Оқытудың үш сатылы әдістемелік жүйесінің технологиясы

І кезең Жаңа тақырыпқа негіз болатын өткен материалдан қайталау тапсырмалары(үйден орындайды)

ІІ кезең а/жаңа тақырыпты өз бетімен меңгертуге мүмкіндік жасау;

б/мұғалімнің көмегімен таңдау

в/Жаңа тақырыпты бекіту

ІІІ кезең-кері байланыс-тексеру, бақылау, бағалау.

Қойылатын талаптар:

І деңгейдің талабы тапсырмалары жеңіл, алдыңғы сабақта жаңадан меңгерілген білімнің өңін өзгертпей қайталап,пысықтауына мүмкіндік беруі тиіс. Жаңа тақырыпты игеру соңында ұқсас тапсырмалар құру арқылы орындалады және олар оқушының өзі шығарған ереже, анықтама, заңдарын бекітуге арналады.

ІІ деңгейдің талабы:а/өтіп кеткен материалдарды реттеуге және жүйелеуге берілген тапсырмалар.Оларды орындау үшін алғашқы алған білімдерін түрлендіріп пайдалану қажет болады.

ә/ Оқушылардың ойлау қабілетін жетілдіруге берілген тапсырмалар/логикалық есептер, ребус, сөзжұмбақ/

ІІІ деңгей талабы:а/Танымдық іздену түрдегі тапсырмаларды орындау барысында оқушылар жаңа тақырып бойынша меңгерген алғашқы қарапайым білімдерін жетілдіріп, тереңдетумен қатар, жаңа білімді меңгеріп, жаңалық ашуы тиіс.

ә/ Ой қорыту арналған тапсырмалар/диаграмма,графиктер салу, өлшеу жұмыстарын жүргізу/

ІІІ деңгей талабы: Оқушылардың қиалы мен белсенді ой еңбегінің нәтижесінде жаңаша(теория,дәлелдеу) олардың жеке басының икемділігін байқататын дүние жасап шығуына негізделеді.(теорема,дәлелдеу)

Сабақтың жоспары 45 минутқа құрылады.

Сабақ жоспары 9 бөлімнен тұрады.1)тақырыпты меңгеру кезеңі,2)әр кезеңдегі мақсаттары,3)мазмұны,4)әдіс-тәсілдер,5)ұйымдастыру түрлері6)құралдар,7)оқушының іс-әрекеті, 8)мұғалімнің іс-әрекеті,9)нәтижені бағалау.

Сабақ 3 кезеңнен тұрады.

І кезең –үй тапсырмасын тексеру(5-10 минут)

І кезең Тапсырмалары қайталауға арналады. Оқушылар бірін-бірі тексереді,үздік оқушы мен мұғалім тапсырмаларды + белгісімен белгілейді, жұмыс дәптерін қолданады, үйде және сыныпта жиған ұпайларын мұғалімге хабарлайды, оны мониторинге түсіреді, бағасын журналға қояды, оқушы тиісті бағасын алады, тек ауызша марапатталады, ескерту жасалады.

ІІ кезең-мұғалімнің басшылығымен жаңа тақырыпты өздігінен меңгерту алгоритмі-(5-10 минут)

1. А/Жаңа тақырыпты өз бетімен меңгеруге мүмкіндік туғызу (5-7 минут)

ә/мұғалімнің және үздік оқушылардың көмегімен тапсырмаларды орындап, қорытынды шығару.

Б)алған қорытындыны қарапайым мысалдармен бекіту.

2.Оқушылар өздері топ-топқа бөлініп, сұрақтар құрастырады.

3.СТО және басқа да стратегияларды қолдануға болады.(диалог, пікірталас, әңгімелесу)

4.Ең нашар оқушыға дейін осы тақырып бойынша минимум білім алуын қамтамасыз етеді.

ІІІ кезең- кері байланыс-Деңгейлік тапсырмалар(Сабақтың соңына дейін қалған 12 минутта әр оқушы І деңгейден бастап үлгергенше орындайды, қалғанын үйге алады. Сабақтың соңғы 3 минутында жинаған ұпайлары саналады, сабақтың басында есептеледі.

І деңгей-“Танып -білу” мақсаты бойынша –ережелерді білу, үлгі бойынша есептер шығару.

А/барлық оқушы орындауға міндетті, үздік оқушылар автомат-зачет алуға құқылы.Мұғалімнің өзі тексереді, түзету енгізеді, ең нашар осы деңгейді орындауғат міндетті. Нәтижесі “есептелді”,”есептелмеді” бағалау арқылы екіліксіз оқуға кепілдік беріледі. Зачет алған келесі деңгейге көшеді.

ІІ деңгей-“Түсініп, пайдалану, талдау” мақсаты бойынша-өзгертілген жағдайда берілген тапсырмалар. Яғни санның сапаға ауысуқағидасы сақталады. Оқушылар бірін-бірі тексеріп+ пен белгілейді, бір-біріне көмектеседі, әр оқушы өз ұпайын өзі санайды.

ІІІ деңгей- “Қорытындылау,түйсіну, бағалау” мақсаттары көзделеді.1 тапсырма беріліп, ішінары іздену, зерттеу,анализ, синтез, салыстыру.

3.Көрнекіліктер, компьютер қолдануға болады.Ұздік оқушы айналасындағыларға көмектеседі. Өзін-өзі тексеріп, бақылап, басқаруға үйрене бастайды. Әр тақырыптың бағалары қорытынды ұпай санына сәйкес келесі сабақтың басында журналға қойылып отырады. Үйде жалғастырып орындағаннан кейін барлық 12 ұпай жинаса, журналға “5” қойылады. Келесі шығармашылық деңгейдің нәтижесі “5”-тен жоғары деп есептеледі.