Қайырлы күн құрметті ұстаздар мен оқушылар. «Біздің қанатты достарымыз» атты сайыс сабағымызға қош келдіңіздер.
Біздің бүгінгі сайысымыз ІІ-топтаң,V-кезеңнен тұрады.
І-топ « Сұңқар »
ІІ-топ «Бүркіт»
І-кезең «Таныстыру»
ІІ-кезең «Кім жүйрік»
ІІІ-кезең «101 жұмбақ,1001 мақал»
ІҮ-кезең «Ойлап тап»
V-кезең «Сегіз қырлы бір сырлы»
І-кезең «Таныстыру»
Әр топ ортаға шығып өз тобын таныстырады
ІІ-кезең «Кім жүйрік»
Бұл кезеңде әр топқа сұрақ қойылады. Сұраққа топ бйынша жауап береді.
Қазақ халқы құстарды ерекше бағалаған. Шебер әншісін - бұлбұлға теңеген. Азаматын - сұңқарға, сұлуын - аққуға, ез жігітін - жапалаққа теңеген.
1.Суда жұбын жазбай жүретін, ең әдемі достыққа берік құс.
2) Қыстап қалатын құстрады ата.
3) Құстардың қандай пайдасы бар?
4) Орман дәрігері қандай құс?
5) Құстар туралы тақпақ білесің бе?
6) Қай құстың дауысын сала аласың?
7) Құстар туралы қандай мақал білесің?
8) Тоқылдақ қалай дауыстайды?
Басында тарағы бар ,бірақ шашыңды тарай алмайсың . (Әтеш)
Қай кішкене құс жемін ұшып жүріп аулайды? (Қарлығаш)
Қай құс өзінің атын қайталайды? (көкек)
Қандай құс хат тасушы атанған?(көгершін)
Қай құста мүлде ұя болмайды? (көкек)
Адам қай құсты аң аулауға пайдаланады? (Бүркіт)
Құстың негізгі мекені? (Ұя)
ІІІ-кезең «101 жұмбақ,1001 мақал»
Табиғатты құрайтын тіршіліктің бірі-құстар. Халық ежелден-ақ құстарға әуес, оларға деген сүйіспеншілігі шексіз, ең жақсы көретін адамын құсқа теңеу арқылы ықыласын білдіріп келеді.
Халық өз ортасынан шыққан саңлақ ұлдарын сұңқарға теңеп, төгілте ән шырқайтын әншісін – бұлбұлға. Отан үшін ,ел үшін жанын қиятын батырларын – қыранға , елден асқан сұлуды – аққуға теңеп жатады.
Жұмбақтар шешу Туысы дейді құстардың Інісі дейді тышқанның Тышқан да емес, құс та емес Екеуінен де тыс қалдым (Жарқанат)
Қызығып әр адам Ұстап ап даладан Жүнімен жұлып ап Бесікке қадаған Бұл қай құс? (үкі)
Қашаудай мықты тұмсығым Бәсеке тігем бұл шыным Құрт, қоңыз, аулап жарысам Орман дәрігері боп табылам (Тоқылдақ)
Түсі қара мақпалдай Төсі ақ сыр жаққандай Ұшса оқтай зулайды Көктен жұлдыз аққандай (Қарылғаш)
Биікке салған ағаш үй Сол ғой оның мекені Жаздай сайран салып ап Қыста алысқа кетеді (Қараторғай)
Он екі айдың біреуі Сірә оның атында Өзге ұяға із тастап Мен деп жар сап жүреді (Көкек)
жұмбақты тез шешеді.
Көлдің көркі сән екен,
Ұшқанда сазды ән екен.
Ақындар оны мақтаған,
Адамдар қорғап сақтаған.(аққу)
Ақ сарайын талқандап,
Шықты біреу талтаңдап. (балапан)
Маң, маң басқан жүрісі,
Барлық құстың ірісі.
Қашқанда құстай ұшпайды,
Қуғанын бірақ ұстайды.(түйеқұс)
Жолаушы жүрек шығарып салады,
Алдыңнан қарсы алады.
Ауыл да, қала да мекені
Жаныңда әрқашан еркелетеді.(қарлығаш)
Өзі сақ ,өзі ұсақ,
Шықылықтап тұрмайды.
Құйрығы ұзын, өзі ала,
Бұл қандай құс, әй бала.(сауысқан)
ІҮ-кезең «Ойлап тап»
СӘЙКЕСТЕНДІРУ КЕСТЕСІ
КИВИ ............
А) қыран құстардың қоразы
КӨШПЕЛІ ҚҰСТАР ....................
В ) жүзетін құстар
ПИНГВИН ..................
С ) жыл бойы бір аймақта тіршілік етіп, көбейеді.
ҚЫСТАП ШЫҒАТЫН ҚҰСТАР ....................
Д ) түйеқұстардың ішіндегі ең кіші түрі
ШӘУЛІ .....................
Е ) күзде, қыста ауа райының қолайсыздығынан солтүстіктен оңтүстікке жылыстайды
V-кезең «Сегіз қырлы бір сырлы»
Әр топ құстар туралы екі шумақ өлең шығарады.
Қорытынды:
Тамылжыған тамаша табиғаттың көрікті көктемінде құстар әні толастамайды. Құстар тойы тойға ұлассын! Бейбіт аспанда қалықтаңдар, шаттана шарықтаңдар, қанатты достар!
Тіккен туы қазақтың
Күнге сәлем жолдасын.
Қыран құсы қалықтап,
Көк аспанды шарласын.
Көк байрағым желбіреп,
Атақ-даңқың талмасын –деп кешімізді аяқтаймыз.
Қорытынды: Міне , оқушылар сендер бүгінгі ашық тәрбие сағаты барысында Құстар біздің досымыз екендігін мәлімдедіңдер. Сендер жалпы құстардың пайдасы туралы мағлұмат алдыңдар. Мақал-мәтелдер айтып ,жұмбақтар шештіңдер. Ендігі біздің мақсатымыз бен міндетіміз құстарды аялап, баптау. Құстарға әрқашан қамқорлық жасау. Орманымызды, көлімізді қорғасақ,құстардың да мекені , тіршілігі көбейеді. Ол үшін қыста ауылда қыстап қалатын құстарға қамқор болып , жемшашарлар жасап, көктемде жылы жақтан келетін құстарға ұя жасап қарсы алуымыз керек.
Табиғатты сүйе біліңдер! Қанатты құстарды қорғай біліңдер! Балапандарына тимей , тіршілік етуіне мүмкіндік жасаңдар. « Құстар- біздің досымыз» екенін естеріңнен шығармаңдар!
