Күрделі сөздерден өткенді қайталау

Сабақтың тақырыбы: Күрделі сөздерден өткенді қайталау

Cабақтың мақсаты:

Білімділік: оқушылардың сөзжасам тарауынан алған білімдерін пысықтап, теориялық білімдерін практика жүзінде қолдану, ауызша, жазбаша талдау жұмыстарын жүргізе отырып, білімдерін бекіту.

Дамытушылық: оқушылардың сын тұрғысынан ойлауын дамытып, ой шақыра білуге, жеке жұптасып, шағын топта жұмыс істеуге дағдыландыру, шығармашылық қабілетін, ойлау қабілетін, қиялдарын дамыту, ой қорытып, нақты шешім жасауға үйретіп, өздеріне сенімдерін арттыру;

Тәрбиелік: оқушыларды ізденімпаздыққа, өз ойын айта білуге, сауатты жазуға, ұқыптылыққа баулу, топпен жұмыс жасап, бірін - бірі тыңдай білуге үйрету, сөйлеу мәдениетін қалыптастыру;

Сабақтың түрі: қайталау сабағы,

Сабақтың әдісі: сыни тұрғысынан ойлау стратегиялары

Сабақтың көрнекілігі: үлестермелі қағаздар, топқа бөлінетін белгілер, плакат, кестелер, слайд.

Пәнаралық байланыс: әдебиет,халықтық педагогика

Сабақтың барысы:

1. Ұйымдастыру кезеңі.

2. Қызығушылықты ояту сатысы.

Оқушыларды екі топқа бөліп алу

Ой шақыру стратегиясы.

«Адам – өз өмірінің суретшісі. Ол өмірді сырлап бояуға, оған ажар, түр беруге, оны әшекейлеп өрнектеуге еңбек етеді.» Баубек Бұлқышев

М: - Ал, балалар, Баубек Бұлқышевтың бұл сөзін қалай түсінесіңдер? (оқушыларды сөйлету)

Балалар жауап береді.......

М: - Ал, еңбек ету үшін, адамның ажарлы өмір сүруі үшін не керек деп ойлайсыңдар? (ой қозғау)

3. Мағынаны ашу сатысы.

(Ойлан,тап) Адам баласының алар ұғымы өте шексіз. Соның бірі өздерің танысып шыққан – «Сөзжасам» тарауы.

1.Оқушылар біз қандай тараумен таныс болдық?

2.Сөзжасам деген не?

3.Жаңа сөздің жасалуының неше тәсілі бар?

4.Лексикалық жолмен жаңа сөздер қалай жасалады?

5.Бірігу жолмен жасалынған жаңа сөздерге мысал келтір

6.Жұрнақ жалғану арқылы жаңа сөздер қалай жасалады?

7.Жан-жануар,ит-құс,ата-ана қандай жолмен жасалынған сөздер?

8.Бірігу жолмен жаңа сөздердің жасалу жолы қандай?

келесі ойлау сатысы алған мағлұматтарды іс - әрекетте тиімді пайдалана білу.

6. «Кім шапшаң?»ойыны

1)Біріккен сөздердің адасқан сыңарларын табу

1-топқа

Халық..... бала

Боз.... дидар

Мерей... құтан

Теле... аралық

Көк... той

2-топқа

Бой..... шам

Тіл.... сүйек

Бағдар.... торғай

Ақ... жеткен

Қара... ашар

2) Берілген сөздерден 1 - топ дара сөздерді, 2 - топ күрделі сөздерді теріп жазыңдар.

Әке, ауыл, жолдас, аялдама, ауыл - аймақ, бозторғай, қара торы, көк ала, Баянауыл, ағаш, гүл, отыз, отыз - қырық.

Дара сөздер: әке,ауыл,аялдама,ағаш,гүл,отыз.

Күрделі сөздер: ауыл-аймақ,бозторғай,қара торы,көк ала,Баянауыл,отыз-қырық.

