым: Жарайсыңдар балалар, өте дәм сезгіш екенсіңдер.

Балалар мен сендерге күз туралы өлеңімді айтып берейін.

Күз ханшайымы: Майысты жапырақ жел өкпен

Жапырақ саулады теректен

Келгенің сары ала күздің де

Бір түрлі сезіндім кенеттен.

Тақпақтар:

Назым: Қызығасың көріп,

Оның аты- өрік.

Айтжан: Іші толған шәрбәт,

Дәмі қандай әйбәт.

Фатима: Сырты қандай қатты,

Дәні сондай тәтті.

Баяахмет: Пісіп тұрған алмамын,

Тамсандырар бал дәмін.

Дария: Дөп-дөңгелек, сары,

Ішінде бар дәні.

Ерәділ: Еңбек қызыл қырларда,

Бидай толды қырманға.

Аяжан: Ормандағы аюдың

Құлпынайы көп екен

Теріп-теріп алайық,

Қалтамызға салайық.

Әбдуәли: Алтын таулар секілді,

Сап-сары боп тұрғанда.

Мөлдір:Жапырақты тасалап

Өсетін жері бақша –бақ

Күрең қызыл шіркін-ай

Оның аты- құлпынай.

Нұрасыл: Атам, әжем

Әкем, шешем,МЕН

Менің отбасым

Айарау: Қуыр-қуыр қуырмаш

Балапанға бидай шаш

Әй-әй, балапан

Жамандықтан қаш.

Саян: Алма өрікті қамбаларға

Толтырады алтын күз

Шәкірт болып парталарға

Отырды алтын күз.

Інжу: Қуыр-қуыр қуырмаш

Балапанға бидай шаш

Әжей келсе, есік аш

Қасқыр келсе, мықтап бас.

Нұрәлі: Үзесің бірден жүзін,

Оның аты- жүзім.

Дарина: Аю отыр партада

Екі қолы қалтада

Апай сабақ сұраса

Ұйықтап қапты масқара.

Әзімбек: Сап-сары маңай

Сап-сары тоғай

Соңғы әнін айтып

Құстар кетті қайтып.

Наргиз: Алма,алма дейсің

Алма әкелсем жейсің

Айтпады екен деме

Алманы жумай жеме.

Ержігіт: Ой балалар, балалар

Алтын күз келіпті

Жапырақ қурап, солыпты.

Фатима: Шағып қара таңдап,

Оның аты –жаңғақ.

Ән: «Күз келгенде» топпен бірге

Сұрақтар: 1.Балалар күз мезгілінде жапырақтардың түстері қандай болады?

2. Күз мезгілінде ауа райы қалай болады?

3.Қандай мезгілдерді жақсы көресіңдер?

4. Қандай жемістер мен көкөністерді білесіңдер ме?

Би: «Құстар» Дарина,Дария, Фатима т.б

Ойын: «Жемістер мен көкөністерді жинау» Аяжан, Әбдуәли, Нұрасыл, Інжу, Айару

Би: «Көбелек» Фатима, Дария.

Тақпақтар: С. Фатима. Дария, Қ. Фатима, Мөлдір, Дарина, Назым.

Фатима: Мен -алмамын, алмамын,

Таңдай татар бал дәмім

Мына тәтті бал- дәмді

Дастарқанға арнадым.

Дария: Мен шиемін , шиемін

Күннің көзін сүйемін

Қышқыл шырын менде бар,

Төмен басты иемін.

Фатима: Жұлып едім, жүзімді.

Жүзі бірден үзілді.

Жүзімді жеп қойыппын

Өзім әбден тойдым

Мөлдір: Қып –қызыл боп қалғанда,

Аузыма салғанда

Не жетеді ,шіркін -ай

Қызынаққа жалғанда.

Назым: Жинап жатыр ауылым,

Сап-сары ала қауыннын

Алмақ едім үлкенін,

Ауырын -ай ауырын.

Дарина: Қызықтың ба қиярға,

Алда жей бер ұялма,

Алғаныңша берейін,

Қапшығыңа сияр ма?

Би: «Қара жорға» топпен бірге

Ән: «Күз жомарт» топпен бірге

Қортындылау: Балалар, күз кереметі атты мерекемізге қатысқандарыңызға көп рахмет. Балаларға, сыйлықтарын беру. Сау болыңдар!

.