Салауаттылы?-?мір салты

Сабақ мақсаты: Оқушылардың денсаулық, салауаттылық туралы түсініктерін кеңейте отырып, дұрыс әрекет құндылығының мәнін ашу.

Міндеттері:

- оқушыларға салауатты өмір сүру туралы түсінік беру;

- оқушылардың салауатты өмір суруіне ықпал ете отырып, жауапкершілік қасиеттерін дамыту;

- оқушыларды өз денсаулығын бағалауға және өмір салтын ұстануда әдептілікке, жауапкершілікке, ұқыптылыққа тәрбиелеу.

Ресурстар: (құралдар, мәлiметтер) 

слайд, өлеңнің аудиодискісі

Сабақ барысы:

1. Ұйымдастыру кезеңі.

Тыныштық сәті.    «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты. 

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. 

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде  отыра тұрыңыз... 

Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.  

  Оқушылар өз әсерлерімен бөліседі.

2. Үй тапсырмасын тексеру (мәтінмен жұмыс).

Үй тапсырмасына 40-бет, №11 сабақтағы В. Ягодинскийдің мәтіні берілді.

Мәтінге қойылатын сұрақтар:

1. Адам үшін темекі мен арақтың қандай зияны бар екен?

2. Адам осылардың әсерінен қандай ыңғайсыздыққа тап болады?

3. Аталған кейіпкер неліктен бақытсыздыққа ұшырады?

4. Осындай жағдайдың алдын алу үшін не істеу керек?

5. Кейіпкер сендердің достарың болса, қандай кеңес берер едіңдер?

Ескерту

3. Дәйексөз.

«Ауырып ем іздегенше, ауырмайтын жол ізде».

Мақал

Қыз балаларға және ұл балаларға айтқызу. Дәйексөздің мағынасын ашу. Балалардың жауабын тыңдаған соң, мұғалім өзі толықтырып, қорытындылайды. Балалар дәптерлеріне жазады.

4. Әңгімелеу

Денсаулық туралы әңгіме

Күздің шуақты бір күнінде өзінің ескі үйінің жанында сексен жастағы ақсақал отырды. Оның шашы қар сияқты аппақ болса да, жүзі жадырап, көзі жарқырап, қолдары кез келген жұмысты атқаруға дайын сияқты еді. Сол жерде жолдың бойында бойын күш кернеп, асыр салып жүрген ақсақалдың немерелері мен шөберелері ойнап жатты.

Ақсақалға жақында қаладан келген бір бозбала келіп, «Осындай жасқа қалай жеттініз? Осынша күш пен төзімділікті бойыңызда қалай сақтадыңыз?», - деп сұрақ астына алды. Ақсақал оған: «Кішкентай кезімнен мен күн шыққанда төекте жатқан емепін. Ұйқыдан тұрғанда ешқашан керіліп, ерініп жатқан емеспін. Тынымсыз жұмыс жасадым. Еңбек менің тәнімді мықты етті».

-Ал сені бұның барлығына кім үйретті?- деп сұрады бозбала. Ақсақал оны бақшасына апарды. Ол жерде жемістерінің салмағынан иіліп тұрған ағаштардың арасында бірнеше ара ұялары тұрды.

«Міне мен осылардан үйрендім» , - деді ақсақал ағаштар мен ара ұяларын көрсетіп. «Мен бұл ағаштарды отырғыздым, үнемі суарып, баптадым. Олар менің көз алдымда өсіп, жүрегімді қуанышқа бөледі. Мен ол ағаштардың ортасында өзімді, балаларымның ортасында жүргендей сезіндім. Ал кішкентай ара мені еңбексүйгіштікке, тәртіпке, ұқыптылыққа үйретті. Мен өз ғасырымды жағымды еңбек етумен, көңілді өткіздім. Сонымен қатар балаларым мен немелеріме де осындай тәрбие бердім», - деді. Бозбала бақшаны ұзақ тамашалап тұрды.

http://detskiychas.ru/pritchi/pritcha_pro_zdorovie/

Сұрақтар:

1. Ескі үйдің жанында кім отырды?

