"Берекелі алтын күз"

Берекелі –алтын күз!

Мақсаты: Балаларға жыл мезгілдерінің айырмашылығы барын түсіндіру. Олардың әрқайысы өз қызығымен ерекше. Күз айларының халыққа молшылық әкелетінін қуаныш сыйлайтынын жеткізу. Табиғатты сүюуге тәрбиелеу. Өнерге қызығушылығын дамыту,сөздік қорларын байыту.

Балалар әдемі сазды әуенмен залға кіріп орналасады.

1-жүргізуші: Құрметті қонақтар,ата-аналар. Бүгінгі «Берекелі алтын күз» атты ертеңгілігімізге хош келдіңіздер. Күз жыл мезгілінің бірі. Күз мерекелі,берекелі ай. Бүлдіршіндеріміз бұл мезгілде алғаш рет білім ордасына қадамдарын басады. Әрбір шаңырақта той тойланып, көңілдері қуанышқа толы болады. Олай болса күздеріңіз мерекелі де берекелі болсын дей келе «Көгершін » тобын шақырайық...

Жүргізуші:   Өрік, алма,

Шие, алмұрт,

Жидек, жүзім піседі.

Қауын, қарбыз,

Қияр, сәбіз

Дүкендерге  түседі:

Астық пісіп,

Ортақ түсіп,

Қырман дәнге толады.

Бөбектерім, айтыңдаршы!

Бұл қай кезде болады? (Балалардың жауабы)

Жүргізуші:— Балалар, сендерге күз ұнай ма?(Балалардың жауабы)

Күздің қандай ерекшеліктерін білесіңдер?(Балалардың жауабы.Осы сәтте жүргізушінің ұялы телефоны шырылдайды)

Алло, иә. Саламатсыз ба, Күз ханшайымы! Бізге қонаққа келемін дейсіз бе? Келіңіз, келіңіз. Біздің балалар қонақ күткенді ұнатады. Ендеше көріскенше, сау болыңыз! (Телефонмен сөйлесіп болған соң)

Балалар, маған жаңа ғана Күз ханшайымы телефон шалды. Бізге қонаққа келеді екен. Сондықтан, балалар, Күз ханшайымын қуанышты көңіл-күймен қарсы алайық.

Жүргізуші: Армысыздар көпшілік өнер сүйер.

Тамашаға тоярлық болар бір ел,

Біздің топтың балалары көрерменге,

Құрметпенен сәлем беріп басын иер.

Күз ханшайымын қарсы алып,

Би билейміз ән салып

Ұлы тойдай ұлы есім,- деп кезекті балаларымыздың әнге берейік.

Жүргізуші:—  Біздің балалар күз ерекшеліктері туралы «Алтын күз» әнін біледі. Осы әнмен Күз ханшайымын қарсы алайықшы.

Ән «Алтын күз»(Әннің соңында Күз ханшайымы келеді)

«Күз ханшайымы» кіреді.Балалармен амандасады.

«Күз ханшайымы» Амансыңдарма балалар,

Ерінбестен еңбек етіп келетін

Еңбекшіл бар жемісін беретін,

Мен Күз ханшайымымын

Ынтымақты елімнің,

Берекелі ырыс болып келетін .Мен сендерге құр келген жоқпын, өзіммен бірге піскен жеміс ала келдім, сондықтан алдымен сендермен жақсылап танысып алайын, балалар сендер менімен ойын ойнағыларың келе ме?

Ойын: «Көгершін» тобы

Шарты:Балалардың көздерін байлап, қандай нәрсе екенін, сипау арқылы немесе иіскеу,дөңгелекпе, сопақпа ,қандай жеміс екенін сұрау.(3-4 балаға ажыратқан баланы мақтап мадақтау

Күз ханшайымы:   Балалар, кәне кім айтады екен. Мені не себептен «Күз ханшайымы» деп атайды? (Балалар тақпақпен жауап береді)

Жемісі мол теретін

Күз дос екен бізбенен

Бәрін тауып беретін

Жомарт екен күз деген.

Алтын,сары,қызыл, көк,

Алуан ,алуан жапырақ

Күзгі бақта күлімдеп

Көз тартады жадырап. Даяна

Қамба толы астыққа

Алғыс саған алтын күз! Әділет

Күз ханшайымы: — Жарайсыңдар, балалар енді мен кішкентай балапандардың өнерін тамашалағым келіп тұр.

