Ұстаз болу айтуға оңай..
Мақсаты: Оқушыларды ұстазды құрметтеуге, сыйлауға үйрету, ұстаз мамандығының қыры мен сырларын түсіндіру. Ұстаз еңбегін әрқашан бағалай білуге үйрету.
Көрнекіліктер: Қанатты сөздер, гүлдер, жалауша, шарлар. Түрі: сыр-сұхбат Әдісі: әңгімелеу,сырласу Өту барысы:
Ұстаз болу- жүректің батырлығы,
Ұстаз болу- сезімнің ақылдығы.
Ұстаз болу- мінездің күн шуағы,
Азбайтұғын адамның алтындығы дей келе, 6а сыныбының «Ұстаз болу» тақырыбындағы айтуға оңай сыр-сұхбатқа қош келдіңіздер.
Бүгін бізде сыр-сұхбат қонақғы осы мектебімізде ұзақ жылдардан бері еңбек етіп қазіргі таңда зейнетке шығып демалыста отырған ұстаздар.
Ұлылықтың ұйытқысынан жаралған, өнегеңнен барлық шәкірт нәр алған.
Шапағатты шуақ сепкен ұстаздар, өздеріңнен бастау алар бар арман.
Ұстаздар жақсылықтың жол ашары, қолыңда шәкіртіңнің бала шағы.
Өмірді алға қарай өрлететін, сендерде Ұлы Отанның болашағы.
Енді бүгінгі кеш қонақтары осы мектептің ардагер ұстаздарын қошеметпен қарсалайық.
Баймырзаева Кулшахан бастауыш сынып мұғалімі.
Өмірбаева Зағипа қазақ тілі мен әдебиеті пәнінің мұғалімі
Бергенбекова Күләй география пәнінің мұғалімі
Рысбаева Керімхан бастауыш сынып мұғалімі.
Азимқұлов Нұргелді физика пәнінің мұғалімі
Азимқулова Майра музыка пәнінің мұғалімі
Рахымжанова Сатан Бекмукаевна бухгалтер
Білім беру саласындағы ұзақ жылғы жемісті еңбегі және жас ұрпақты оқыту мен тәрбиелеудегі жетістіктері үшін аудандық, республикалық құрмет грамоталарымен марапатталған. Республикалық, облыстық білім жүйесіндегі білім беру мен тәрбие үрдісін ұйымдастырудағы және жетілдіруде шығармашылық еңбегі мен табысы үшін құрмет грамоталарымен және алғыс хаттармен марапатталған
мұғалім сөзі бүгінгі ке 2- бөлімнен тұрады
Жүргізуші: Ұстаз! Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым.
Ұстаз ұлағатты есім. Шәкірттерін білім нәрімен сусындатып, тәлім тәрбие беру, жақсы қасиеттерді бойына дарытып, адамгершілік рухта бағыт бағдар беруде еңбегі зор. Олай болса, құрметті ұстаздар төл мерекелеріңізбен шын жүректен құттықтаймыз! Сіздердің шәкірттерді тәрбиелеп, білім беру жолындағы еңбектеріңіз жана берсін. Еңбектеріңізге табыс, отбасыларыңызға бақыт, мерейлеріңіз үстем болсын демекпіз.
Ұстаз жолы қиынырақ басқадан,
Сырлары мол әлі сыртқа шашпаған.
Шаршаса да, осы жолдың бойында,
Қандай жақсы шын бақытын тапса адам.
- бөлім
Көріністі тамашалаңыздар!
Мұғалім:
Ертеде бір ханның жалғыз қызы қатты ауырып қалыпты. Қызын емдеп жазған адамға ат басындай алтын беремін деген хан бұйрығын естігендер жер-жерден келіп қызды емдемекші болады. Бірақ ешбірінің емі қыздың дертіне дауа болмайды.
- Биші де келеді
- Күйші де келеді
- Әнші де келеді
- Дәрігер де келеді
- Бұл хабар ұстаздар еліне де жетеді. Әліппесін құшақтап ұлағатты ұстаз келеді. Ол қызға іші ілім-білімге толы әліппе оқулығын ұстатып, 42 әріппенен таныстырып, «оқу» атты жарық дүниенің есігін ашады. Міне сол уақыттан бері мұғалім адамзат баласына саналы да сапалы білім беріп, жан-жақты дамытып,жақсы қасиеттерге тәрбиелеуде.
