Ұстаз аты: Биік әрі мәңгілік

Армысыздар, аяулы ұстаздар!

Қазан айының алғашқы аптасында республика көлемінде тойланатын ерекше мереке - ұстаздар мерекесі! Баршамыздың сауатымызды ашып, білім нәрімен сусындатып өмірге қанат қақтырған- ұлағатты ұстаздар! Жандары ізгілік қасиетке толы, жаны жайсаң, қымбатты ұстаздар, мерекелеріңіз құтты болсын! Шаңырақтарыңыз жақсылыққа толсын! Еңбектеріңіз жемісті болсын!

Ұстаз, ұстаз қасиетті есімің,

Құттықтайды барша халық осы күн.

Өзің берген біліміңе қандырып,

Талай ұлан шәкірттерді өсірдің.

Күндеріңіз толсын гүлге , желекке,

Отбасында болсын ырыс, береке.

Құттықтаймыз шын жүректен сіздерді,

Өмір-думан, бақ әкелсін мереке!-деп мерекемізді ашып беру үшін мектеп директоры Мұсаев Қайрат ағайға сөз береміз!

Құшағында ер жеткен түлек едім,

Бар бақытты сен бізге тілеп едің.

Асыл жанды, аяулы ұстаздарым,

Тарту болсын өздеріңе бұл өлеңім.-деп сөз кезегін мектебіміздің кәсіродақ комитетінің төрайымы: Қапбарова Перуза апайға сөз береміз!

Шәкірттер сіздерді айтып мақтанады,

Бейнелерің жүректерде ақталады.

Біз, жастар, биіктерден корінеміз,

Үміт пен сенімдерің ақталады.-деп шәкіртердің ыстық ықыласын қабыл алыңыздар!

№1 оқушы.Еңбегін елі үшін аялаған,

Пананда сан шәкіртің саялаған.

Бүгінде байтерексіз бойы биік,

Қайрат ағай шәкіртерін аялаған.

№2 оқушы. Келешекті кезінде,

Кесіп айтар өзіңе.

Өнеге мол өзіңде,

Өсиет коп созінде.

Көп шәкірттің досындай,

Ардақ апай осындай!

№3 оқушы.Зияхан апай нұрын шашқан зейіндінің,

Нұрлы шам сәулесіндей мейірімің.

Дарыттың адамдықты шәкіртіңе,

Дамыттың дарын отын бейімдінің.

№4.Ұстаз бізді білім беріп өсірген,

Қателігімізді әрқашанда кешірген.

«Өмір жолы- қиын» жол деп әрдайым.

Ғалымжан ағай тәрбиелеп, ақылды ғып өсірген.

№5 оқушы.Көңілің болсын ақ қардай,

Жарқырап көзді тартқандай.

Ел-жұрттың сені ардақтап,

Жүре берсін Ақмарал апай!

№6 оқушы.Күнім деген, күлімдеген,

Қамқор болған ұстазым.

Жаны жайсаң, жайдары жан,

Ұғындырған сөз сазын,

Ұмытпаймыз, ардақтаймыз,

Роза апай сізді біз!

Берік болсын босағасы мектептің,

Ассын биік асуынан асқардың.

Ұстаздарым, тойың тойға ұлассын,

Ұстаздарым мерей тойға жалғассын!-деп Азатханқызы Нұрайды «Ұстазым» әнімен ортаға шақырамыз!

Парызымыз –Ұлы Отанға адалдық,

Бойымызда бар өскіндік балалық.

Барша жанға үлгі өнеге боламыз,

Біз «Жас ұлан» адалдықтан жаралдық- деп мектебімізде

«Жас ұлан» бірыңғай балалар мен жасөспірімдер ұйымының көшбасшысы Алтынбек Перизатты құттықтау тілегімен ортаға шақырамыз!

Тілейміз біз амандық пен бақытты,

Тілейміз біз қуаныш пен шаттықты.

Білім алған ұстаз деген ұлыдан

Біздей шәкірт шынында да бақытты!-деп Әмір Аружанды «Мереке» әнімен ортаға шақырамыз!

Келесі кезекті 6 –сыныбының биші қыздарына береміз!

Дария судың ағыны,

Құрметтеген шәкірті.

Сыйымызға риза бол!

Мұғалімдер қауымы!- деп Сіздерге мықты денсаулық пен баянды бақыт, еңбектеріңізге шығармашылық табыс тілейміз!

Әрдайым ел игілігі үшін еңбек етіп, егемен еліміздің ертеңі болатын өрелі өрендерді өсіріп, тәрбиелеп, ұяларыңыздан ұшыра беріңіздер! Төл мерекелеріңіз құтты болсын, аяулы ұстаздар!