Азиада - 2011.

Сабақтың тақырыбы: Азиада - 2011.

1.  Мақсаты: Қазақстан Республикасында алғашқы қысқы Азияда ойындарын өткізу, олимпиадалық қозғалыс және саламатты өмір салты принциптерін насихаттау.

2.  Міндеттері:

        а) Азияда ойындарын өткізу арқылы патриоттық сана негіздерін қалыптастыру,

        б) өз еліне деген ұлттық мақтанышты тәрбиелеу;

Сабақтың түрі: аралас сабақ.

Сабақ әдісі: сұрақ -жауап,іздену, қайталау,баяндау.

1.     Ұйымдастыру кезеңі

           «Сәлемдесу» әдістемесі

2.     Жаңа материал

           Тақырыбы: «Қазақстан – Азиада-2011.

1. Сөздікпен жұмыс 2. Сөз тіркестерін құру. 3. Сөйлем жазу.

а) Мәтінді оқу, аудару.

б) Сұрақ -жауап

в) Мәтінге жоспар құру.

2011 жылыдың 30 қаңтар мен 6 ақпан күндері Астана мен Алматы қалаларында 7 -ші қысқы Азиада ойындары өтті.

қазақстан құрамасы қоржынында 32 алтын, 21 күміс, 17 қола медаль болып , бүкіл әлемге елімізді танытты.

г) Деңгейлік тапсырмалар. Жеке жұмыс түрі.

3 деңгей. Мәтіннен реттік сан есімдерді тап, сұрақ қой.

2 деңгей. Мәтіннен тіркесті сөздерді тап, теріп жаз.

1 деңгей. 3- тапсырма Берілген диалогті сұрақтармен толықтыр.

Топтық жұмыс. 175 -бет. 4- тапсырма.

Азиадада болған бір спорт түріне сипаттама бер.

Кластер, синквейн жаса.

3. Сабақты пысықтау.

Мәтіннен абзацтармен жұмыс. Аударма жұмысы. Сөздік жаса.

1-мәтін

         Азия ойындары – Азия елдерінің спортшылары арасында әрбір төрт жыл сайын өткізілетін спорттық жарыс. Азия ойындары Азиада деп те аталады.

         Алғашқы Азия ойындары 1951 жылы Үндістанда өтті. Азия Олимпиадалық Кеңесі барлық Азия ойындарын өткізуге басшылық жасайды. Әрбір ойындардың эмблемасы, туы, ұраны және әнұраны бар.

2-мәтін

         Жазғы Азия ойындары - ең ірі кешенді спорттық жарыстар. 16-жазғы Азия ойындары 2010 жылғы 12-27 қараша аралығында Қытайда өтті.

Азия елдерінің спортшылары арасында мынадай ойындар өткізіледі:

·       Жабық орын-жайлардағы Азия ойындары алғаш рет 2005 жылы өткізілді;

·       Жағажайдағы Азия ойындары осы уақытқа дейін 2 рет өткізілді;

·       Өңірлік Азия ойындары. Бұлай деп аталатын себебі – оған белгілі бір өңірден бірнеше ел қатысады, мәселен, Орта Азия, Оңтүстік Азия, Шығыс Азия және басқалар.

·       Жасөспірімдер арасындағы Азия ойындары. Олар 2009 жылдан бастап өткізіле бастады. 

·       Қысқы Азия ойындары

3-мәтін

Қысқы Азия ойындары Азия құрлығының спортшылары арасында өткізіледі.

1)    1-қысқы Азия ойындары 1986 жылы Жапонияда өтті. 7 ел қатысты. Жарыстар спорттың 7 түрінен өтті.

2)    2-қысқы Азия ойындары да Жапонияда өтті. Оған 10 ел қатысты. Жарыстар спорттың 6 түрінен өтті.

4-мәтін

3)    3-қысқы Азия ойындары 1996 жылы Қытайда өтті. 16 ел қатысты. Жарыстар спорттың 7 түрінен өтті. Үшінші ойындарға Қазақстанның спортшылары қатысып, жеңіске жете бастады. Олар 31 медаль иеленді.

4)    4-қысқы Азия ойындары 1999 жылы Кореяда өтті. Оған 21 ел қатысты.

5-мәтін

5)    5-қысқы Азия ойындары 2003 жылы тағы да Жапонияда өтті. 17 ел қатысты. Жарыстар спорттың 11 түрінен өтті.

6)    6-қысқы Азия ойындары 2007 жылы Қытайда өтті. 45 ел қатысып, жарыстар спорттың 10 түрінен өтті.

6-мәтін

         Қазақстан қысқы Азия ойындарын өткізу құқығына тұңғыш ие болып отыр. 2011 жылғы 7-қысқы Азия ойындары біздің елімізде өткізіледі. Ойындар 30 қаңтар мен 6 ақпан аралығында өтеді. Оған 30 ел қатысады. Жарыстар спорттың 11 түрінен өтеді.

7-мәтін

        Биатлон – бірнеше ату шебінде кіші калибрлі винтовкадан жатып және тұрып ататын шаңғы жарыстары. 

·        Тау шаңғысы спорты – арнайы жолдармен таудан төмен құлдилау.

·        Конькимен жүгіру спорты – конькимен жылдамдыққа жүгіру.

·        Шаңғы жарыстары – шаңғымен жылдамдыққа жүгіру.

·        Шаңғыда бағдарлау – бұл қолданбалы спорт түрі. Басты шарты – белгілі бір уақыт ішінде белгіленген қашықтықты жүріп өту.

·        Шаңғымен трамплиннен секіру – арнайы жабдықталған трамплиндерден шаңғымен секіру.

·        Мәнерлеп сырғанау – бұл спортшының музыка ырғағымен мұзда конькимен жасалатын қимыл-қозғалысы.

·        Фристайл – бұл тау шаңғысы спортының бір түрі.

·        Хоккей – мұз алаңында өтетін спорттық командалық ойын. Хоккейді шайбамен де, доппен де ойнайды.

·        Шорт-трек – хоккей алаңында белгіленген қысқа мұз жолында конькимен жүгіру.

8-мәтін

Азиада-2011 бойтұмары ретінде барыстың күшігі – алан таңдап алынды. Барыс – көп мағыналы әрі мазмұнды нышан. Сақтардың мифтік таным-түсінігінде ол әділеттіктің қорғаушысы болып танылады. Барыс – қазіргі тәуелсіз Қазақстанның нышандарының бірі.

12 - мәтін

Қазақстан – көп ұлтты мемлекет, қазақтар – қонақжай халық. Қазақтардың ең жақсы ұлттық қасиеттері – үлкендер мен қонақтарды сыйлап, күту, бейбітсүйгіштік және төзімділік

9 - мәтін

7-қысқы Азия ойындарының эмблемасы үш түсті қамтиды: көк түс еркіндік пен шексіз мүмкіндіктердің кеңістігін білдіреді, сондай-ақ спорттың жинақылық пен мақсаткерлік сияқты қырларын танытады. Қызыл түс – жеңіске деген мұқалмас жігерді, спортқа шын берілгендікті, жарыс қызуын білдіреді.

4. Үйге тапсырма. Мәтін мазмұнын әңгімелеу. Азиада туралы слайд – презентация жасау.

5.Рефлексия.

6. Қорытынды. Бағалау.