| (Балалар қолдарына жапырақтар алып ән ырғағымен залға кіріп, шеңбер бойынша тұрады). Жүргізуші:
Береке бақ дарыған,
Жомарт көңіл, жарқын жүз.
Сары алтынға малынған,
Жетті міне, алтын күз!
– Сәлеметсіңдер ме құрметті қонақтар! Бүгін біздің зал қандай әдемі, қаншама
түрлі – түсті жапырақтарға толы. Балалар, бүгін бізде қандай мейрам?
Балалар: Күз мейрамы! Хадиша:
Алтын, сары, қызыл, көк,
Алуан – алуан жапырақ.
Күзгі бақта күлімдеп,
Көз тартады атырап. Алима:
Берекесін сыйлауға, Өлкемізге күз келді. Жемістерін жинауға, Шақырады біздерді. Ажар: Қош келдің қонақтар, «Алтын күз» кешіне. Отырыңыз қол соғып, Шат күлкіге бөлене. Ән: «Күн суытты далада»
(Балалар отырады, тарсылдаған жаңбырдың дауысы естіледі) Жүргізуші: Ой, балалар! Естіп тұрсыңдар ма? Жаңбыр жауайын деп шығар.
(жаңбырдың даусымен залға бұлт кіреді) Бұлт: Сәлеметсіңдер ме, балалар! Балалар: Сәлеметсіз бе! Бұлт:
Күзгі көк бұлт мен болам
Көтеріліп теңізден,
Аспанға биік барамын
Қаласам қазір сендерге
Жаңбыр болып жауамын.
(Балаларға жаңбыр шашады). Жүргізуші:
Жаңбыр, жаумай тоқтай тұр,
Дабылыңды соқпай тұр.
Саяғынды түгендеп,
Үйіріңді соқпай тұр!
– Біз сен жайлы ән білеміз және осы әнді саған сыйлаймыз. Ән: «жаңбыр жауды тук тук» Бұлт: Рахмет, балалар! Қандай әдемі ән! Сендер жаңбырдан қорықпайсыңдар ма? Балалар: Жоқ! (жүргізуші білдірмей қолшатырды алады) Бұлт: Аяқтарыңды сулаймыз деп қорықпайсыңдар ма? Балалар: Жоқ! Бұлт: Қалай сендер барлықтарың батылсыңдар? Жүргізуші: Міне, біз қандай батылмыз!
Бұлт:онда жердегі менің тамшыларымнанда қорықпайтын боларсыңдар? Ойын:«Тамшылар» Бұлт: Балалар, сендер барлығын жылдам және шапшаң екенсіңдер, мен сендерді ұстап алмадым. Жүргізуші: Бұлт, сенімен өте көңілді. Балалар сенімен ойнады, күлді, бірақ бізге әлі де біреу жетіспейтін сияқты. Бізде күн жоқ екен. Қане, балалар, бәріміз мейрамызға күнді қонаққа шақырыйық (балалар орындарына отырып, қолдарың шапалақтап, аяқтарың тыпырлатып, күнді шақырады).
Күн келеді. Күн: Сәлеметсіңдер ме, балалар! Сендер мені шақырдыңдар ма, достарым? Балалар: Иә! Күн:
Мен жарқырап төбеде
Нұрын төгіп тұрамын.
Шуақ шашып бәріне
Бала жанын ұғамын. Бұлт:
Күн, күн, тоқтай тұр!
Сөзіме менің құлақ тұр.
Ішім толы суға,
Сусыз өмір бола ма?
– Ендеше мен бәріне керекпін, мен мықтымын! Күн: Жоқ, мен мықтымын!
(Бұлт пен Күн дауласады) Жүргізуші: Тынышталыңдар, дауласпандар! Балалар, Күн мен Бұлтты татуластыру үшін Күзді қонаққа шақырайық. Қолымызға жапырактарды алып билесек, күз бізді байқап, өзіде келіп қалар. Би:«Күзгі жапырақтар»(соңында жапырақтарды шашып жібереді)
Күз келеді. Күз: Сәлеметсіңдер ме, балалар! Сендерге жылда келетін,
Берекелі күз болам,
Сендер мені шақырдыңдар ма? Жүргізуші: Сәлеметсің бе, Алтын Күз! Ия балалар шақырды. Алтын күз, сен бізге көмектесші. Бұлт пен Күн екеуі кім мықты, кім бірінші деп дауласып тұр. Күз: Олар неге олай дауласады? Қане, балалар, Күн мен Бұлтты татуластырайық. Маған бір ой келді. Күзде күн сәулесі бізге жылу береді, менің жапырқатарым сол жылудан сары түске боялады. Ал бұлт келгенде жел тұрып, жаңбыр жауып жапырқтаржерге түседі. Солай ма балалар. Ол үшін ойын ойнайық. Ойын: « Жапырақтарды жинайық»
Күз:
Жарайсыңдар, балалар!
Күн мен Бұлт тату болса
Бәрі де көңілді. Жүргізуші: Ендеше тату балаларымыздың тақпақтарын тыңдайық. Тақпақтар Заңғар:
Күз келді, келді міне күз, Айнала сары түс. Керемет амаша, Қандай әсем күз. Раяна:
Көк аспаның мөлдіреп, Алтын күзім елжіреп. Асыр салып жүре бер, Сары көйлегің желбіреп. Айзере: Көрініп еліме, Күндері мереке. Келдіғой жеріме, Күз дейтін мереке. Алтын күз: Орманда да әр жерден
Сыңғырлаған дыбыстар естілді. Жүргізуші: Алтын Күз мүмкін алыстан біздің сылдырмақтарымыздың дыбысы естілген болар. Қәне балалар, орнымыздан тұрып Алтын күзге дайындаған Сылдырмақтар биін көрсетейік. Оркестр: «Көңілді сылдырмақтар» (Би билеп жатқанда Күн мен Бұлт себеттегі тамшылар мен жапырақтарды алмалар мен алмұрттарға айырбастап қояды). Бұлт: Алтын күз, қарашы, біздің жапырақтарымыз бен тамшыларымыз сиқырлы екен! Күн: Олар тәтті алмаларға айналып кеткенбе? Алтын күз: Ия оларды сиқырлаған менмін. Сендердің татуласқандарыңа балалардың көмектескендеріне силық жасадым. (Бұлт пен Күн себеттегі алмаларды балаларға көрсетеді) Күз: Ендеше ешқашанда дуласпаңдар, дос болыңдар! Барлық кейіпкерлер (Күн, Бұлт, Күз): Ал, балалар, сау болыңдар! Балалар: Сау болыңыздар! Жүргізуші: Берекелі бақ – дәулет
Арта түссін тойланып.
Сау болайық бәріміз,
Келгенше күз айналып! (Балалар ән ырғағымен залдан шығады) | 
