Сабақтың тақырыбы: Ұлттық ойындар.
Сабақтың мақсаты: Ұлттық ойындармен таныса отырып,ұлттық ойындарды ойнату.
Міндеттері:1.білімділік: Ұлттық ойындармен таныстыру,қазақ тіліне тән
дыбыстарды дұрыс айту,білімдерін бекіту.
2.дамытушылық: Тақырыпқа байланысты сөздерді дұрыс айтуға дағдылан-
дыру ,шығармашылықпен жұмыс істей отырып,сөздік қорын молайту, тіл
байлығын арттыру,топта бірлесіп жұмыс істеуге үйрету.
3.тәрбиелік:ұлттық ойындарға деген қызығушылығын арттыру,ойындар
арқылы әдептілікке баулу.
Қолданылған стратегиялар: Ой шақыру,топтастыру,бес жолды өлең,жигсо-1
Сабақтың барысы.
1.Ұйымдастыру кезеңі.
Жылулық шеңбері.Оқушыларды ортаға шақырып, бір-бірінің қолынан ұстап
Ең жақсы сөздерді бір-біріне айтып шығуын сұраймын.
Мысалы: Саша, сен ақылдысың. Марина ,сен менің жақсы досымсың.
Оқушыларды сабақтың тақырыбы мен мақсатымен таныстыру.
Сыныпты топқа бөлемін.
2.Қызығушылығын ояту.
Ой шақыру.Ойындар сөзін естігенде ,көз алдарыңа не елестейді? Жеке
Тізім жасап, жұпта ой бөліседі,топта пікірлесе отырып, ортақ ойларын
жинақтап, ортадағы үлкен қағазға топтастырады.
3.Әр топтан бір немесе бірнеше бала шығып қағаздағы суреттерін әңгімелеп
береді.
4.Мұғалімнің сөзі. Қазақтың ұлттық ойындары туралы айтып өту.
Мағынаны ажырату сатысы
Әр топқа сұрақ қойылады. Ұлттық ойындардың қандай маңызы бар?
Ұлттық ойындар нені қажет етеді? Қандай ұлттық ойындарды білесіңдер?
Сабақ үш айналымнан тұрады. Әр айналымда асық иіріледі.Қай топтың түсі-
не сәйкес асық түссе ,сол топ ойынды бастайды.
Әр топ ойыншылары өздеріне ұнаған конверт түсін таңдап алады,ішіндегі бе-
рілген тапсырма шарттарын орындайды.Дұрыс орындаса ,өз тобына сәйкес
қызыл,жасыл, көк түсті боялған асықты алады.
Екінші айналым.Сергіту сәті.(Теңге алу) ойыны.Ойыншылар билеп,музыка
ырғағымен шеңбер бойы билейді.Күй тоқтағанда ортадағы теңге түйілген
орамалды алады.Орамалды алған ойыншыға сұрақ қойылады.
Мәтінмен жұмыс.Бес жолды өлең стратегиясын қолдану.Мәтіннен бір
зат есім тауып жазу.Қандай? сұрағына жауап беретін сөзді тап.
Синоним сөздерді тап.Төрт сөзден құрылған сөйлемді ата.топ сөзіне антоним
тап.Үшінші айналым.Дыбыстар әлемі. Мәтіннен бір топ жуан дауысты ды-
бысты сөздерді тауып жазу,екінші топ жіңішке дауысты дыбысты сөздерді
тауып жазады.Қай топ көп мысалдар айтса ,сол топ асығын алады.
Ойын өткізу. Тыңдаңыздар! Тыңдаңыздар!
Мариновка орта мектебінің 4- сынып оқушысы жоғалып кетті. Оның үстінде
қара форма ,ақ фартук бар. Оның шашы сары,көзі көк,бойы қысқа,өзі көңілді
бала.Оқушылар бұл қай оқушы екендігін анықтайды.
Сабақтың қорытындысы:
Жигсо-1 стратегиясын қолдану.
Не білдім? Не білемін? Не білгім келеді? Таблицасын қолдану.
Оқушылардың топ бойынша жинаған асықтарын санап ,білімдерін бағалау.
Үй тапсырмасы: қосымша әдебиеттен ұлттық ойындар туралы мәлімет жинау.