3) мына сөздерден қос сөз жасап жазыңдар

1-топқа

Азды

Құрт

Кәрі

Ауыл

азық

Керек сөздер:Түлік,көпті,жас,аймақ,құмырсқа

2-топқа

Қазы

Үлкен

Ойын

Ине

Ата

Керек сөздер: ана,жіп,сауық,кіші,қарта,

Ү. Сергіту сәті:

Қызықты мәліметтер: Жақсы қаламсаппен 50 мың сөзге дейін жазуға болады екен. Жыландар қоректенбей үш жыл ұйықтай алады. Көртышқан бір түннің ішінде 100 метрлік жерді қаза алады. Ұша алатын жалғыз сүт қоректі – жарқанат. Түйеге қарағанда егеуқұйрық шөлге төзімдірек. Кейбір қарлығаш ұшып жүріп ұйықтайды. Тек екі жануар ғана мойын бұрмай - ақ артындағыны көре алады, олар - қоян мен тотықұс. екен.. Адам күлгенде жүректің жұмысы жақсарады екен.

Осы сөйлемдердің ішінен күрделі сөздерді табу.

келесі ойлау сатысы – алған мағлұмат бойынша өзіміздің әлсіз жағымызды танып білейік.

7. Үлестірмелі қағазбен жұмыс. Әр топқа мәтін беріледі. Сол мәтінді оқып шығып, ішінен күрделі сөздерді табамыз.

№1 мәтін.

Үй ішіне еркек - әйел, ауыл адамдары сыймай кетті. Шашу шашқан әйел −Сақыш. Сақыш − Дінасылдың өзі әперген Әуездің екінші әйелі. Арынбек, Қасымбек, Ағзам, Ахметтің шешесі. Сақыш − орта бойлы қара сұр әйел.. Жасы қырықтың жуан ортасынан асып қалғанымен, жүріс - тұрысы жинақы, келін - балаларына қысқа - қысқа әмір ете жүріп, үйдегі бар жұмысты басқаруға кірісті.Шашу шашылып, ду - дүрмек молайған кезде де Мұхтар момын, сылбырлау күйінен өзгере қойған жоқ. Тек шашу шашылып болған соң өзін ұшықтаған әжесіне: −Әже, мен ауырған жоқпын ғой, неге ұшықтайсың? −Ой, шіркін, сен не білесің?! Абай атаңды аузыңнан тастамасаң, ол жебеп, демеп жүреді. Қасымбектің осы сапарда қаладан алып келген сөмкесін қолына ұстап, әжесінің үйретуі бойынша оң аяғымен табалдырықтан аттады. Осы бір сәтті қадағалап тұрған әжесі: −Бісміллә! − деп баласының соңынан ілесе шықты.

(Қ. Оразалин)

№2 мәтін

Жәндіктердің ең улысы және қауіптісі – қарақұрт. Ол шөл және шөлейт жерлерде, сай - жыраларда, адырлы жоталарда, жусанды жерлерде көп болады. Қарақұрт үйге кіріп, төсек - орынға тығылады да, жанасқанды шағып алады. Шаққаны бірден сезілмейді, еш жерің ауырмайды. Біраз уақыт өткеннен кейін денеге уы жайылады да, адам есінен танады.Қарақұрт шаққанын білген заматта, шаққан жерді сіріңкемен күйдіру керек. Уы тістеген жерден 0, 5 миллиметрден әрі сіңбейді.Егер жиырма - отыз минуттай кешіксе, у адамның денесіне тарап кетеді де, бұл әдістің әсері болмайды. Қарақұрттың уы – май тәрізді еритін сұйықтық. Оны алпыс градусқа дейін қыздырса, уытын жояды.

(«Жыл он екі ай» кітабынан)

Семантикалық карта

Біріккен сөздер

Қос сөз

Тіркесті сөздер

Жұрнақ арқылы

4. А)Кітаппен жұмыс

1-топ

67- жаттығу.

Мәтіндегі қос сөздерді теріп жазып, олардың жасалу жолдарын айтыңдар.

2-топқа

67-жаттығу Күрделі сөздерді табыңдар

5.Ой - толғаныс сатысы (Суретпен жұмыс)

1-топқа Бидің суреті

2-топқа Ат жарыс

6. Қорытындылау

7. Бағалау.

8. Үйге тапсырма.

1). Күрделі сөздерді қатыстырып, «Менің сыныбым» тақырыбында эссе жазу.

2)Күрделі сөздерді қатыстырып ертегі құрастыру.