Адалдық – адамдықтың белгісі

Сабақ мақсаты:Оқушыларға адалдық –адамдықтың белгісі ретінде түсіндіре отырып, ақиқат құндылығының мәнін ашу

Міндеттері:: 

- Өз –өзіне адал болу керектігін түсіндіру

- Барлық жағдайда жақсыны көре білу мүмкіндігін дамыту 

-  Қарапайым болуға тәрбиелеу

Ресурстар:(құралдар, мәлiметтер)

Сабақ барысы: Ұйымдастыру кезеңi. Оқушылармен амандасып, «Өзін- өзі тану» сабағының ережесін «5-Т» қайталау.Тыныштық,Талап,Татулық,Тазалық,Тәртіп Тыныштық сәті Нұрға бөлену Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет. Үй тапсырмасын тексеруЗейін Шашкинің Темірқазық мәтінің оқуСұрақтар- Не себептен Мақыш атай «Адалдық – өмірдің Темірқазығы» деді? - -Адалдық қандай әрекеттен көрінеді? - Сіздің адалдыққа деген сеніміңіз қандай?

Сабақ барысын талдау

Дәйексөз.

«Адалдық – ардың ісі»

Халық мақалы

-Дәйексөздің мағынасын қалай түсінесіңдер?

Сұрақтар:

1. Ар деп нені айтамыз?

2. Ары таза дегенді қалай түсінеміз?

3. Адал болу қиын ба?

Әңгiмелеу (мұғалімнің сыйы)

«Жақсылықты ұмытпау»

Бір күні екі дос келе жатып, сөзге келіп қалады. Біреуі екіншісінің жағынан тартып жібереді. Таяқ жеген досы жағы ауырса да, ештеңе деместен жердегі құмға «Бүгін менің ең жақын досым жағымнан тартып жіберді»деп жазады.

Олар әрі қарай кете береді де, суы бар шалғынды әсем жерге тап болады. Сол жерде шомылуды ұйғарады. Жағына шапалақ тигені суға батып кете жаздайды, оны досы құтқарып, есін жиғаннан кейін ол тасқа «Мені бүгін ең жақын досым өлімнен құтқарып қалды» деп жазады.

Бір кезде шапалақпен ұрып жіберген, соңынан суға кетуден құтқарған досы одан былай деп сұрайды:

«Мен сені жәбірлеген кезде сен құмға жаздың, ал енді тасқа жазып отырсың. Мұны қалай түсінуге болады?»дейді. Досы оған былай деп жауап береді: «Егер бізді біреу жәбірлесе оны құмға жазуымыз керек, өйткені жел құмдағы жазуды өшіріп әкетеді. Ал біреу жақсылық жасаса, оны тасқа қашап жазу керек, өйткені ол жазуды жел де, уақытта өшірмеуі керек»

Шығармашылық жұмыс Жағдаятты талдау. Топтын ішінде жағдаят бойынша өз шешімдеріңді шығарып, оны көрініс ретінде көрсетіндер. 1 –топ. Талғат теледидардан спорттық бағдарламаны қарап отырған еді. Сол мезет інісі жүгіріп келіп: « Сізді досыңыз Самат телфонға шақырады» деді. Талғат бағдарламаны үзгісі келмей: « Мені жоқ деп айта салшы» деді. 2-топ. Асан көрші досы Маратқа көшірісемін деп уәде бергесін көмектесті. Сол күні мұғалім бақылау жұмысына дайындалып келуін сұраған. Асан екі алып қаламын деп, анасына мен ауырып тұрмын деп мектепке бармады. 3-топ. Асан сыныпқа кіргенде, ешкім жоқ еді, бірақ партаның астынан ақша тауып алды. Бір мезгілде балалар келді, Жандос ақшасын іздеп жүр екен. Асан үндемеді.

Топпен ән айту. Мейірімді болайықшы бауырлар

 Сөзі: Курмаш Маханов

Әні: Серик Қалиев

Көктем етіп көркейтсе де маңайын,

Көріп жүрміз өкпешілдің талайын,

Өшігуді қояйықшы өзгеге,

Кешірімді болайықшы, ағайын!

Көк нөсерін көл етсе де жауындар,

Көк пен жерді сел етсе де дауылдар,

Пейілдерді пенделікпент арылтпай,

Мейірімді болайықшы, бауырлар!

Болашаққа қолұстасып барайық,

Ақиқаттың ауылын іздеп табайық,

Кішірейіп кетпес ғазиз басымыз,

Кішіпейіл болайықшы, халайық!

Ел болғанмен емеспіз ғой оншакөп,

Сонда дағы бөліну мен шаршапек,

Өзімізге қалайтұғын нәрсені,

Тілейікші өзгеге де болсадеп.

Ұлттың қамын жүректер мен ұғынып,

Жұрттың жүгін көтерейік жұмылып,

Қаратайық қыбылаға жүздерді, Таратайық адамзатқа жылылық!

Үй тапсырмасы.Қ Толыбаевтің Ақиқат мәтінің оқу

Соңғы тыныштық сәтi. Баяу әуен тыңдай отырып,бүгінгі сабағымызда айтылғандай «Дені саудың жаны сау» демекші,біздің өміріміз,денсаулығымыз өз қолымызда екенін өте жақсы түсінеміз.Деніміз сау болса,отбасымызда,достарымызбен де,мектепте заманауи білімді меңгеруде де еліміздің көркеюіне үлесімізді қосамыз.Көңіліміз шат,жанымыз тыныш болады.Осы көңіл күйде сәл тыныштықта отырайық.Тыныштық,тыныштық!Тыныштық барлық жерде тыныштық бүкіл әлемде!