Адамның рухани әлемі

Сабақтың мақсаты: оқушыларға адамның рухани әлемін түсіндіру арқылы ақиқат құндылығының мәнін ашу.

Сабақтың міндеттері:

- адамның рухани дүниесі туралы түсінік беру;

1. адамның жан дүниесінің ерекшеліктері арқылы руханилыққа құштарлық, ізгілікке ұмтылушылық қасиеттерін дамыту;

2. мейірімділік, адалдық қасиеттеріне тәрбиелеу.

Ресурстар

Құралдар

мәліметтер

2. Сабақ барысы.

1.Ұйымдастыру кезеңi. 1 мин.

Сәлемдесу, оқушылардың көңіл-күйін сұрау, сабаққа қатысуды тексеру.

5 Т ережесін сақтау.

2.Тыныштық сәтi. 3 мин. Нұрға бөлену

Ыңғайланып отырыңыздар,денелеріңізді түзу ұстаңыздар. Аяқ-қолдарыңызды айқастырмаңыз. Қолыңызды тізеңізге немесе үстелге қоюға болады.

Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп,кеудеңізге қарай бойлап барады.Кеудеңіздің орта тұсында гүл түйнегі орналасқан.Гүлдің түйнегі нұрдан баяу ашылып келеді.Балғын және таза әсем гүл сіздің әр ойыңызды,әр сезіміңізді,эмоцияңыз бен тілек-қалауыңызды шайып,жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз.Ол біртіндеп күшейе түсуде.Оймен осы нұрды қолдарыңызға түсіріңіз.Сіздің қолдарыңыз нұрға бөленіп,сәуле шашуда.Қолымыз тек жақсы,ізгі істер істейді және баршаға көмектеседі.Нұр аяқтарыңызға тарады. Аяқтарыңыз нұр сәулесін шашуда.Олар сізді тек жақсылық жасау үшін жақсы жерлерге апарады. Одан әрі нұр сіздің аузыңызға,тіліңізге тарады.Тіліңіз тек шындықты және жақсы,ізгі сөздер ғана айтады.Нұрды құлақтарыңызға бағыттаңыз,құлақтарыңыз тек жақсы сөз бен әсем әуенді ғана естиді.Нұр көздерімізге де жетті,көзіміз тек жақсыға қарап, бәрінен жақсылықты ғана көреді.Сіздің басыңыз түгелдей нұрға бөленіп,басыңызға тек ізгі,сәулелі ой келеді.

Нұр бірте-бірте қарқын және шұғылана бастайды,сіздің денеңізден шығып,

жан-жағыңызға сәуле шашады.Осы нұрды туыстарыңызға,мұғалімдеріңзге,

достарыңызға,таныстарыңызға бағыттаңыз.Нұрды уақытша түсініспей, ренжісіп жүрген адамдарға да бағыттаңыз,олардың да жүрегі нұрға толсын.

Осы нұрды бүкіл әлемге,барлық адамдарға,жан-жануарларға,барлық тірі жанға таралсын.Ғаламның барлық түкпір-түкпіріне нұрды бағыттаңыз.

Ойша айтыңыз: «Мен нұрлымын....Нұр менің ішімде... Мен нұрмын.»

Осындай Нұр,Махаббат және Тыныштық күйінде отыра тұрыңыз.

Енді осы Нұрды жүрегіңізге орналастырыңыз.Нұрға толы бүкіл әлем сіздің жүрегіңізде. Жаймен көзіңізді ашуға болады. Рахмет.

Тыныштық сәтінен алған әсерлеріңіз қандай?

3.Үй тапсырмасын тексеру

Құрманбай Толыбаев «Адам өмірінің үш бастауы» үзінді. 107-109 беттер

1. Мәтінде адам өмірі қандай жағдайлармен тығыз байланыстырылады?

2. Адам өмірінің бақыты үш бастаудың сапаларының үйлесімділігіне байланысты болуы мүмкін бе? Неліктен?