Екеуі қосылып «Үйретеді мектепте» /3/ әнін орындайды.
Сәлем бердік ұстаздар баршаңызға,
Сіздермен тола берсін ортамызда.
Бүгінгі ел басқарған азаматтар,
Білім алған сіздердің арқаңызда.
Бүгінгі күн құшақтарың гүлге толсын,
Дендеріңнің саулығы мықты болсын.
Білімменен суарған шәкірттерің,
Төл мерекең ұстаздар құтты болсын
Ән: «Ұстазым менің, ұстазым»
Ұстаздарым биік тұлға байсалды,
Құшақ жайып өз мерекең қарсы алды.
Қуанышты жарқын тілек білдіріп,
Құттықтаймыз, ұстаздарым баршаңды.
Білімнің кәусар бұлағын,
Жүресің құйып санама.
Біз үшін сенсің мұғалім,
Ұстаз да, ғылым, дана да.
Ақыл – білім көп бердің,
Анамдайсың мектебім.
Сенде өсіп көктедім,
Сенсің өмір көктемім.
Оқыттыңдар ұл – қызым деп,
Күлімдеген ұстаздар.
Ән арнадық арнайы,
Тағзым ете ұстаздар!
Күнім деген, күлім деген,
Қамқор болған ұстазым,
Жаны жайсаң, жайдары жан. Ұғындырған сөз сазын.
Айта берсек, ұстазға сөз жетпеген,
Кімге ұстаз білім нәрін төкпеген.
Айтыңдаршы адам бар ма, өмірде,
Ұстаздарға қарыздар боп өтпеген.
Ұстазым екінші адам аялаған,
Біздерге бар білімін аямаған.
Оқысын, білім алып үйренсін деп,
Таңертен күнде құшақ жаяды алдан.
Ұстазыңды түсінген сен тереңнен,
Бар әлемге еңбегімен еленген.
Сенің бағың өрге қарай өрлесе,
Ол да бірге қуанышқа кенелген.
Ұстаз сөзін айтып жүрдік ән қылып,
Одан басқа жүрген кім бар, жанды ұғып.
Ұстаз деген ұлылардың ұлысы,
Қасиетіне бас иейік мәңгілік.
Ұстаздар — ұлттың тірегі,
Ұстаздар – мектеп жүрегі.
Ұрпаққа жетер ұстазбен,
Халықтың ұлы тілегі.
Әр сөзі мейіріммен басталатын,
Қатайтқан шәкіртінің жас қанатын.
Білімнің нәрін сепкен ұстаздардың,
Қалайша атамасқа асқақ атын.
Ұстаз болу – жүректің батырлығы,
Ұстаз болу – сезімнің ақындығы.
Ұстаз болу – мінездің күн шуағы,
Азбайтұғын адамның алтындығы.
2- бөлім
Ұстаздар! Қандай ғажап халықсыздар! Шәкіртке шыңдай биік алыпсыздар. Жан біткен жанарына нұр сыйлаған, Күндей болып күлімдеген жарықсыздар.
2оқушы: «Мектеп - білім тірегі, ұстаз оның жүрегі» - деп ғұламалар айтқандай, кез келген адам ұстаз бола алмайды. Себебі, ұстаздық - өнер, тағылымы терең өнер. Ал өнерлі болу кез келген адамға қона бермейді. Олай болса, шын ұстаз болу үшін табиғи дарын, ізгілікті ізденіс пен ерен еңбекке ұштастырылуы шарт.
Жүргізуші: Келесі сөз кезегін бүгінгі кеш қонақтарына берейік. Өз өмір жолдары, ұстаз болуының қыры мен сыры туралы айтып берсе.
Сұрақ – жауап.
Жүргізуші: Көп рахмет.
Ұстаз жолы қиынырақ басқадан,
Сырлары мол әлі сыртқа шашпаған.
Шаршаса да, осы жолдың бойында,
Қандай жақсы шын бақытын тапса адам әрине Ұстаз болу- айтуға оңай.
