"Салауаттылы? -?мір салты" т?рбие са?аты

Тақырыбы: «Салауаттылық –саулық негізі»

Мақсаты: Оқушыларға дұрыс тамақтанудың маңыздылығын түсінуге көмектесу.

Міндеттері: 1. Балаларды денсаулығын сақтауға, дұрыс тамақтануға тәрбиелеу.

2. Салауатты өмір салтына қызығушылығын арттыру.

Тәрбиеші:- Саламатсыздар ма, балалар. Адамдар кездескенде бір-бірінен денсаулықтарын сұрайды, денсаулық тілейді.

- Сау болу деген не? (Ауырмау, дұрыс өмір сүру, дұрыс тамақтану)

-Денсаулық неге байланысты? Денсаулыққа не әсер етеді?

(өмір салты, қоршаған ортанын жағдайы – табиғат, тамақ)

- Мысалы, ежелгі гректер сирек ауырған, ұзақ өмір сүрген. Неліктен? Себебі, олар өсімдік тағамдарымен тамақтанған, ет аз жеген, темекі шекпеген, көп қимылдаған.

-Дұрыс тамақтану деген не?

-Балалар, сіздер білесіздер ме, күнбе –күнгі тамақтану құрамында қандай азық-түлік міндетті түрде болу керек?

Көрініс.

1-оқушы: «Ролтон» жақсы көремін, одан мықты терлеймін.

2-оқушы: Мен тойғанша жей берем кириешки мен хот-дог.

3-оқушы: Ал, мен чипсы ұнатам, қытырлатып жеп жатам.

4-оқушы: Компот қайнату керек емес,

Босқа уақыт алады.

Су қосып «Юпи» іше бер,

Ол шөліңді қандырады.

5- оқушы: «Чупа –чупс мен ұнатамын.

«Спрайт» пен «кола» жиі ішем

Жолдастарым кездессе,

Сағыз алып мен берем.

Дәрігер: Бұл балалар біздің болашақ емделушілеріміз. Дұрыс тамақтанбағанның кесірінен

олардың денсаулығына қауіп төніп тұр. Гастрит, асқазан жарасы, тіс жегі және басқа

да аурулар тудырады.

Оқушылар: Біз ауырғымыз келмейді. Жоқ, ауырғымыз келмейді.

Дәрігер: Олай болса, сіздер бұл пайдасы жоқтағамдарды көп жей бермеңіз. Балалар өз денсау-

лықтарыңызды сақтаңыз. Тек, пайдалы азық –түлікпен тамақтаныңыз.

Тәрбиеші: Ал, біздің ғылымдарымыз не дейді екен?

1-ғылым: Қазіргі уақытта сіздердің денсаулықтарыңызға зиян келтіретін көптеген азық-түлік

дүкендерінде толып тұр. Бұл гамбургер, тез дайындалатын сорпалар, чизбургер,

хот-дог, газдалған тәтті сусындар, чипсы, сағыздар.

2-ғылым: Сағыздың құрамына әр түрлі бояулар, дәмдеуіштер, ароматизаторлар кіреді.

Дәмдеуіштердің құрамына жие шекер және шекер ұнтағы кіреді. Бұрыннан

дәлелденген, қантты көп жеген сайын тіс ауыруына мың бір себеп. Осы жерде

сағыздың бақталасы жоқ. Сағызды көп шайнауға болмайды. Осы мәліметтерге

сүйене отырып, ғылымдар дұрыс тамақтануды талап етеді.

1-Дәрігер: Бала әр түрлі тағамдармен тамақтану керек. Күнбе-күн баланың тамақтану

құрамына 15 түрлі азық- түлік кіру керек. Апта бойынша тамақтану құрамына

30 түрлі азық –түлік кіру қажет.

2-Дәрігер: Күнбе-күнгі тамақтану құрамында мына азық-түлік болу керек: ет, сары май, сүт,

Нан, дәнді дақылдар, көкөніс пен жеміс-жидектер, балық, жұмыртқа, қаймақ,

сүзбе және басқа да сүт тағамдары күнбе-күн болмағанмен аптасына 2-3 рет болуы

тиіс

1-Дәрігер: Денсаулық – ең қымбат байлық. Адам баласының дансаулығы деген не?

(оқушылар жауаптары)

Тәрбиеші: Дүниежүзінің дәрігер-диетологтары адамға ең қауіпті тағамдардың бесеуін анықта-

ды. Біз оларды «Қырсық бестік» деп атайық.

1-оқушы: Газдаған тәтті сусындар «Спрайт», «Кока Кола» шөлді қандырмайды, керісінше

шөлдетеді. Оның құрамында қант көп, 1 стаканында бес шай қасықтан кем емес.

2-оқушы: Чипсы –бұл углевод пен майдың қоспасы және қоспалары. Тәтті шоколад – көп

мөлшерде қант, химиялық қосымшалар, көп калорийлер.

Сосиски, сардельки, шұжық, паштет және басқа майлы тағамдар.

3-оқушы: Майлы ет, әсіресе қуырылған.

4-оқушы: Өте қауіпті –қамырға салынған сосиска және лимонадпен бірге.

5-оқушы: Дәрігерлер, осы «Қырсық бестік» қатарына майонез, кетчуп, чупа-чупс, тез дайын-

далатын лапша, порошок сусындарды қосады. Осы тағамдардың бәрінде химия көп,

бояулар, қосымшалар. Оларды көп пайдалансаң, улы заттар ағзада жиналып ауру

пайда болады.

«Пайдалы тағамдар» тапсырма. (карточкамен жұмыс)

Ас мәзірін дұрыстау, қауіпті тағамдарды сызып тастау.

Таңғы ас: сұлы ботқасы, сүзбе, поп корн, сары май, қара нан, пепси-кола, чипсы, чизбургер,

пирожное.

Түскі ас: сәбіз бен алмадан салат, «Ролтон», ас бұршақ пен картоптан сорпа, фанта, кисель,

Кириешки, тауық етінен котлет.

Кешкі ас: бұқтырылған балық, хот-дог, күріш көкөністермен, «ролтон» езбесі, компот.

Қорытынды:

Тәрбиеші: Бүгінгі тәрбие сабағымызда денсаулықты сақтау үшін, қалай тамақтану керек,

қандай азық –түліктер ағзаға зиян келтіретіні туралы мағлұмат алдық. «Сау дене

азат ақыл, адал көңіл, үшеуімен бақытты болады өмір» деген нақыл сөзбен тәрбие

сағатымызды қорытындылаймыз. «Салауаттылық –саулық негізі» атты тәрбие

сағатымызды аяқтаймыз. Сау саламат болыңыздар!

Ақтөбе облысы, Мұғалжар ауданы, Ембі қаласы

Жанындағы интернатпен №7 орта мектеп

Тақырыбы:

«Салауаттылық саулық негізі»

Орындаған: Аленова Гүлмира Жарменқызы

2015-2016 оқу жылы