Тақырыбы: «Ұстаз - құрметті сөз»
Мақсаты: Ұстаздың білім берудегі орны, оның адамгершілігі, бейімділігі жайында балалардың ұғымын кеңейтіп, олардың ақыл-ойын дамыту, дүниетанымын, шығармашылық қабілетін арттыру, сондай-ақ мұғалімді құрметтеуге оның еңбегін бағалап, жақсы жақтарын үлгі етуге тәрбиелеу, ұстаз туралы түсінік, білімдерін толықтыру.
Көрнекіліктері: Мерекеге арналған суреттер.
Әдіс-тәсілі: Әңгімелеу, сұрақ-жауап,тақпақтар мен мақал-мәтелдер. Оқу іс-әрекетінің барысы:
Тәрбиеші: Балалар, бүгін ерекше күн! Біздің бүгінгі сабағымызға қонақтар келіп отыр. Қонақтармен амандасайықшы. Балалар: Сәлематсыз ба! Тәрбиеші: Енді балалар шаттық шеңберін жасап, бір-бірімізге жылы лебізімізді білдірейік.
Қуан, шаттан, алақай,
Қуанатын күн келді.
Қайырлы таң, қайырлы күн!
Келіп шықты күн бүгін.
Тәрбиеші: - Жақсы. Енді балалар, орындарымызға жайғасып алайық. Біздің бүгінгі «Ұстаз»-құрметті сөз атты тақырыптық оқу іс-әрекетімізге қош келдіңіздер. Құрметті ұстаздар, баршаңызды келе жатырған төл мерекелеріңізбен шын жүректен құттықтаймыз!
Тәрбиеші:
- Балалар, көңіл-күйлеріңіз қалай, сабаққа дайынсыздарма?
Балалар:
-Иә, өте тамаша.
Тәрбиеші: - Балалар, бір жылда неше жыл мезгілі бар? Қандай?
- Бір жылда төрт жыл мезгілі бар. Жаз, күз, қыс, көктем.
- Балалар, қазір жылдың қай мезгілі?
- Казір жылдың күз мезгілі. –
Күз айларын атаңдаршы.
- Қыркүйек, қазан, қараша.
- Күз мезгілінің ерекшеліктерін білесіңдерме? - Күз мезгілінде қандай мерекелер болады? Тәрбиеші: Ал, енді балалар, осы күз мезгілі жайында тақпақтар білеміз бе?
Айбек: Берекесін сыйлауға
Перизат: Біреу астық пісіріп,
Өлкемізге күз келді.
Біреу бидай ұшырып.
Жемістерін жинауға
Жатқан мезгіл күз екен,
Шақырады біздерді.
Алдым соны түсініп.
Тәрбиеші: Балалар, мен сіздерге бүгінгі өтетін жаңа сабағымызды ақын Ғ.Қайырбековтың «Ұстаз» туралы өлең жырларымен бастағым келіп тұр. Ендеше балалар, өлеңді тыңдаймыз.
Ұстаз болу - жүректің батырлығы,
Ұстаз болу - сенімнің ақындығы.
Ұстаз болу - мінездің күн шуағы,
Азбайтын адамның ақындығы.
Тәрбиеші: Балалар, осы біздің өлеңімізде кім туралы айтылған? Балалар: Ұстаз туралы айтылған. Тәрбиеші: Олай болса балалар, біздің бүгінгі өтетін жаңа сабағымыздың тақырыбы «Ұстаз»-құрметті сөз деп аталады. Біз бүгінгі сабағымызда ұстаз туралы айтатын боламыз. Балалар, бәріміз мына суретке назар аударайық. Бұл суретте кімнің бейнесі бейнеленген?
Балалар: - Ұстаздың бейнесі бейнеленген.
