Сыныбы
8
Сабақ тақырыбы:
Ас қорытудың маңызы. Ас қорыту жүйесі: ас қорыту жолы, ауыз қуысы, жұтқыншақ, өңеш, асқазан, ішек ас қорыту бездері.
Сабақ мақсаты:
Сабақта сыни-тұрғыдан ойлау әдісін пайдалана отырып, ас қорыту жүйесі құрылысының ерекшелігін және олардың адам ағзасында орналасуын көрсете отырып өздігінен білім алуға ықпал ету.
Күтілетін нәтижелер:
Ас қорыту мүшелерінің құрылысы туралы мәлімет алады. Тыныс алу мүшелерімен салыстыра отырып ерекшеліктерін ажырата алады. Алға қойған мәселені бірлесе отырып шешеді.
Бағалау критерийі:
Топ басшысының бағалау парағы.
Құрал-жабдықтар:
Интерактивті тақты. Таратпа материалдары.
Оқыту әдістері:
«Графитти тақтасы», «Ойлан, жұптас, бөліс» әдісі, АКТ.Топтық жұмыс.
Психологиялық ахуалды қалыптастыру
(1 минут)
Сынып оқушыларымен сәлемдесу. Оқушыларға қима қағаздар таратылып беріледі. Мұнда мүшелердің атаулары жазылған. Осы мүшелер бойынша мүшелер жүйесін құрап топтасыңдар.
Топ басшысының бағалау парағы таратылады.
Оқушылар қима қағаздарда жасырылған мүшелердің атаулары арқылы мүшелер жүйесін құрап топқа бөлінеді.
Бағалау парақшаларымен танысады.
Үй тапсырмасын тексеру (7 минут)
«Миға шабуыл» әдісінің сұрақтары арқылы үй жұмысын тексеру.
- Тағам ағза үшін энергия көзі құрылыс материалы.
- Тағамдық заттар қан және лимфа арқылы жасушаларға, ұлпаларға таралып, қалдық заттар сыртқа шығарылады.
- Нәруыз әсіресе еттің, балықтың, асбұршақтың, жаңғақтың құрамында мол болады.
- Май сүт өнімдерінің, жұмыртқаның құрамында молынан кездеседі.
- Басқа ағзалық заттармен салыстырғанда май ыдыраған кезде энергия екі еседей көп бөлінеді.
- Адам тәулігіне орта есеппен 70-100 г май пайдалану керек.
- Тағам құрамындағы минералды заттар, витаминдер жіне су ағзаға тікелей сіңіріледі.
- Адам күнделікті пайдаланатын көмірсулар негізінен крахмал және қант.
- Қант көбіне қант қызылшасында, сәбізде мол болады.
- Адам тәулігіне 5-6г-дай ас тұзын пайдаланса жеткілікті
- Адамның күнделікті қалыпты тіршілігі үшін тәулігіне орта есеппен 100-120 грам нәруыз қажет.
Тез қимылдап сұраққа жауап беріп, сұрақтың жауабын 3 тілде айтады.
Қызығушылықты ояту (6 минут)
Ал, енді балалар сендердің назарларыңа мына видеофильмді ұсынғым келіп отыр. Видеофильм тамашаланғаннан кейін. – Балалар адам ағзасындағы бұл қай мүшелер жүйесінің жұмысы деп ойлайсыңдар? Яғни бүгінгі сабағымыздың тақырыбы: ас қорыту жүйесі. Сонымен бүгінгі сабағымыздың мақсаты қандай болмақ?
«Графитти тақтасы» әдісі. Адамның ас қорыту жүйесімен таныспас бұрын мына организмдердің ас қорыту мүшелерінің ерекшеліктерін еске түсірсек. 1-топ: қарапайымдылар (амеба). 2-топ: өрмекшітәріздестер. 3-топ: құстар. 4-топ: сүтқоректілер (сиыр)
Ас қорыту жүйесі мүшелерінің құрылысы, атқаратын қызметі және маңызымен танысу.
Зоология бөлімінде алған білімдерін пайдаланып әңгімелейді.
Мағынаны тану (15 минут)
Әр топқа А4 форматтағы ас қорыту жүйесінің түссіз суреті берілген. Әрбір топ басшылары ортаға келіп тапсырмалар салынған конвертті алуы керек.
Қызыл конверт: Ауыз қуысы
Көк конверт: Жұтқыншақ, өңеш, қарын
Жасыл конверт: Аш ішек, тоқ ішек
Сары; конверт: Ұйқы безі, бауыр
Түссіз суретті бояп, мүшелердің құрылысы, атқаратын қызметі туралы сипаттма даярлап қорғау керек. «Постермен жұмыс» топаралық бағалау критерийлер арқылы жүргізіледі
Сергіту сәті
(1 минут)
Денсаулық елінде қандай тағамдар жейтінін таңдаңдар: пайдалы тағамдарды атағанда қолдарымыздағы жасыл түсті көтереміз. Пайдасыз тағамдарды атағанда қолымыздағы қызыл түсті көтереміз.
Жаңғақ, чизбургер, кола,, балық, айран, чипсы қымыз суреттері интерактивті тақтадан шыққан сәтте қызыл немесе жасыл түстерді көтеріп, пайдалы немесе пайдасыз тағамдарды анықтайды.
Ой қозғау
(қолдану)
10 минут
Тақырыптан түсінгендерін қолдана білуге үйрету мақсатында биологиялық диктант береді
ДҰРЫС ПА ӘЛДЕ БҰРЫС ПА?
1-топ
- Ауыздың сәл ашылуы ауыз саңылауы.+
- Ауыз қуысына 4 жұп сілекей бездерінің өзегі ашылады.- 3
- Тілдің ұшы тұздыны сезеді- тәтті
- Жұтқыншақ ортаңғы құлақпен байланысқан.+
- Қарын құрсақ қуысының жоғары бөлімінің оң жағында көкеттің астында орналасқан.- сол
- Аш ішектің қарыннан басталған бөлімі ұлтабар деп аталады.+
2-топ
11-13. 25. 5,5-6. 1,5-2. 25-30. 1500
3-топ
Бүрлер, бүйен, аппендикс, бактерия,микроб, өт
4-топ
Ас қорыту мүшелерін суреттен көрсет муляждан
Бағалау 2 минут
Топ басшыларының бағалауына сөз береді.
Топ басшысының және мұғалімнің бағалауының қорытындысын күнделікке баға ретінде қойдыру
Рефлексия 2 минут
“Аяқталмаған сөйлемдер” рефлексия
- Бүгін мен.. білдім
- .. қызықты болды.
- .. қиын болды.
- Мен енді.. білемін.
Сабақтан алған әсерлерін, тілектерін жазу арқылы білдіру
Үйге тапсырма беру 1минут
§44 оқу
197 беттегі сұрақтарға жауап беру
Үй тапсырмасын күнделікке жазу