Астана мен Алмата ?алалары туралы ??гіме

Астана мен Алмата қалалары туралы әңгіме

Орыңдаған Жакупбекова Р.С.

«Балдырған» балабақшасы

Осакаровка 2014

Балаларға Астана-бас қала және оңтүстік астана-Алматы қаласы туралы түсінік және білім беру, Отанға деген сүйіспеншілігін арттыру, сурет бойынша әңгімелеп, тілдерін дамыту, тақпақтар, ойын жаттығулар арқылы сөз қорын көбейту мақсатымен өткізілген сабақта көрнекілік ретінде екі қаланың көрікті ғимараттарының суреттері алынады. Сурет, альбом бойынша тәрбиешінің әңгімелеуі кезінде балалар Алматы мен Астана қалаларының табиғат ерекшеліктерімен де танысады. Сабақта балаларға Астана өркендеп, үлкейіп, қызмет, Алатау бөктері, Жаңа алаң, Даңғыл, Өңтүстік, Солтүстік, бүкіл әлемге, сырнай сияқты сөздердің мағынасы түсіндіріледі.

Тәрбиеші: Балалар, біз қандай Республикада тұрамыз?

Балалар: - Біз Қазақстан Республикасында тұрамыз.

Тәрбиеші: - Ия, дұрыс айтасыңдар. Қазақстан Республикасы Тәуелсіз мемлекет. Оның астанасы қай қала?

Балалар: - Астана қаласы.

Тәрбиеші: Бұл жаңа астана, жаңа бас қала. Ал, балалар біз қандай қалада тұрамыз?

Балалар: - Біз Алматы қаласында тұрамыз.

Тәрбиеші: Алматы қаласы біздің оңтүстік астанамыз. Тәуелсіз еліміздің рәміздерін білесіңдер ме? Кім айтады?

Балалар: Көк туымыз, Елтаңба, Әнұран.

Тәрбиеші рәміздердің суретін іледі. Ал, біздің президентіміз кім?

Балалардың жауабы: Біздің президентіміз – Нұрсұлтан Назарбаев.

Тәрбиеші президенттің суретін іледі. Ал балалар бәріміз орнымыздан тұрып, Әнұранды айтайық. Жақсы балалар.

Тәрбиеші: Қазақстан біздің Отанымыз дедік. Сендер үлкен болып өскенде Отанымызды қорғайсындар, Отан үшін еңбек етесіндер. Отан туралы тақпақ айтып бересіңдер ме?

Бала ақын Бүркіт Ысқақовтың «Менің Отаным» деген өлеңінің бір шумағын айтып береді.

Отан – менің ата-анам,

Отан – досым бауырым.

Отан – Өлкем астанам,

Отан – аудан, ауылым.

Бала ақын Ермек Өтетілеуовтің «Отан» оленді оқиды

Отанды біз атамекен

Деп аялап атаймыз,

Өйткені оны мекен еткен

Бабамыз бен атамыз.

Тәрбиеші: Балалар, өте жақсы. Егеменді елдің басты белгісі тіл. Қазақ тілі мемлекеттік тіл саналады. Міне, біз бәріміз қазақша сөйлеп отырмыз, осы тіл – біздің ана тіліміз. Қане, кім тіл туралы тақпақ айтып береді.

Бала:

Тілім барда – мақтанам,

Тілім менің – аппақ ән.

Бірлігім – бүгінгі,

Ана тілім сақтаған.

Тәрбиеші: Біз тілімізді құрметтеуміз керек, қазақ бір-бірімен қазақша сөйлесуі керек. Балалар, біз жаңа айтып кеттік біздің астанамыз Астана қаласы деп. Біз Астана туралы суреттер көрдук, тақпақтар жаттадық. Кім Астана туралы сурет бойынша әңгіме айтып береді.

Бала: Астана – ол бас Қала. Астанымыз қазір үлкейіп, өркендеп келе жатыр. Көшелері кең, онымен көп машиналар, троллейбустар, микроавтобустар жүреді.

Бала: Астанада президенттің сарайы бар. Президент Нұрсұлтан Назарбаев сол жерде қызмет істейді, шет ел басшыларын қабылдайды. Астанада биік жаңа үйлер көп салынып жатыр.