3. Аталған бастаулар келешек ұрпақ тағдыры үшін неліктен маңызды болған?

4. Адамның рухани баюына қандай қасиеттер себеп болады?

5. Өздерің Шәкәрім бойындағы қандай қасиеттерді үлгі тұтасыңдар? Неліктен?

6. Сенің өміріңде қандай бастау алдың?

4.Дәйексөз

« Жүрегіңе сүңгі де, түбін көзде,

Сонан тапқан- шын асыл,тастай көрме». 

Абай Құнанбаев

Дәйексөздің мағынасын қалай түсіндіңіздер?

Ұл балалар 2 рет,қыз балалар 2 рет айтады.

Барлығы бірге айтады.

Әңгімелесу. Мұғалім сыйы:

«Сынық құмыра» бейнебаяны

Талқыланатын сұрақтар:

1. Бейнефильмнен қандай ой түйдіңдер?

2. Сынық құмыра мен адам бойында қандай ерекшеліктер мен қасиеттер бар?

3. Ақ апаның жауабы қандай болды?

6. Шығармашылық жұмыс.

Оқушылар мозайка әдісі арқылы топтарға бөлінеді.

1 топ: 1 тап. Ар-ұждан дегеніміз не?

2-тап. Адамның адамгершілігі уақыт ағымына қарай өзгере ме?

2 топ: 1-тап. Адам өмірінің мәні неде?

2 тап. Адамның адами қасиеті жаңара ма , әлде туа біте ме?

7. Үйге тапсырма

28 сабақ 110-112 беттер

« Менің әкем, халық ұлы –Шәкерім» үзінді.

8. Топпен ән айту Бізде бәрі жақсы!

1. Жүресің бе жағдайды жиі сұрамай

Көршім келіп сұрады үй-ішің қалай?

Жақсы дедім бақытпен қиысу оңай, оңай, оңай.

Жағдайымды сұрады туысым келіп,

Шүкір деймін тұрақты жұмысым берік.

Орталанып жатқан жоқ ырысым кеміп тоба-ай, тоба-ай!

Қайырмасы2-рет

Жағдайымыз солай,

Өздеріңде қалай?

Бізде бәрі жақсы! бізде бәрі жақсы!

2. Ресей менен өзбекке, қырғызға бардым,

Саясаттың дауылын ұрғызған әр күн,

Қазақ деген бір күні жұлдыз болармын оңай, оңай.

Саясаттап түрікке, арабқа бардым

Еш күнімді оларға қаратпа Аллам

Кей біреуге таңымыз әр атқан арман тоба-ай, тоба-ай!

Қайырмасы 2-рет

3. Мықты болсаң бұл өмір көніп көр дейді,

Мұңайғаннан не пайда ерік бермейді.

Біреу келіп ырысын бөліп бермейді оңай, оңай.

Не болса да жалғанда бір күн жүрмеймін,

Сондықтан да ешкімге сыр білдірмеймін

Аллаға –құл, әлемге- тұрғынмын деймін тоба-ай, тоба-ай!

Қайырмасы 2-рет

Сабақ барысын талқылау:

5Т ереже

-Тәртіп

-Талап

-Тыныштық

-Тазалық

-Татулық

сақтау

Тыныштық сәтіне музыка

«Нұрға бөлену» бейнеролигі

Абай Құнанбаевтың портреті

«Сынық құмыра»

бейнеролик.

Тақырыпқа

байланысты

сұрақтар.

9. Қорытындылау, соңғы тыныштық сәтi. 3 мин.

Балалар, енді бір сәт тынышталайық. Бүгінгі сабақтан алған әсерлерің мен жақсы ойларыңды естеріңе түсіріп көріңдерші... Оны өздеріңмен бірге қалдыру үшін жүректеріңе салып, бір-бірлеріңе жылы лебіздеріңді білдіріңдер. Бүгін сендер өте көп жақсы істер жасадыңдар, ойларыңды жеткізе білдіңдер, жақсы ойлар айттыңдар, сол үшін сендерге рахмет айтамын!

Музыка