«Кап-кап, тук-тук»

Жүргізуші: — Балалар, біз Күз ханшайымы арнаған өнерімізді көрсетейік.

Ал кімнің өнері бар қаншалықты

Би билеп,ал біреулер ән салыпты

Бүгінгі «Алтын күз» мерекеге

Бүлдіршіндер аямай жан салыпты.-Балалар бізге жеміс-жидек өз өнерлерін ала келіпті.

Қызылша:

Көкөністің ішінде

Менің атым қызылша

Денсаулығын нығайтып

Қызмет етем адамға-Мұхамедали

Қауын-қарбыз жемістермен

Толтырамыз қол себетті

Алтын күз деп аталады

Күз айы да сол себепті. Қаныш

Қызанақ:

Қызара піскен бақшада

Қызанақты білерсің

Шырыныммен етіме

Тояттап-ақ жүрерсің-Ернар

Сәбіз:

Қызыл-сары сәбізбін

Жер бетінде бұрымым

Көзге берер күш қуат

Дәруменнің бірімін-Жандос

Қияр:

Бақшада көп өсетін

Мен кәдімгі қиярмын

Жұлып алып жесеңіз

Қырт-қырт етіп тұрамын.Абылай

Өрік:

Мен өрікпін,өрікпін

Табиғатқа көрікпін. Перизат

Жүзім:

Мен жүзіммін,жүзіммін

Моншақ болып тізілдім. Ілияс

Алмұрт:

Мен алмұртпын,алмұртпын

Аузындамын бар жұрттың. Аиша

Қырыққабат:

Жайлы жұмсақ төсегім

Домаланып өсемін

Қабат-қабат тоным бар.

Қалай оны шешемін. Каусар

Шие:

Мен шиемін шие мін

Піске тонды киемін. Балауса

Картоп

Картоп біздің атымыз

Жер астында жатырмыз

Бір тамырдан таралған

Ағайынбыз бәріміз .А.Асанали

Күзгі жауын,бұлт.Тұман

Сары жапырақ жауады! Ерасыл

Мен алмамын,алмамын

Аузындамын бар жұрттың Вадим

Жүргізуші: — Енді, Күз ханшайымы, қыздарымыздың әнін тамашалаңыз.

«Қолшатыр» әні

Жүргізуші. Балалар біздің топқа біреу қонаққа келе жатқан сияқты кім болды екен.( осы кезде қолында үлкен сәбізі бар қоян кіріп келеді)

Қоян. Балалар сәлематсыздер ме?мен сендерге қонаққа келдім, сендерге Күз ханшайымы келіпті ғой –қандай тамаша.Балалар білесіңдерме? Менің қарным аш,мен сәбізді өте жақсы көрем маған сәбіз тауып жеуге көмектесесіңдер ме? (Балалар жауабы)

Балалар қоянға көмектесеміз бе?

Жүргізуші:Балалар Қоянды көріп қандай ән есімізге түсті.

Балалар енді ойын ойнайық.Қоянға сәбіз тауып берейік.

(Ойыннан кейін балаларды киіндіру )

Ой балалар қарным тойды,Сендерге рахмет!

Жүргізуші. Жел тұрады жалықпайды

Күн жылытып жарытпайды,

Жапырықтар жерге қарай

Қалықтайды, қалықтайды—ендеше біздің балаларымыздың биін қабылалыңыздар.

Би «Антошка»

Жүргізуші:

Тоңазып атырап,

Көп жеміс піседі.

Сары алтын жапырақ

Саудырап түседі.

«Күз жомарт»,- дейміз біз,

Жемісін жейміз біз.

Аспанды сұрғылт бұлт

Жан-жақтан жауады

Күн бірте суытып,

Жауын көп жауады.

Осымен біздің бүгінгі «Берекелі алтын күз» атты ертеңгілігіміз аяқталды Қош сау болыңыздар!!!

МҚҚК «Үшқұлын» бөбектер бақшасы

Бекітемін: Айнақбаева Г.Т

--------------------

Дайындаған:

Тәрбиеші: Хуантай Ж.

2017 ж

2017 ж

Қоршаған ортамен танысу

Мақсаты: Балалардың қоршаған орта, олардың сапасы мен қасиеті, қолданылуы туралы түсініктерін

жүйелеу, танымдық белсенділігін ақыл-ой қабілеттері

мен білуге деген құштарлықтарын арттыру.

1.Түсінен таны.

2.Құстарды тани біл.