Бала: Мен Астана қаласында болдым. Онда менің ағам, тәтем тұрады.

Тәрбиеші: - Сен Астанаға кіммен бардың?

• Мен Астанаға апаммен бардым.

• Онда сен не көрдің?

• Мен Астанада апаммен қыдырып, қала орталығын, әдемі көшелерін, Төле би, Қазбек би, Әйтеке би атталардың ескерткіштерін көрдім.

Тәрбиеші: - Астана туралы кім тақпақ айтып береді?

Бала: Жаса, жаса Астанам;

Өркен жая бастаған.

Болашақтың есігін,

Оң қолыңмен аш маған!

Бала: Заман жаңа, ел жаңа,

Күлімдейді кең дала.

Өз Астанам – өз Ордам,

Сүйенерім сен ғана!

Бала: Асқақтай бер, Астанам,

Берекеге бастаған.

Болашақтың есігін,

Оң колыңмен аш маған!

Тәрбиеші: - Жақсы балалар, жарайсыңдар. Ал енді бәріміз орнвмвздан тұрып, үй жануарлары туралы ойын-жаттығу жасайық.

Сиыр сүйеді баласын «торпағым» - деп, (мө-мө-мө-мө-мө – деп мөңірейді).

Жылқы сүйеді баласын «құлыным» - деп, (и-и-и-и-и-и – деп кісінеді).

Қой сүйеді баласын «момыным» - деп, (мә-мә-мә-мә – деп ммаңырайды).

Мысық сүйеді баласын «мысығым» - деп, (мяу-мяу – деп мияулайды).

Ит сүйеді баласын «күшігім» - деп, (аф-аф-аф-аф деп - үреді).

Жақсы балалар отырыңдар.

Тәрбиеші: - Ал енді балалар сурет бойынша Алматы қаласы туралы әңгіме айтайық. Алматы оңтүстік астанамыз дедік. Алматы қаласы туралы кім әңгіме айтып береді?

Бала: Алматы үлкен, әдемі, жасыл қала. Алматы қаласы Алатау бөктерінде орналасқан. Алматының табиғаты сұлу, әдемі.

Бала: Алматыда бүкіл әлемге белгілі мұз айдыны. Медеу бар. Онда спорттық жарыстар өтіледі.

Бала: Алматыда үлкен цирк бар. Республика сарайы бар. Театр мен музейлер көп, 25 қабатты қонақ үйі – «Қазақстан» бар.

Тәрбиеші: Балалар Алматының қандай көшелерін білесіңдер?

Балалар: Абай, Достық даңғылы, Гагарин, Жамбыл көшелері, Қазбек би, Қабанбай би, Төле би көшелері т.б.

• Біздің бақшамыз қай көшеде орналасқан.

Балалар: Құрманғазы мен Айманов көшелерінің қиылысында орналасқан.

• Қане, енді «Жау жаңбыр» деген Алматы туралы өлең айтайық.

Алатаудың бауырына,

Атам, әжем ауылына,

Ақша бұлттар ауа бершу

Жау-жау жаңбыр жауа бершу.

Бақыт болып жаушы жаңбыр

Менің әсем қалама...

Тәрбиеші: Өте жақсыбалалар! Сендер Астана, Алматы туралы әңгіме, өлең айттыңдар, көп тақпақтар біледі екенсіндер. Ал енді осы өзіміздің қаламыз туралы сурет салайық. Сендердің көпшілігің жазда ата, әжелеріңнің ауылына барасыңдар. Жайлауды көргендерің бар. Ауылда төрттүлік малды, олардың төлдерін көріндер. Сендерге қандай төлдер ұнайды. Сол көргендерің жайында өз қалауларың бойынша сурет салыңдар. (Балалар: тау, күн, қозы, лақ, гүл, ағаштың суреттерін салады).

Тәрбиеші: - Балалар бұл суреттерде қандай геометриялық пішіндерге ұқсайтын суреттер бар.

Балалар: - Тау үшбұрышқа ұқсайды. Әр бала өз суреттері бойынша қысқаша әңгіме айтып береді.

Тәрбиеші сабақты қортындылағанда балалардың Астана, Алматы қалалары, ауыл, жайлау, төлдер жайындағы ұғымдарын, суреттерін мадақтайды.