Тәрбиеші: Ұстаз деген - аяулы адам, асыл жан. Ол-адамдардың өмірге көз қарасын, бір-біріне деген сый-құрметін қалыптастыратын, білім мен тәрбие беретін, адамгершіліктің нұрын төгетін адам. Мектептің басты тұлғасы, жүрегі мұғалім. Егеменді еліміздің ертеңін ойлар білімді де саналы, Отанын, туған жерін, ұлтын сүйетін ұлтжанды, парасатты азаматты тәрбиелеуде және де, шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта, бағыт-бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Ұстаз жүгі-ауыр жүк. Ұстаздың әсерлі үнмен асықпай мәнерлеп сөйлеген сөзінен әрбір балаға деген, қамқорлық пен дана ойдың ыстық лебі байқалады. «Ұстаздық-ұлы қасиет». Себебі, ұрпақтарды ұстаз тәрбиелейді. Болашақтың басшысында, данасында, ғалымында ұстаз өсіреді. Өмірге ұрпақ берген аналарды қандай ардақтасақ, сол ұрпақты тәрбиелейтін ұстаздарды да солай ардақтауға міндеттіміз. Бала бойына ата-анадан кейінгі ақыл-ой, адамгершілік, әдептілік,ар-ұят, ұлттық сана-сезімді сіңіруші адам-мұғалім. Ұстаз да диқан сияқты. Ол әр адамның жанына білім дәнің себеді. Әр шәкіртін аялап өсіріп, дәлірек айтсақ адамды өмір сүруге тәрбиелейді. Сол үшін бойындағы асыл қасиеттерді шәкірттеріне сіңіріп, тер төгеді.
Тәрбиеші: Балалар, бұл суретте бейнеленген, ең алғаш қазақ жерінде мектеп ашқан, қазақтың ұлы ағартушы-ұстазы Ы.Алтынсарин. Ол 1841 жылы қазіргі Қостанай облысы Алатау ауданында дүниеге келген. Балалар әдебиетінің негізін салушы. 8-қаңтарда Торғайда тұңғыш қазақ мектебін ашты. Ол мектепте ең алғаш 14 қазақ баласымен өзінің білім беру жұмысын бастады.
Сергіту сәті: - Балалар, енді бой жазып, денемізді бір сергітіп алайықшы.
Орнымыздан тұрамыз,
Қолды белге қоямыз.
Орнымызды айналып,
Билеп-билеп аламыз.
Оңға қарай бір адым,
Солға қарай бір адым,
Алға қарай бір адым,
Артқа қарай бір адым,
Жоғары-төмен қараймыз,
Орнымызды табамыз.
Тәрбиеші: Ендеше балалар, біз бүгінгі тақырыбымызға сай «ұстаз» туралы тақпақтар мен мақал-мәтелдер білемізбе?
Үміт: Мектеп-кеме, білім-теңіз,
Ол өзіңсің мұғалім.
Барар жерге тез жетеміз.
Сенен жиған білім-нәр,
Адаспаймыз ұлы жолда,
Нәрсені мол ұғамын.
Ұстаз берген білім қолда.
Хасан: Тек биіктер шығарым,
Сенен түлеп ұшамын мен.
Ақылшы дос мұғалім.
Өзің берген біліміңмен,
Жанымы серік етемін,
Биіктерге шығамын мен.
Білімнің қайнар бұлағын.
Меруерт: Ұстаз деген - сырлас данам, арлы шың,
Шәкіртінен аямаған бар күшін.
Бұл өмір де адам болып қалуың,
Ұлы адамға шексіз-шексіз алғысым.
София: Үйретіп бізге алғаш әліппені,
Ұстазым ғылымға жол салып берді.
Адамның ой-арманы, мақсаттары,
Оқудың сәулесінен жарық көрді.
Сая: Өмірге жол бір өзіңнен бастадым,
Алфавитті алғаш сенен жаттадым.
Ұстаз- ана, естен кетпес мәңгілік,
Мейіріммен арқамыздан қаққаның.
Балалардан «Ұстаз» туралы мақал-мәтелдер сұрау.
Аян: Ұстаз көрген - хат таныр.
Темирлан: Жақсы шәкірт - ұстазының мұраты.
Сабақты қорытындылау.
- Балалар, сіздерге бүгінгі сабақ ұнады ма? - Біз бүгінгі сабағымызда не туралы әңгімеледік? - Ұстаз деп кімді айтамыз? Ол қандай адам? - Қандай қасиеттерімен ерекшеленеді? - Ұстаз туралы тағы не білесіңдер?
Мадақтау. - Жарайсыңдар балалар! Бүгінгі сабаққа бәріңіз де өте жақсы қатыстыңыздар. Осымен біздің бүгінгі «Ұстаз»-құрметті сөз тақырыптық оқу іс-әрекетіміз аяқталды.