2. Бозбаланы қандай сұрақ мазалады?

3. Ақсақалдың денінің сау болып, осы жасқа жетуіне не ықпал еткен?

4. Бозбала ақсақалдың жауабынан нені ұқты деп ойлайсыңдар?

5. Бұл әңгімедегі кейіпкерлердің бойынан қандай қасиеттерді байқауға болады?

6. Өздерің күнделікті өмірде салауатты өмір салтын сақтау мақсатында қандай дұрыс әрекеттер жасайсыңдар?

Оқулықтың 43-50 бетіндегі Ұ.Есдәулетовтың «Қара пима» шығармасынан үзіндіні оқушыларға видеоролик ретінде көрсету.

5. Шығармашылық  жұмыс, топтық жұмыс.

Баяу музыка ойнап тұрады. Бұл жұмысқа балаларға 5 минут уақыт беріледі. Оқушыларды түрлі-түсті кеспе қағазадар арқылы 3 топқа бөлініп, әр топ өздеріне берілген тапсырмалар бойынша жоба қорғайды.

1-топ: Салауатты өмір суру ережелерін сақтау бойынша дұрыс әрекет жасаудағы қадамдар

2-топ: Күн тәртібін жасау

3-топ: «Зиянды әдеттердің алдын алу үшін қандай дұрыс әрекеттер жасау керек?» тақырыбында жоба ұсыну

Әр топ өздеріне берілген тапсырмаларды сынып алдында қорғайды

«Өміріңе немқұрайлы қарама»

Сөзі: Серік СЕЙІТМАН

Әні: Сәкен ДӘРІБАЕВ

Тыңда, досым, мен айтайын от тілек,

Дүниеден кетті бай да, өтті бек.

Өміріңе немқұрайлы қарама

Дәулетіңмен тұрсаң-дағы көк тіреп.

Әр күн сайын тек сен үшін атып таң,

Зерлі шапан киінсең де жақұттан.

Өміріңе немқұрайлы қарама

Шақша басың айналса да бақыттан.

Қайырмасы:

Бақ құсыңды қонған кезде бағала,

Қолда мәңгі тұрмайтын ол шағала.

Кенелсең де, досым, қанша шаттыққа,

Өміріңе немқұрайлы қарама.

Бақ құсыңды қонған кезде бағала,

Қолда мәңгі тұрмайтын ол шағала.

Қанша азап көрсең дағы бауырым,

Өміріңе немқұрайлы қарама.

1. Тұсау салып, бастатқызбай көш дара,

Етсе-дағы дұшпан күлкі, дос таба.

Өміріңе немқұрайлы қарама,

Тағдыр желі қарсы алдыңнан соқса да.

Сын сағатта сақтау үшін өз басын

Сатып кетіп сеніп жүрген жолдасың.

Өміріңе немқұрайлы қарама

Айдын көлге айналса да көз жасың.

Қайырмасы: (екі рет)

Бақ құсыңды қонған кезде бағала,

Қолда мәңгі тұрмайтын ол шағала.

Кенелсең де, досым, қанша шаттыққа,

Өміріңе немқұрайлы қарама.

Бақ құсыңды қонған кезде бағала,

Қолда мәңгі тұрмайтын ол шағала.

Қанша азап көрсең дағы бауырым,

Өміріңе немқұрайлы қарама.

7. Үй тапсырмасы.

1. Үй тапсырмасына №13 тақырыптағы 55-беттегі өсиет әңгімені үйден оқу.

2. Дәптердегі 2-тапсырма

8. Соңғы тыныштық сәтi.

Бүгінгі айтылған барлық жақсы қасиеттерді жүрегімізге сақтап алайық.

Сабақ аяқталды. Рахмет!