Ертеңгілік "Жомарт күз"

Мақсаты: Балалардың күз туралы түсініктерін кеңейту.Күз мезгілінің ерекшеліктері жайлы мәліметтер беру.Балалардың ойлау, қабылдау, есте сақтау қабілеттерін арттыру.Тіл байлықтарын дамыту. Табиғатты аялауға  тәрбиелеу.

Жүргізуші:

 Құрметті ата-аналар,бүлдіршіндер балабақша қызеткерлері «Құлыншақ» тобының «Жомарт күз» атты ертеңгілігімізді бастауға рұқсат етіңіздер

(Залға әдемі әуенмен балалар кіреді)

-Ал,балалар,балалар,

Енді бері қараңдар

Бізге қонақ келмекші.

Сендерді бір көрмекші.
Әуелі жұмбақ жасырам,

Қулығымды асырам.

Таба алсаңдар шешімін

Қонағымды дәл ортаға шақырам.

Жұмбақ: Бұлттар төніп, жерге шөгіп.

Дымқыл тұман басады.

Шөп сарғайып,өні тайып.

Дала сұры қашады

Өрік,алма,шие,алша,

Жидек,жүзім піседі.

Қауын,қарбыз,қияр, сәбіз

Дүкендерге түседі

Бөбектерім айтындаршы,

Бұл қай кезде болады?

Жүргізуші: Дұрыс айтасындар, олай болса балалар,уәде еткенімдей Күз ханшасын ортамызға шақырайық.

(Әдәмі әуенмен Күз ханшайымы залға кіреді)

Күз ханшасы: Сәлеметсіздерме, балалар!

Сәлеметсіздерме, қонақтар!

Мен- Алтын күзбін! 

Жайдары,жарқын жүзбін.

Қонаққа келдім сендерге.

Өнерлерінді көруге.

Жүргізуші: Күз ханшасыбіздің балалар сіз туралы көптеген өлең тақпақтар біледі.

-Ал ендеше, балалар, бекер қарап тұрмандар

Мерекеге арналған әнімізді бастаңдар.

Ән: «Күз жомарт»

Күз ханшасы: Жарайсындар  балалар!

Тақпақтар:

Мерейлі күз,мырза күз

Сыйлығына ризамыз

Аппақ арай таңында

Шомыламыз нұрға біз.                        Айсұлтан

Көк аспанда мөлдіреп.

Алтын күзім елжіреп

Асыр салып жүре бер

Сары көйлегің желбіреп.                       Амина

Жемісі мол теретін

Күз дос екен бізбенен

Бәрін тауып беретін

Жомарт екен күз деген.                        Айару

Сары ала тон жамылған

Күз атамыз секілді

Қойны толы дәмді нан,

Тәттісі көп не түрлі                              Арайлым

Өрік, шие, балы бар,

Қауын, карбыз, көбейді.

Жегің келсе бәрін ал

Неге аласың демейді.                          Айша

Бұлбұл қайда әнімен,

Оятатын тербетіп?

Теңселеді алып емен

Күн жауады желдетіп                           Н.Жанерке

Көбейді құт береке

Астық толы қоймамыз

Құтты болсын мереке

Алтын күзді тойлаймыз.                      Талшын

Жайдарлы күз,жарқын күз,

Аяулы күз, алтын күз.                          Мадина

Дәнге толы ен далам

Дариядай шалқыған                                 Арнұр

Көк майсадан көрікті

Алқаптағы көп егін

Бұл күндері киіпті

Сары жібек көйлегін                                Әдемі

Жемісі мол теретін.

Күз досекен бізбенен

Бәрін тауып беретін

Жомарт екен күз деген                            Айлин

Карашы, қарашы күз келді

Сары алтын жауыпты іздерді

Құс біткен керуен түзеді

Көңілсіз неліктен күз енді                        Ернар

Берекесін сыйлауға

Өлкемізге күз келді

Жемістерін жинауға

Шақырады біздерді                                     Аруна

Қандай өзі береген

Алмасын-ай, алмасын,                                 

Жемісі көп не деген

Жеп тауыса алмайсын                               Нұрали

Қияр пісті

Қарбыз пісті

Қауын пісті

Қандай күшті                                               Аделя

Жапырақ ұшты,

Суық та түсті

Сонда да бізге

Қызық көп күзде                                           Нұрасыл

Мен алмамын, алмамын

Таңдайда қалар бар дәмім                            Айзада

Күзім -ау, күзім-ау.

Мінезің бұзық –ау.

Жаңбырың сіркіреп

Келгенің кызық-ау.                                          Нұрдана

Мен жүзіммін, жүзіммін

Моншақ болып тізілдім.                                  А.Жанерке

Алтын,сары,қызыл,көк

Алуан- алуан жапырақ

Күзгі бақта күлімдеп,

Көз тартады атырап                                      Нұрдаулет

Сарғайды тоғай

Сап-сары тоғай

Соңғы әнін айтып,

Құс кетті қайтып.                                      Алижан

Ағаштардан жамырап

Ұшты кенет жапырақ

Ой,алақай, тамаша

Шашу шашты жапырақ.                           Алдияр

Шиемін мен,шиемін

Піскенше тон киемін

Бала келсе қасыма

Басымды мен иемін                                  Ахмет

Қызыл, сары,жасыл, көк

Алуан, алуан жапырақ

Би: «Жапырақтар»

Ойын: «Жемістерді ажырат»

Ойын: «Күн  ашық»

Оын шарты: «Жаңбыр жауды»  дегенде балалар қолшатырдың астына кіреді. «Күн ашылды» дегенде ортаға шығып ойнайды. Ойын осылай жалғаса береді.

Күз ханшасы: Жарайсындар, балалар!

                         Тағы қандай өнер бар?

Жүргізуші: Күзде өздері пісетін,тамаққа кеп түсетін

                    Мақтанбақшы сендерге,көкөністер сан түрлі!

Балалар мен сендерге «Көкөністердің дауласуы» атты әңгіме айтып берейін.Бір Әжейдің бақшада әртүрлі көкөністер бар екен.Жасыл қияр, қызыл қызанақ,және аппақ қырыққабат.Бір күні таңертен ең үлкен қияр мақтаныпты,-мен сондай әдемімін,жасылмын,қытырлауықпын- депті.

Бұл сөзге қызыл қызанақ басын көтеріп былай- депті: Мен сондай тәттімін, қызылмын,дөнгелекпін-депті. Сендердің орталарындағы ең әдемі менмін-деп қызанақ мақтаныпты.

-Жоқ мен ең әдемімін, мен аппақпын,кабаттымын –деп қырыққабатта мақтаныпты.Көкөністер  көпке дейін дауласыпты.Бір күні әжей бақшаға кіріп қиярды, қызанақты,қырыққабатты  теріп алып  салат жасауға кіріседі. Барлық көкөністер дауласқанын қойып, адамдарға ұнағанына қатты қуанады екен.

Балалар сендерге әңгіме ұнады ма? Олай болса балалар әнімізді  күз ханшайымына арнап, оны шығарып салайық.

Ән: «Күз жомарт»

Жүргізуші: Балалар, құрметті қонақтар осымен ертеңгілігіміз аяқталды.Келесі күз мерекесін бірге амандықпен қарсы алайық.