Разработка мероприятия "Полиглот"

«Полиглот»

Бұл іс – шара тіл мерекесіне арналып өткізілді. Тіл мерекесі филология пәндерінің апталығына тұспа-тұс келуі себепті, апталықтың дайындығына қызу кірісіп кеттік. Алдымен филология пәндері кафедрасының мұғалімдерімен бірге апталықты қалай жоспарлау және қалау атау жөнінде кеңес болып өтті. Қазіргі таңда оқушылардың үш тілді жетік білуі басты мәселе болып табылатындығы себебі, апталықтың тақырыбын таңдау аса қиынға соқпады. Кафедра меңгерушісі Жамалбекова Гулзаттың апталықты «Үш тұғырлы тіл» деп атау туралы ұсынысы барлығымыздың көңілімізден бірдей шықты. Барлық кафедра мүшелері апталыққа байланысты өткізетін іс- шаралардың тақырыптарын берді.

Сол сәтте маған оқушылардың арасында «Полиглот» байқауын өткізу туралы ой келді. Байқауға мектебіміздің 8 сынып оқушылары арасынан іріктеліп алынған 6 оқушы қатысты. Байқау 5 кезеңнен турады. Әр кезең аяқталған соң, сол кезеңде жеңімпаз болған оқушыға жасырын кілт сөздің әріптері біреуі немесе екеуі табысталады. Ойын соңында қай оқушыда әріптер саны көп болса, сол оқушы жеңімпаз деп табылады. Жеңімпаз анықталған соң, барлық қатысушылар берілген әріптерден құпия сөзді табуы тиіс. Мұғалім құпия сөзге анықтама беріп өтеді және әрбір қатысушы сол сөзді қатыстырып бір- бір сөйлемнен құрайды. Оқушылардың реттік нөмірлері жеребе тастау арқылы анықталады және оқушылар өз реттік нөмірлері бойынша ойынға қатысатын болады. Мектеп директоры, мектеп директорының оқу ісі жөніндегі орынбасары, ағылшын тілі пәні мұғалімі және қазақ тілі мен әдебиеті пәні мұғалімдерінен құрылған қазылар алқасы әр кезең аяқталған соң, қатысушылардың ұпайларын жазып есептеп отырды.

Барысы:

1. Кіріспе. Жүргізуші яғни мұғалім қатысушыларды байқау шарттары, кезеңдері және қазылар алқасының мүшелерімен таныстырады.

2. Негізгі бөлім. Байқаулар.

3. Қорытынды. Қазылар алқасы қатысушылардың жалпы ұпайларын есептеп, жеңімпазды жария етеді. Қатысушыларды марапаттау.

Қатысушылар өздері таңдап алған нөмірлер реттілігімен шығады.

Бірінші кезең:«About myself». Оқушылар алдын ала дайындап келген көрсетілімдері арқылы өздерін, өз отбасыларын таныстырады. Таныстыру барынша үш тілде жүруі тиіс.

Екінші кезең: «Happy alphabet». Ағылшын тіліндегі барлық 26 әріп айнала етіп қойылады. Оқушылар көңілді әуен ырғағымен әріптерге теріс қарай билеп, әуен тоқтаған кезде билеуден тоқтайды. Әр оқушы өз реттік нөмірі бойынша кезекпен артына бұрылып, өз тұсындағы әріпті көреді және сол әріптен басталатын 3 ағылшынша сөз және олардың ағылшын және орыс тіліндегі аудармаларын айтады. Ойын бір оқушы қалғанға дейін осылай жалғаса береді.

Үшінші кезең: «Correct the mistakes». Бұл кезеңде оқушыларға орфографиялық және грамматикалық қателермен үш тілде жазылған сөйлемдер ұсынылады. Әрбір қатысушы сөйлемдердегі қателерді тауып, оларды түзетуі тиіс. Тапсырма қазақ, ағылшын және орыс тілі пәні мұғалімдерінің көмегімен бағаланады.

Төртінші кезең :«Gifted pupils». Бұл сайыста оқушылар өз бойларындағы өнерлерін паш етулері тиіс(ән айту, би билеу, өлең оқу, фокус көрсету т.б ). Өнері көпшіліктің көңілінен шыққан оқушы жеңімпаз деп табылады.

Бесінші кезең: «I am a translator». Яғни, мен аудармашымын. Оқушылар бұл кезеңде интербелсенді тақатада бейнеленген ағылшын және орыс тілдеріндегі мақалдарды сәйкестендірулері және олардың қазақ тіліндегі баламаларын табулары тиіс. Қай оқушы тапсыраманы мінсіз орындаса, сол оқушы жеңімпаз атанады.

Алтыншы, яғни соңғы кезең:«Dubbing» (Дубляж). Бұл кезеңднің шарты бойынша оқушылар көңілді фильмнен алынған үзіндіні дыбыстаулары тиіс. Бұл ойында оқушылардың тапқырлығы мен үш тілді барынша дұрыс сөйлеулері бағаланады.

Байқау аяқталып, жеңімпаз анықталған соң қатысушылар қолға кіріткен әріптерінен бірігіп құпия сөзді құрастырулары және сол сөзді қатыстырап сөйлем құраулары тиіс.